رد: إلحقونى يوجد زيت فى قربة المية معقول
 

شوف يا نجم

زيت يدخل على ميه او ميه تدخل على زيت يعنى جوان وش سلندر ...

ودى يا باشا اكتر حاجة انا صلحتها فى عربيتى ...

وخلى بالك الموضوع مش سهل الميكانيكى هيفك نص الموتور اللى فوق ودى شغلانه كبيرة ...

هتحتاج :

1- طقم جوان (واحد او اتنين حسب ما الميكانيكى يقولك ولو مقلكش اساله انت ) وتمنه بس للهيونداى الواحد حوالى 40 جنيه بس حاول تستنضف ...

2- ازازه جملاكا علشان يلصق الجوان فى الموتور ( اقف على ايدة فى الخطوة دى بالذات واتاكد ان الجوان راكب بطريقة صحيحة

3- غيار زيت للموتور ...

وممكن تحتاج حاجات فرعية صغيرة كدة كمان ...


بس نصيحة لو لسة ماشتغلش فيها تعمل غسيل لدورة المية الاول بحيث تشتغل على نضافة ..

وتعمل حسابك فى حسبة 250 او 300 جنية ...

وابقى طمنا يا غالى ....

رد: إلحقونى يوجد زيت فى قربة المية معقول
 

أشكرك على المشاركةو أحب أعرف سيادتك إن الموضوع هوإنى لسة عامل وش السلندر يوم الخميس وإنى شرحت كل إل حصل وكل التصليحات التى تمت وكانت التكلفة 600 جنية وأحب أعرف سيادتك بأنة تم تزويد وش السلندر ومسحة فى المخرطة و تم تغير عدد ( 2) جوان ولكن بعد التصليح وأستلام السيارة وبعد مامشيت بيها وجدت إن لسة فية زيت فى قربة المية وهو دة إلى محيرنى هل وش السلندر بايظ وتالف ومحتاج تغير أم الميكانيكى معملش الشغل صح أو كما يجب

رد: إلحقونى يوجد زيت فى قربة المية معقول
 

المشكلة إن مافيش حاجة بتتعمل بلدي بترجع زي الأول
يعني ممكن التزويد و المسح في المخرطة ماكانش كويس أو تركيب الجوان نفسه مش كويس
و على فكرة إنت اتأكدت أنه قفل عليه بسليكون حراري ؟
على فكرة
الموضوع ممكن يكون أبسط من كدة و تكون دورة التبريد محتاجة تتغسل كويس و حلاص
على العموم ربنا يوفقك إن شاء الله

رد: إلحقونى يوجد زيت فى قربة المية معقول
 

ذهبت اليوم لورشة اليداتير وقام بتنظيف دورة المية والقربة ووضع مياة من الحنفية وقالى عدى عليا كمان يومين علشان نشوف وننضف الدورة تانى ونحط مية خضرا بشرط أن يكون شغل الميكانيكى مضبوط يعنى إن مية القربة مايكونش فيها زيت ولوفيها زيت ها ترجع للميكانيكى تانى علشان يظبط شغلة تانى

رد: إلحقونى يوجد زيت فى قربة المية معقول
 

بصراحة خطوة مسح الوش فى المخرطة انا شايف انها غير موفقة للاسف ...

لان وش السلنلدر لما يتمسح الموتور بيخف وبيضعف ..

المفروض كنت تشوف وش استيراد وتركبة احسن ..

المهم ان الموضوع بتاع الزيت ده استمر معاك لازم تروح للميكانيكى وتبهدله بس انا اعتقد ان العيب من الوش ولازم يتغير ...

وعندى سؤال : الراجل بتاع المخرطة والميكانيكى قالولك ايه على الوش بالظبط ؟؟؟؟؟؟

مستنى الرد ...

رد: إلحقونى يوجد زيت فى قربة المية معقول
 

الميكانيكى هوإلى قالى الوش متأكل بس مشكلة هتروح تزودة وتمسحة ولما روحت المخرطةعلم بالقلم على الفتحات إلى محتاجة تتزود وقالى متقلقش حيرجع زى الأول ودخلة الورشة ولما رجعت للميكانيكى سألتة هل وش السلندر مظبوط وأتعمل فى المخرطة صح قالى كدة تمام والوش أتزود وأتمسح تمام وعلى العموم سوف أذهب غدا أفك اليداتير لأنظفة من أثار الزيت وأنضف دورة الية مرة تانية وأشوف النتيجة وسوف أقول لك ماحدث وأشكرك على إهتمامك وجزاك الله كل خير

رد: إلحقونى يوجد زيت فى قربة المية معقول
 

معلش يا استاذ محمد كنت فى الشغل و معرفتش اتابع الموضوع بس ان شاء الله زى ما الاخوة الاعضاء و حضرتك قولت حتتطلع كانت دورة الميه محتاجة نضافة