|
رد: تجربتي مع الشيروكي و مركز خدمة أكثر من ممتاز ...
اقتباس:
شكرا لذوقك و الله يبارك فيك... (بس أنا بعت خلاص من حوالي شهر...) :) السؤال دلوقتي... هو محتاجها لإستخدامها في ايه؟ عموما الشيروكي من شكل لحد 97 و بعدين من 98 ل 2001 شكل جديد... بعد كدا ليبرتي من 2002 ل2007 ... و أخيرا الKK ابتداء من 2008 و لحد دلوقتي... هو محتاج أنهي شكل؟ قبل 97 ولا 99؟ لو عايز نصيحة مني خد شكل 98-2001 أسعاره بتتراوح ما بين 70-90 لو بحالة جيدة جدا الى ممتازة... و برضه بتعتمد على كماليات العربية و عوامل تانية كتير.. |
رد: تجربتي مع الشيروكي و مركز خدمة أكثر من ممتاز ...
تسلم يا ريس علي النصيحة
انا هاخد بنصيحتك واجيب من 98 الي 2001 - عشان السعر مناسب شوية هوا هيستخدمها كعربية نص نقل - هوا حاليا معاه الهامر المصري - الشاهين ههههههههه هوا بيقول عليها كدة وشايف انه لو هيغير مش هيجيب اقل من شروكي - عشان تستحمل - سفر ونقل بضاعة وحاجات كدة شكرا مرة اخري لاهتمامك بالمناسبة - انت بعت من شهر ؟؟؟؟ طيب مش تقول جيبت ايه عشان نباركلك ومرة اخري شكرا للإفادة |
رد: تجربتي مع الشيروكي و مركز خدمة أكثر من ممتاز ...
اقتباس:
بالنسبة للبيع أنا بعت و كان عندي نية شراء لاند كروزر مستعملة... بس لسة ملقيتش حاجة كويسة... حاليا معايا تيمبر لاند حلوة أوي... بقضي بيها مشاويري كلها.... :) |
رد: تجربتي مع الشيروكي و مركز خدمة أكثر من ممتاز ...
عزيزى مينا ياريت تعطينى عنوان الورشة اللى اتعاملت معاها ورقم التليفون ان امكن وشكرا جزيلا
|
رد: تجربتي مع الشيروكي و مركز خدمة أكثر من ممتاز ...
اقتباس:
الورشة صاحبها اسمه المهندس هشام... 0106980184 هما في الأوتوستراد بعد ما تعدي منشية ناصر و انتا داخل على صقر قريش... (هتعدي من تحت الدائري و تاخد أول البطيء يمين) ... هما في أول فتحة يمين في البطيء... و عموما... لو معرفتش الطريق... اتصل بهشام و هو هيدلك... قوللو أنا جايلك من طرف مينا اللي كان معاه شيروكي دهبي... و هو مش هيحتاج توصية :) |
رد: تجربتي مع الشيروكي و مركز خدمة أكثر من ممتاز ...
شكرا جزيلا اخى مينا على سرعة الرد
|
رد: تجربتي مع الشيروكي و مركز خدمة أكثر من ممتاز ...
اقتباس:
كنت عايز استفسار دقيق محتار وعايز اجيب عربية لحد 45 اجيب ايه ناس تقول شاهين وناس تقول لانوس وناس تقول نوبيرا وناس تقول فيرنا وناس تقول كيا برايد سيدان اهم شىء انى عايز موديل عالى من 2000 وانته طالع اجيب ايه وتقيميك ايه للشاهين مع مراعاه انى محتاج سياره كويسة اسافر بيها من بنها لمطروح مره كل شهر تقريبا ده غير عملى وتحركى والبنزين محترمه فيه وقطع غيارها رخيصه والعفشه حلوه وفى نفس الوقت تخاف عليه فى المصاريف ولو عطلت لا قدر الله الاقى حاجاتها فى الشارع بسعر كويس ويوم ما ابيع القى سعر جيد ليه يعنى يكون سعر اعاده بيعها جيد |
| الساعة الآن 08:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017