مصر موتورز مجتمع السيارات - اية رايكم فى زيت امارات مصر؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - اية رايكم فى زيت امارات مصر؟ (https://www.masrmotors.com/vb/showthread.php?t=32577)

رد: اية رايكم فى زيت امارات مصر؟

اقتباس:

المشاركة الأصلية كتبت بواسطة waelsalah (المشاركة 285876)

السلام عليكم
ايه افضل زيت بيتغير كل 1000كم (الف كم) ياريت ذكر اسمه وسعره ولكم جزيل الشكر
وكل عام وانت بخير عيد اضحى سعيد

اعتقد زيت توتال وزيت شل بس انا بفضل توتال عشان 50/50 يعني يمشي مع اعلي درجة برودة واعلي درجة سخونة

رد: اية رايكم فى زيت امارات مصر؟

اقتباس:

المشاركة الأصلية كتبت بواسطة waelsalah (المشاركة 286734)

السلام عليكم ورحمة الله وبركاته
كل سنه وانتم طيبين
لمبة الزيت عندى بترعش بتظهر وتختفى والعربيه هاديه ولما بدوس بنزين بتختفي ........................

ROSE4Uالسلام عليكم و رحمة الله و بركاتهROSE4U

و كل عام , أنتم بخير و صحة و سلامة

أنا فاكر زمااااااااااااااااااااااا اان , سنة 1998 , كان لمبة الزيت بتتأخر فى أنها تطفى فى عربيتنا القديييييييييييمة البيجو 505 مو 1980 لما أدورها الصبح و فعلا , الموضوع ده كان قالقنى و روحت للميكانيكى و فك كارتيرة الزيت و نزل الزيت فى جركن و فك طرمبة الزيت و جربها بره , لقى فيها شوية تأخير عن العادى و ده طبيعى لأن دى الطرمبة اللى كانت نازلة فى العربية من المصنع و فعلا , روحت جيبت واحدة جديدة أيامها ب 180 جنيه و العيب راح بعد كده و ماشفتش وشه تانى, هيييييييييييييييييييه , أيام بأه.

فأنا أعتقد أن المشكلة لو عندك و بتروح مع دوس البنزين , هتبقى حاجة من تلاتة :

العربية مافيهاش زيت , أو الزيت اللى فيها قليل و لما العربية بتكون ماشية , فى الملفات , تلاقى اللمبة تنور لأن الزيت بيبقى عمال يلق فى الكارتيرة و دى حصلت معايا أنا شخصيا قبل ماعرف أن الزيت بينقص فى الموتور .

أو أن العربية فيها زيت و كله تمام التمام و أن الزيت مابينقص , بس المشكلة أن الطرمبة , مابترفعش الزيت من الكارتيرة الى داخل الموتور و ده بيبقى عيب طرمبة و لاااااااااااااااااااازم تتغير .

لو الطرمبة سليمة و العربية فيها زيت و لسة اللمبة بتلعب أو بترعش, يبقى العيب فى لمبة الزيت .

و ربنا يوفقك الى اللى فيه الخير ليك و كل المسلمين .

MERCEDES S320

رد: اية رايكم فى زيت امارات مصر؟

اقتباس:

المشاركة الأصلية كتبت بواسطة mercedes (المشاركة 286779)

ROSE4Uالسلام عليكم و رحمة الله و بركاتهROSE4U

و كل عام , أنتم بخير و صحة و سلامة

MERCEDES S320

جزاكم الله خيرا
وربنا يستر

رد: اية رايكم فى زيت امارات مصر؟

اقتباس:

المشاركة الأصلية كتبت بواسطة teto2007 (المشاركة 229581)

السلام عليكم ورحمة الله وبركاتة كل عام وانتم بخير
كنت عاوز اخد راى الاعضاء فى زيت امارات مصر من حيث الكفاءة والجودة لعربيتى 128 موديل 91 هل الزيت دة كويس ام لا ولو مش كويس اية افضل زيت ليها مع العلم ان حالة الموتور جيدة جدا وشكرا ليكم مرة اخرى

افضل زيت من وجهة نظرى وعن تجربه زيوت bp لانها شركة بريطانية محترمة جداً واسعاره رخيصة جداً وهتلاقيه بس فى بنزينات الغاز الطبيعى
لو موتور عربيتك قديم شويه هات مستوى 50 احادى الدرجة ب 42 جنيه ( مستوى F)
لو موتورك كويس اوى وجديد هات w20 50 متعدد الدرجات ---- ب 48 جنيه (مستوى F)
وجرب وادعيلى