رد: عيوب ومميزات السيراتو من مهندس صيانة بالتوكيل
 

يا جماعه بكل الكلام والتعلقيات الى سمعتاه

للى معاهم سيراتو فرامل العربيه مش تمام حتى abs منها الكوتش بيافش والعربيه بتزحف خصوصا بنهار والاسفلت سخن بجد عن تجربه بدل المره كتير

ومش انا بس الى اشتكيت اكتر من واحد عندهم سيراتو وثبتها زى الزفت بعد 120 مش بتحس انك على الارض اصلان

بجد بجد العربيه دى طلعت مقلب فى حجات كتير اوى
انا كنت مبهور بيها وقلت العربيه دى توب بس بعد ما سفرت بيها كام مره عرفت انها فى الفاضى

ده راى محدش يزعل

رد: عيوب ومميزات السيراتو من مهندس صيانة بالتوكيل
 

على فكره انا كان معايا سيراتو خليجى وعملت بيها حادثه واتكهنت وكان سبب الحادثه عدم ثبات السياره

رد: عيوب ومميزات السيراتو من مهندس صيانة بالتوكيل
 

حمد الله على السلامة. ممكن تفاصيل أكتر عن الحادثة و حصلت ازاي.

رد: عيوب ومميزات السيراتو من مهندس صيانة بالتوكيل
 

السيراتو عربية جامدة بس الاتزان فعلا بعد 120 مش حلو






444546

رد: عيوب ومميزات السيراتو من مهندس صيانة بالتوكيل
 

حمدله على السلامه يا ريس شكلك كنت على الطريق الزارعى

وزى ما قلت العربيه دى طلعت مقلب بجميع المقايس

رد: عيوب ومميزات السيراتو من مهندس صيانة بالتوكيل
 

يا سيدي الفاضل - دة قضاء وقدر - العربية مش حتمنع الحادث - وموضوع الثبات دة نسبي - يعني يعتمد علي عوامل كتير قوي مش بس العربية

نوعية الاسفلت - درجة الخشونة - المطبات - السرعة - العربيات - نوعية السواقة - نوع الكاوتش - المناورة اللي تمت - عوامل الطريق - زيوت ومياة وحتي الندي


مفيش عربية ما بتعملش حادثة


يبقي كل العربيات مش ثابتة

من الآخر... سيراتو سيارة ممتازة أم سيارة سيئة؟؟؟؟؟؟
 

أنا وكتير زيي بنحاول ناخد قرار شراء سليم, وده هيكون إزاي من غير أخد راي أهل التجربة والخبرة. لكني والكل أكيد ملاحظ إن تضارب الراي واسع جدا على السيارة سيراتو. طبعا أتنا مش منتظر إن الكل يتفق أو يختلف عليها, لكن مش ممكن تكون سيارة بالإنتشار ده والنجاح ده فى مصر (الإنتشار دليل على النجاح, ولا إيه؟) وميكونش فى رأي غالب شوية حتى عن التاني.

قصاد كل واحد بيقول إن العربية ثباتها ممتاز, واحد تاني بيقول الثبات سيء جدا. وقصاد كل واحد بيقول سيارة آمنه فى السرعات العاليه, واحد تاني بيقول إنها سيارة الموت والحوادث.

من ملاحظتى إننا )المصريين) بقينا نسوق بسرعات عاليه جدا وغير آمنه, يعني لما الواحد يقولك (أنا مليش فى الجرى) يكون يقصد إن آخره ١٦٠ !!! ده غير الغرز والملفات اللى على السرعات دي,. فهل يبقى العيب فينا وفي سواقتنا ولا العيب فى العربيات؟

مهو أنا مش متصور إن شركة زي كيا (وسيبكو من عقدة الياباني بقى) هتنزل عربية فيها عيوب فنيه فى الثبات, بس همه مكانوش يعرفو إن فيه ناس ممكن تعمل غرز على ١٤٠. أساسا مظنش إنهم يعرفو حاجه إسمها غرز أصلا.

فياريت نسمع ردود موضوعية فى المسألة دي. أنا واحد اخري على طريق سفر ١٢٠ وبسوق بعقل جدا لأن معايا فى العربية أغلى ناس عندي ( مراتي وعيالى) فياريت نحط العاملين دول مقياس لردودنا على سؤالين محددين:

١- هل سيراتو سيارة مناسبة وصفقة جيدة لأسرة صغيرة وأسلوب قياده هادئ وسرعة قصوى ١٢٠-١٣٠ كم, ولا غرز ولا يحزنون؟

٢- موضوع نشوفية العفشة - هل هي فعلا ناشفة للحد ده (خصوصا ال SX عشان جنط ١٧)؟ ولا الناس تقصد ناشفة بالنسبة لعربيات تانيه. وعموما هل النشوفية دي مزعجة لدرجة إن الواحد يندم على شراء العربية دي؟ يعنى العربية بتكركب وتخبط فى المطبات كأنى راكب لادا يعنى؟

معلش طولت عليكو أوي, بس الحيرة فى الموضوع ده صعبة أوي, دي أول مره أركب زيرو ومش عايز أندم