رد: طلب مشورة بخصوص البرايد الإيراني ..
 

دى شهادة فعلا اعتز بيها يا استاذ ألفريد و ايضا لك منى محبتى و احترامى و متنساش تطمنا

رد: طلب مشورة بخصوص البرايد الإيراني ..
 

سلانسية البرايد الايرانى بعد ما العربيه ما تسخن ومن غير تشغيل تكييف او اى حاجة بيبقى على 900 بالظبط
والمفروض بيتظبط على الكمبيوتر مع اول صيانة لو مش مظبوط
عامة العربيه خفيفة وعفشتها مرنة وعزمها عالى وده بيدى احساس بجموح العربية وانطلاقها وده طبيعى مش مشكلة

رد: طلب مشورة بخصوص البرايد الإيراني ..
 

العزيز أبو نورا ..
أشكرك على معلوماتك القيمه .. فعلا العربيه بتكون على 900 في السلانسيه .. بس بسألك حضرتك بتقول المفروض بيتظبط ع الكمبيوتر في اول صيانه .. طيب هل هيتظبط بحيث ينزل عن كده ، ولا لو هو عالي يتظبط على 900

كمان انا لوجودي في المنيا غيرت زيت بعد اكتر من 1500 كيلو وحطيت موبيل 1 اللي هو 3000 كيلو هل ده كويس ؟

عموما انا شبه اتعودت عليها خلاص ، وكان فيه مشروع شرا بيت جديد فكنت هابيع العربيه لكن اخدت بيت صغير فمش محتاج ابيعها ، وهي بجد حلوه جدا ومش تاعباني في حاجه

أكرر شكري لاهتمامك

رد: في السايبا برايد الـ Rpm مش بينزل عن الواحد
 

هل تعتقد ان الله يوفق انسان لايكون فى عون اخيه وعجبى

رد: في السايبا برايد الـ Rpm مش بينزل عن الواحد
 

أستاذ شريف .. أنا مش عارف ابعتلك ازاي الكتالوج اللي حضرتك عاوزه لأني مش عارف أعمله بي دي اف
أنا صورت الجزء المتعلق بالسايبا برايد وكبرت حجم التصوير يعني بقى أوضح م الأصلي .. ممكن ابعتهولك بالشحن السريع .. لو حابب ابعتلي عنوانك وممكن ابعته لحضرتك ولا تزعل يا سيدي .. أنا تحت أمرك ، واعذرني لأني مُقل في دخولي ع النت لظروف العمل .. تقبل تحياتي

رد: في السايبا برايد الـ Rpm مش بينزل عن الواحد
 

بعد السلام
ارجو ان تعزرنى ولكنى زعلت جدا واعتقدت انك تخليت عن وعدك على العموم شكرا للرد وارجو ان تعرفنى كيف ساسدد ما صرفته حضرتك والبريد السريع حيث انى ليس لى خبره بلبريد السريع واسعاره
وعنوانى :32 ش الترعه التوفيقيه متفرع من ش الفريد-عزبه النخل-القاهره
وشكرا.

رد: في السايبا برايد الـ Rpm مش بينزل عن الواحد
 

أستاذ شريف .. حضرتلك الكتالوج ، ولقيت حد من عزبة النخل بينزل هنا المنيا .. يعني يادوب هاتروح تستلمه من عنده هو مكتبة في عزبة النخل بس هيكون تقريبا بعد اسبوع أو عشر أيام بالكتير .. مستني بس يرجعلي المندوب اللي شغال معاهم وابعتلك الكتالوج معاه ، واكون كمان أخدت منه عنوان المكتبه بالتفصيل أكثر ومواعيدهم عشان تروح تستلمه منهم .. أي خدمه لحضرتك .. تحياتي