رد: طقوسك ايه ؟؟؟
 

كلام زي الفل ياباشا وخطوات منظمة جميلة عجبتني بصراحة
* بتبص من البلكونة الأول قبل ما تنزل عشان تظبط حالك مش تشد الرحال وتنزل تلاقي نفسك خبطت في حيطة سد والعربية مقفول عليها ومش هتعرف تطلع
* بتصلي ركعتين قبل ما تخرج وديه حاجة في حد ذاتها أكثر من روعة وخاصة إنك بتبقى على سفر والله اعلم الطريق فيه ، يارب حتى تكون رايح أول عباس وانت ساكن في أول مكرم برده مع البلد واللي بنشوفه فيها من ألوان وأشكال السواقة كل يوم، أنا حقيقة اعتبر المشوار ده سفر :)
* بتهتم بالعربية وتتابع حالتها أول بأول وأنا بحترم ده جدا، سواء في العربية أو أي حاجة عندك، حتى لو جراب الموبايل، أصلي بحب قوي اللي يحافظ على الحاجة
* بتهتم تربط الحزام وديه حاجة برده بحترمها قوي ومش عارف الناس اللي ما بتربطهوش ما بتربطهوش ليه نفسي أفهم سبب وجيه لكده ؟
* بالنسبة لنوع الكاسيت الله يكرمك يا كابتن قولنا نوعه ايه عشان ماحدش يجيبه وتبقى عملت خدمة فينا 444546

رد: طقوسك ايه ؟؟؟
 

انا طقوسى ابص على العربية من البلكونة واشوف هطلع ازاى (اصل انا ساكن على البحر والارض لسه رمل ومش متساوية وفيها حفر وطلعات ونزلات والناس بتركن عشوائى) ..
وبنزل وانا رايح على العربية ببص عليها نظرة سريعة (ضغط الكاوتشات ولو فيه طوب ولا حاجة)

غالبا قبل ما اركب بزود ميه فى القربة وكل اسبوع تقريبا بقيس الزيت ..

وبعدين بركب العربية وقبل ما ادور بربط الحزام (علشان منساش) وبدور وبشغل الكاسيت وبفتح الازازين اللى قدام نص فتحة وبسخن 3 او 4 دقايق وبسمى ربنا وبمشى ...



وشكرا على الموضوع الجديد ..

رد: طقوسك ايه ؟؟؟
 

بدور و استنى دقيقتين و اتوكل على الله

رد: طقوسك ايه ؟؟؟
 

رد: طقوسك ايه ؟؟؟
 

جميل جدا إنك بتفتكر حزام الأمان أنا زيك برده ما أحبش أطلع من غير ما أربط الحزام ، وبرده ممتاز إنك بتسخن قبل ما تطلع ده كويس عشاه الموتور أصل في ناس كتير دلوقتي بتقولك العربيات الجديدة مش لازم تسخن وبتطلع علطول هو مفيش مشاكل على المدى القصير لكن على المدى البعيد ممكن يظهر مشاكل، والله الله الله الله عليك إنك بتسمي قبل ما تطلع وياريت تكون بتعمل كده في كل حاجة، أنت عارف لو الواحد إتعود لما يجي يعمل اي حاجة يسمي هيجي يوم القيامة لما ياخد كتابه هيسمي لأنه هو ده اللي كان بيعمله في الدنيا :) .
والعفو يا حبي الموضوع موضوعك وشرفته يا نجم

رد: طقوسك ايه ؟؟؟
 

عادى يا باشا ..

اصل الريداتير عندى كان مشروخ من فوق (ما بين العلبة وجسم الريداتير) ولازقها بلزق معادن لغاية ما اغير الريداتير ان شاء الله وبيسرب بسيييييط جدا ..

علشان كده بحب اشيك على الميه كل يوم الصبح وازودها لو ناقصة واهو بشغل نفسى لغاية ما العربية تسخن ..

اقتباس:

جميل جدا إنك بتفتكر حزام الأمان أنا زيك برده ما أحبش أطلع من غير ما أربط الحزام

هههههههههه

اصل بعيد عنك اول مخالفة فى حياتى كانت مخالفة حزام وكان ساعتها معييش رخصة .. والمصيبة انى متمسكتش فى حملة .. ده كان ظابط واقف على جنب فى حته مدارية ومعاه امين شرطة وفجأه لقيت امين الشرطة بيندهلى "فين حزامك يا كابتن" .. انا اترعبت وكمان كان القانون الجديد لسه نازل وكنت باكل من كلام ان فيها سجن والكلام الفاضى ده هههههههههه

واللى زاد وغطى انى اكتشفت ان الظابط اللى كان واقف مش ضابط عادى .. ده مدير ادارة مرور بورفؤاد هههههههههههههه

والحمد لله قالى انا هكتفى بمخالفة الحزام بس بعد ما موتنى من الرعب ..

ومن ساعتها لازم البس الحرام قبل ما ادور العربية واتعودت على كده (ناس تخاف ما تختشيش) ههههههههههه

اقتباس:

وبرده ممتاز إنك بتسخن قبل ما تطلع ده كويس عشاه الموتور أصل في ناس كتير دلوقتي بتقولك العربيات الجديدة مش لازم تسخن وبتطلع علطول هو مفيش مشاكل على المدى القصير لكن على المدى البعيد ممكن يظهر مشاكل،

كلام سليم جدا .. لان التسخين ضرورى ولازم علشان تكون كل اجزاء الموتور اتزيتت كويس وكمان يكون الموتور درجة حرارته مناسبة لان الموتور لما بيكون بارد ونمشى بيه غلط وبيقلل عمره على المدى الطويل ..

علشان كده لازم نسخن مش اقل من 3 دقايق ..

اقتباس:

والله الله الله الله عليك إنك بتسمي قبل ما تطلع وياريت تكون بتعمل كده في كل حاجة، أنت عارف لو الواحد إتعود لما يجي يعمل اي حاجة يسمي هيجي يوم القيامة لما ياخد كتابه هيسمي لأنه هو ده اللي كان بيعمله في الدنيا :) . والعفو يا حبي الموضوع موضوعك وشرفته يا نجم

اللهم اجعلنا من اهل اليمين ونتجمع فى الجنة زى ما احنا متجمعين فى المنتدى العظيم ده ...

الف شكر يا غالى ..

رد: طقوسك ايه ؟؟؟
 

اصبحنا واصبح الملك لله ربنا يعنا علي الشعب ده وبعد كده اشيك علي الميه و الزيت مره كل اسبوع و اتوكل علي الله