|
رد: السادة المسنين فوق الثلاثين
كركوب الهاتش باك فى حد ذاته ... مافيهاش مشكلة طبعا
المشكلة فعلا بتبقى فى وجود الاطفال و عربيات الاطفال اول ما الاطفال تكبر شوية و يستغنوا عن العربيات مفيش اى مشكلة و الهاتش باك بجد بتكون جامدة جدا فى السواقة و ممتعة و يا سلام لو حتة جولف كدة تبقى فى الجووووووون :) |
رد: السادة المسنين فوق الثلاثين
بما انى معدى سن 30 بمراحل اهو بلعب فى ال33 مش مشكلة نهائى انى اشترى عربية هاتش باك والمسئلة مش منظرة المسئالة باحتياجك بس انا شايف ان الهاتش باك عملية فى كل حاجة ممكن تركن فى اى حتة تفوت فى الزحمة فا مافيش مشكلة من انى اشترى هاتش باك
|
رد: السادة المسنين فوق الثلاثين
لو اني ردي متأخر على الموضوع لكني في الاخر دخلت ورديت
الموضوع مش مشكلة السن اكتر ما هو مشكلة الاستخدام وطبيعة السمتخدم واسرته وزي ما شوفت الردود كلها تقريبا في نفس الحاجة دي نقطة النقطة الثانية اننا بنحب العشرة قوي والحاجة مش بتهون علينا نفرط فيها بسهولة يعني اللي معاه عربية هاتش باك النهاردة وهو وزوجته بس او معاه طفل او اتنين صغيرين ومش بيروح مشاوير كبيرة ولا سفر هيجي عليه اليوم اللي يحتاج فيه عربية كبيرة وقتها بقى هيبقى في حيره يسيب العربية اللي عاش معاها وحافظ كل ملي فيها وعارف عيوبها ومشاكلها ومميزاتها وسحبها واستهلاكها ومواقفها الحلوة والبايخة يسيب العربية دي ويروح يجرب في عربية جديده او مستعمله وكبيرة ويقعد يتعلم اللي فيها تاني ويشوف قرفها وعينه بتكون اتعودت على الابعادة ولو السنة كان كبيرة شوية النظر تعب والذارة ضعفت وصعب يركز في ابعاد العربية من تاني قبل فترة اطول غير السن الصغير خالص وبعدين مشاويرك على فين يعني فيه واحد معاه عربيته خاصة بيه لوحده وفيه واحد معاه عربيته مشااااااااااااع للعيلة والاخوات والقرايب والجيران مبنقولش حاجة ( من فرج عن اخيه كربه من كرب الدنيا فرج الله عنه كربه من كرب يوم القيامة ) لكن فعلا فيه ناس عربياتها ببتهدل من كتر الاستخدام وغالبا بيكون استخدام خاطي خصوصا ان الهاتش باك غالبا بيكون واطي وعفشته مش للخدمة الشاقة ( ده في حدود علمي محدش يتريق) هنا بقى الهاتش باك ميزة وعيب في نفس الوقت الميزة ان محدش يطلب منك خدمات كتير علاشن بيراعي ظورف عربيتك خاصة لو معاك حاجة اصغر من علبه الكبريت شوية ( ماروتي مثلا ) العيب انك لو انت اتزنقت فعلا في مشوار محتاج عربية كبيرة هتتصرف ازااااااااااااااااااي |
رد: السادة المسنين فوق الثلاثين
بالفعل موضوع شيق جدا لانه من اوائل موضوعات الموقع والله الموفق .
|
رد: السادة المسنين فوق الثلاثين
انا ردى متاخر شويه للموضوع بس حبيت اشارك انا عندى اسره مكونه من زوجه وطفلين وحاسس انى اتجننت وجبت سيراتو كوبيه وفعلا كنت فى صراع نفسى حول ممكن اجيب هاتشباك عشان عربيه الاولاد والشنط وكده بس الحمد لله استخرت واهو فى الاخر جبت كوبيه كمان مش هاتشباك
|
رد: السادة المسنين فوق الثلاثين
هي المشكله ان بحس ان ال Hatch Back بناتي حبتين لكن معنديش مانع تماما اني اركب عربيه Hatch Back |
رد: السادة المسنين فوق الثلاثين
ياسلام على مواضيعك يا أحمد باشا إللى بتتحدى الزمن
|
| الساعة الآن 09:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017