رد: تقييم الشاهين 1.6 بعد 55 الف كيلو بالتمام و الكمال
 

ما شاء الله

انا معايا شاهين 1.4 موديل 2004

الحمد لله كنت بدخل بيها محاجر و جبل و بلاوى و العربيه ما شاء الله
و اخويا على العربيه من ورا عشان الوزن اللى بنحطه في الشنطه وزن كبير على عربيه ملاكي اصلا

وعادى جدا الحمد لله زي الفل ما شاء الله عليها

موضوع حضرتك ده مرجع

رد: تقييم الشاهين 1.6 بعد 55 الف كيلو بالتمام و الكمال
 

انا سمعت ان السياره الشاهين تم ايقاف تصنيعها هل هذا الكلام صحيح

وكمان انا عايز نصيحه بخصوص شراء شاهين مستعمله في حدود 40 الف جنيه اي موديل تنصحوني بيه لاني تعبت جدا واحترت قوي العربيات الجديده ضعيفه ومليئه بالعيوب من وجهة نظري ولاتقارن بالشاهين رغم تحفظي على الشكل لكن انا اعترف بها كسياره افضل من اللانوس والفيرنا ولو ممكن مقارنه بينهم من الاستاذ حازم خضر والاستاذ ابو نورا وطبعا كاتب الموضوع المحترم مهندس فادي وكل من يستطيع ان يفيدني برأي يساعدني في حيرتي من الاخوه المحترمين في هذا المنتدى الراقي

رد: تقييم الشاهين 1.6 بعد 55 الف كيلو بالتمام و الكمال
 

رد: تقييم الشاهين 1.6 بعد 55 الف كيلو بالتمام و الكمال
 

مبلغ 40 الف جينه هيجيبلك موديل 2003-2006
عموما حاول العثور على موديل ما بعد 2003 أو 2005, موديلات 2003 استبدل فيها محرك ال131 بمحرك الفيات تمبرا, و هو أكثر حداثة و كفاءة, و محرك التمبرا أفضل من محركات هيونداى و دايو الحديثة, و أحدث منها و أفضل تصميما.
محركات ما بعد 2005 اصبحت ذات حقن الكترونى احادى النقطة. لذا حاول العثور على موديل ما بعد 2005 و ان لم تجد لا تتنازل عن موديل 2003. و المهم طبعا حالة السيارة.

رد: تقييم الشاهين 1.6 بعد 55 الف كيلو بالتمام و الكمال
 

لكن يا استاذ فادى
انا اعرف ان موتور التمبرا1400 نزل فى الشاهين من 97
واللا حضرتك تقصد تمبرا 1600 هو اللى نزل من 2003
ومتفق مع حضرتك تماما انها افضل من محركات دايو وهيونداى




تحياتى للجميع

رد: تقييم الشاهين 1.6 بعد 55 الف كيلو بالتمام و الكمال
 

على حد علمى الشاهين نزلت فى تركيا بمحرك التمبرا من 1996,
لكن فى مصر فبحسب كلام احدى مهندسى الصيانة فى التوكيل محرك التمبرا من 2003,
ده كلام عرفته من دردشة سريعة مع احدى مهندسى التوكيل لما سألته عن اصل المحرك, فقالى انو الشاهين بتنزل من 2003 بمحرك تمبرا ايطالى و الشركة بتقلبه عشان الدفع الخلفى.
قد يكون مخطىء, و عموما يمكن معرفة ذلك ببساطة, لأن محرك التمبرا يميزه الكامات العلوية SOHC, لذا يمكن تمييزه بسهولة عن محرك ال131.

رد: تقييم الشاهين 1.6 بعد 55 الف كيلو بالتمام و الكمال
 

هو طبعا تقرير مثير للاعجاب خصوصا ان بيمس سيارة تقريبا محدش مركبهاش فى حياتة
بس لية ملاحظات بسيطة
يمكن انا شخصيا أفضل السيارات المتينة و لكن
أشعر ان الشاهين سيارة استنفذت فى السوق المصرية
يعنى تعود الى عصر التكنولجيا القديمة نوعا ما فى كل شيىء
عدا موضوع الحقن الالكترونى و هو الجديد فى الموضوع
اما باقى السيارة فهى تعود الى تكنولجيا سبقتنا بثلاث اجيال على أقصى تقدير
و يبقى السؤال الهام
لما تشترى عربية و تقييمها
بناءا على استخدامك و عملك اليومى
ام بناءا على وجهة نظر عامة؟؟؟
يعنى مثلا سمعت -مجربتش - ان الشاهين فيها عدة مشاكل فى أنبوب العادم
و هى سيارة فقيرة الكماليات
و ان كنت قررت مقارنتها بالدايو لانوس فالمقارنة تصبح صعبة و غير جائزة
لان تلك فئة من زمن ما
و تلك فئة من زمن أخر يسبق ما قبلة بسنوات

و لكن تظل الاادا -بعد التعديل الذى حدث- و الشاهين هى السيارات المناسبة تماما لطبيعة الطرق المصرية
و لكن
هنقول اية
قفلوا شركة النصر بالضبة و المفتاح علشان غبوووور يشتغل كويس
و الاادا سيارة سمعتها تسبقها مع انها اصبحت ذو نعومة أكثر و لها تعديلات بسيطة و لكنها تحولها الى سيارة أخرى خصوصا مع الموديلات الاحدث ذو الباور ستيرينج

تحياتى توبيك فى مجملة جيد و ربنا يكفيك شرها و يحسن سوءها
تحياتى