رد: مشكله رعشه في السلانسيه ومش لاقي لها حل ....ارجو المساعده
 

فعلا زي ماحضرتك قولت كده 2 راكبه مكان واحد وواحد مكان 2

والصور مش قديمه ولا حاجه دي النهارده الصبح

بس انا لما جيت اركب عكست 2 و 1 زي ماحضرتك قولت

انا هاخد مشوار بالعربيه والصبح اشوف البوجيه رقم 1

لو لا قيته مش مهبب

هنضفهم كلهم واشوف تاني لو 2 برده هبب ( مع اني مش مركبله السوسته المشكوك فيها ) يبقي هنضف تاني وابدل المرادي الرشاشات ونشوف

وربنا يجازيك خير علي مساعدتك انشاء الله

رد: مشكله رعشه في السلانسيه ومش لاقي لها حل ....ارجو المساعده
 

بس أبقى أعرفلى مكان رشاش رقم 2 حيروح فين

وبتاع أى غرفه إللى حيكون فى رقم 2

وحنحتاج صور تانى برضه لمقارنة الأشكال ( شكل الحريق بتاع البوجيهات بنفس طريقة العرض

وكفايه صور للبوجيهات فقط بترتيبها ....المره القادمه بعد ماتشغل شويه أو تعمل

مشوار معقول )

دا لو مطلعش العيب من السوسته

لما تكشف على البوجيهات قبل موضوع تغيير الرشاشات

يعنى التركيز واجب

على مانمسك الحقيقه

ومتابع معاك هذا الموضوع

لحد مانمسك السبب

بفضل الله

وبأقل الخسائر الممكنه

رد: مشكله رعشه في السلانسيه ومش لاقي لها حل ....ارجو المساعده
 

باشمهندس سمير .. ليه اخبار حضرتك ؟

انا النهارده كشفت عالبوجيهات تاني بعد ما مشيت العربيه كويس امبارح طول اليوم
واحنا كنا بدلنا السوسته اياها اللي كانت رقم 2 وديناها 1

ودي النتيجه

ده رقم 1 ماتغيرش تقريبا
http://up.arab-x.com/Nov10/sMP47925.jpg

وده رقم 2 اتهبب برده ( مع اننا غيرناله السوسته )



http://up.arab-x.com/Nov10/XEO47925.jpg

رد: مشكله رعشه في السلانسيه ومش لاقي لها حل ....ارجو المساعده
 

وده رقم 3

http://up.arab-x.com/Nov10/p7g47925.jpg


وده 4


http://up.arab-x.com/Nov10/T6947925.jpg




وانا النهارده وانا بقفل غيرت مكان الرشاش رقم 2 ( البوجيه اللي بيهبب ) وحطيته مكان 1

وبكره اكشف تاني واشوف ايه اللي هيحصل مع بوجيه رقم 1


وهل ده معناه ان الرشاش ده بايظ مع اني منضقهم وكاشف عليهم من اسبوعين

الراجل نضفهم بانه وصلهم علي دايره متقطعه علي البطاريه وقعد يرش منظف من الفتحه بتاعت الرشاش شويه وبرده يرش بالعكس

كمان قاللي انهم مش بايظين لانه لما بينفخ فيهم بيلاقيهم مسدودين وقاس المقاومه بتاعتهم بالافوميتر لاقاها زي بعض

فهل برده ممكن يكون الرشاش ده بايظ ؟؟
وهل ممكن شراء رشاش واحد ولا لازم 4 مع بعض ؟؟

رد: مشكله رعشه في السلانسيه ومش لاقي لها حل ....ارجو المساعده
 

طالما أنت حسيت أنه هبب تانى ( أى رقم 2 )

وكان أنظف من الوضع الحالى

يبقى السوست بريئه من هذه المشكله

نظف بأه البوجيهات كلها

أو هات طقم جديد

وركبه

مع تبديل الرشاش رقم 2 برشاش رقم 1

عاوزين نشوف

هل العيب من رشاش رقم 2 ولا من البوبينا

العيب أكيد حاجه من الأثنين

رشاش رقم 2 أو المخرج رقم 2 من البوبينا ضعيف فعلا

رد: مشكله رعشه في السلانسيه ومش لاقي لها حل ....ارجو المساعده
 

عاوز تنظف الرشاشات صح

يبقى على مكنة الألتراسونيك

وقياس المقاومات حاجه والنظافه حاجه

المقاومات المختلة القياس تعملك رجه على السلانسيه

والرشاش المسيل يهبب البوجيه نظرا لضخه كميات كبيره من البنزين على هذا البوجيه

وبالتالى بتختل شرارة البوجيه ويبوظ حريق ونغمة حريق المكنه

_________________________

فاكر اللمبه الجاز بتاعة زمان

لما كنا بنعليها زياده عن اللزوم

كانت بتعمل أيه

بتهبب الأزازه

نفس الفكره تماما

رشاش بيسيل _____________ لمبه جاز متعليه الشعله بتاعتها

بوجيه هبب _____________ أزازة اللمبه إللى هببت من أثر تعلية شريط اللمبه

رد: مشكله رعشه في السلانسيه ومش لاقي لها حل ....ارجو المساعده
 

تمام اوي يا هندسة كلامك منطقي وعشره علي عشره
بس كان ليا استفسار قبل ما اغير الرشاش او البوبينا لاقدر الله
ما فيش اي احتمال ان الموضوع ده يكون من اي حاجة تانيه ؟؟
لان للاسف كل الورش عندنا هنا مش بتعتمد علي اجهزة قياس مناسبه او تحليل منطقي لواحد دارس وبيفهم ابدا هوا كل ما يشك في حاجة يقولك غيرها
ده حتي جهاز الالتراسونيك ما لقتهوش في اسكندريه خالص

ده مره والله راجل دكتور محترم دخل ورشه بعربيته قدامي عنده مشكله قام الميكانيكي قاله ولا يهمك يا باشا احطهالك عالسكانر ونعرف المشكله منين في ثانيه
المهم العبقري وصل وداس بنزين وكام نمره كده وقال للراجل هنغير حساس شكمان وبوابه
وكان رد الدكتور اللي موتني من الضحك
حساس شكمان وبوابه ايه اذا كان السكانر بيقولك انه مش قاري سيستم العربيه اصلا (what)

انت متخيل الورش ماشيه ازاي

الف شكر ليك مره تانيه علي مجهودك معايا ربنا يجعله في ميزان حسناتك
ولو شاكك في حاجه تانيه في مشكلتي ياريت تقوللي

وجزاك الله خير