رد: اخر مفأجات العم غبور رفع اسعار السيارات من 1000 الى 5000 جم
 

غبور اكبر حرامى على مر التاريخ

رد: اخر مفأجات العم غبور رفع اسعار السيارات من 1000 الى 5000 جم
 

اعمل ايه انا واخدة قرض بنكى عشان اشترى العربية ولو مشترتهاش خلال شهر هيتخصم من مرتبى 1100 بدل متدفعهم الشركة كاكسبنس للعربية
كان نفسى اجيب اى تن دلوقتى كلو زاد ومخنوقة موت اصبر لرمضان ؟؟؟ ولا اعمل ايه
وعلى فكرة وزير المالية نفى ان فيه زيادة فالجمارك ؟؟؟ ايه اللى بيحصل ده
العربيات برخص التراب برة وعندنا احنا غالية موت ليييييييييييه؟

رد: اخر مفأجات العم غبور رفع اسعار السيارات من 1000 الى 5000 جم
 

منك لله ياغبووووووووووور,,انا كنت نازلة اشترى جيتز لقيت تمنها زاد 5000 جنيه,,هو فيه بالضبط ولحد امتى هنفضل لعبة فأيادى التجار الجشعين فى كل مجالات الحياة؟؟ الواحد خلاص طهق من البلد دى وعاوزة اهاجر ومرجعش تانى,,احنا هنلاقيها منين ولا منين بس,,كل مانحوش قرشين العربيات تغلى اكتر واكتر,,حسبنا الله ونعم الوكيل وربنا ينتقم من كل طماع

رد: اخر مفأجات العم غبور رفع اسعار السيارات من 1000 الى 5000 جم
 

يا جماعة الكيا والشيفرولية والبروتون احسن وانضف مليون مرة من الهيونداى وبعدين حقة يرفع الاسعار ما احنا اللى بنجرى ورا الهيونداى مع انها متستاهلش دة كلة لا امان ولا امكانيات ولا اى حاجة..... بجد لازم نغير ونشجع الشركات المحترمة التانية وكفاية استغلال

رد: اخر مفأجات العم غبور رفع اسعار السيارات من 1000 الى 5000 جم
 

فعلا كلامك مضبوط انا كنت ناوي على الماتريكس خلاص وجهزت نفسي بس واضح انه مافيش نصيب، بس ممكن حد يدلني على عربيه زي الماتريكس كبيره للعيله بس مش هيونداي ؟

رد: اخر مفأجات العم غبور رفع اسعار السيارات من 1000 الى 5000 جم
 

كيا كارينز بس اغلى من الماتريكس بس على الاقل فيها abs &airbags

رد: اخر مفأجات العم غبور رفع اسعار السيارات من 1000 الى 5000 جم
 

اسعار الهيوتداي بس اللي زادت عشان كده لازم نقاطع اي عربيه من غبور والبدائل موجوده واحسن كمان يعني دلوقت الاكسنت بقت بتمن الصني .. والماتركس بقت ب 93 بعد ماكانت ب 86 .. غبور اتنفخ