مصر موتورز مجتمع السيارات - أيهما أفضل MERCEDES C300أمBMW 320i ولماذا

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

- - أيهما أفضل MERCEDES C300أمBMW 320i ولماذا (https://www.masrmotors.com/vb/showthread.php?t=31185)

رد: أيهما أفضل MERCEDES C300أمBMW 320i ولماذا

اقتباس:

المشاركة الأصلية كتبت بواسطة medo akef (المشاركة 222126)

انا ارشح c300 بكتساح تام طبعا و فرق السعر هو الي بيتكلم و الهورس بور و كل حاجه في الc300 بتتكلم عن نفسها فهي افضل من وجهة نظري
و طبعا اعاده البيع مسكه نفسها اكثر و الصيانه اسهل لان مرسيدس عمرها في مصر طويل جدا ففي بلاد كامله شغلتهم في الحياه صيانه مرسيدس بس و انا رحتها و طبعا اندهشت بيها انك طول ما انت ماشي ورش مرسيدس بس
و سيبك من كلام ان البي ام شبابي و المرسيدس كبار بس دي فكره قديمه انتهت او الي مقصود بها فئه الe اما الc فهي شبابيه جدا و ادائها خرافي و كمله مرسيدس تعني عندك الناس معاني كثيره جدا اكثر من بي ام و حتي هتبقا متميز شويه لان دلوقتي اي حد بيركب بي ام حتي لو 1970 بس بيعتبر نفسه بي ام اما مرسيدس فهي اقل انتشار خاصتا المودلات الجديده منها
هو عموما انا عارف المقارنه بين الc180 كومبروسر و ال320 و تكتسح الc180 طبعابال153 حصان الي يعقدو دول فما بالك بالc300 اظنها مقارنه ظامله جدا للبي ام
و فكر في amg و SLR وميباخ و اعرف انك واخد عربيه تبعهم يعني الموضوع مش مجرد عربيه انت راكب تاريخ و خبره عملت كل العربيات و الشركات دي

ألف شكر أستاذ ميدو على اهتمامك وردك وبالنسبه لفرق السعر فده طبيعي نظرا للمحرك وكمان الكيت الـamgلكن موضوع الهورس بور اعتقد انه ميفرقش كتير يعني أنا عايز عربيه يكون الهورس بور بتاعها فوق ال150 وخلاص ويكون تسارعها معقول بالنسبه للعربيات التانيه فكون ان الهورس باور بتاع الـc300 تقريبا 231 فده شيء كمالي بالنسبه لي لإنى مش هدخل بيها سباق ولاحاجه واعتقد ان الورش والبلاد اللى بتتكلم عليها ديه بتصلح المرسيدس القديم مش الجديد يعني هتلاقى عدد بسيط بس اللي بيصلح السي كلاس الجيده او له خبره فيها وبالتالي موضوع الصيانه تتساوى فيه المرسيدس والبي إم بس فعلا كلامك صحيح بالنسبه لسعر اعاده البيع كل الناس اجمعت ان المرسيدس ماسكه نفسها جامد وانا اصلا مش ناوي ابيع قبل 5سنين ان شاء الله ومشكور جدا على اهتمامك ياباشا وبعتبر ان ردك يحسب للمرسيدس وبيميل كفه المرسيدس اكتر

رد: أيهما أفضل MERCEDES C300أمBMW 320i ولماذا

اقتباس:

المشاركة الأصلية كتبت بواسطة horas3000 (المشاركة 222338)

بالعكس يا زعيم
ال AMG kit بتفرق في الشكل قوي و العربية شكلها بيبقي رياضي جدا و كفاية الجنط ال 18 بس هي يمكن الصور مش مبينة الكلام ده
كمان ال AMG بتنزل بشوية كماليات زيادة زي السقف البانوراما مثلا و ده مش هتلاقيه في العادية الا special order
طبعا موضوع انك تجيب الكت لوحدها مش بطال برضة بس شايفه وجع دماغ

بص يامان أنا مش هستريح غير لما أروح لتوكيل مرسيدس في مصر واقلهم عايز اشوف السي العاديه واقفه جنب الamgعشان اعرف الفروق بينهم عاديه ولاهي فعلا فروق جوهريه بتقلب الشكل 180درحه وتخليه شبابي وهجومي أكتر زي ماحضرتك بتقول بس تأكد ان رسالتك بخصوص المرسيدس وصلت واني فعلا هخلى الc300الخيار الأول في دماغي لحد مشوفها واجربها على ارض الواقع وشكرا على على كل ردودك وانا بانتظار المزيد من الردود من أعضاء المنتدى مشكورين

رد: أيهما أفضل MERCEDES C300أمBMW 320i ولماذا

اقتباس:

المشاركة الأصلية كتبت بواسطة fares515 (المشاركة 222936)

العفو يا زعيم
و اللي هتعملة ده عين العقل
لازم تشوف الاتنين عشان تعرف الفرق ما بينهم و ان شاء الله هتتاكد من الكلام اللي قلتوا لك
عايز افكرك تاني ان ال C250 هتكون انسب متنساش تبص و تسال عليها

و بالمناسبة لو سعر اعادة البيع مش هيفرق معاك قوي يبقي انصحك تبص بصه علي الوحش ده

http://www.audipic.com/audi/2009/10/2010_audi_s4_12.jpg

http://www.audipic.com/audi/2009/10/2010_audi_s4_13.jpg

الاودي A4 و يا سلام لو S Line
خياري في الفئة دي من السيارات لكن للاسف مش واخده حظها

رد: أيهما أفضل MERCEDES C300أمBMW 320i ولماذا

والله ياباشا بالنسبه للأودي أنا بصيت عليها وجمعت معلومات عنها بس طبعا مش قادر اقنع نفسي بيها خالص لسببين:
امكانياتها المطروحه في مصر مش قد كده يعني 1800سي سي و120حصان وكل ده بمقابل 350000ألف وأنا عايش في مصر وثقافتي مصريه يعني يوم ما أقرر أشتري عربيه باللحاليح ده كلها هستخسرها زي اي مواطن مصري في غير المرسيدس والبي ام وانا فاكر ان واحده منها عدت عليا انا وشله صحابي قلنا عليها بتريقه:حلوه اوي العربيه بتاعت الألعاب الأوليميبيه ده(عشان الشعار يعني)
وعلى فكره أنا لقيت موقع مخصوص للc-class with amg packageوفيه فيديو وصور حلوه قربت عليا المسائل وفعلا انا بس بانتظار اني اروح بعد رمضان واشوفها عالطبيعه واعملها تست درايف لإنها دخلت دماغي قوي بعد كلامك وده الموقع ادخل واتفرج
http://www.mb-c-class.com/Arabic/Shell_Ar.html

رد: أيهما أفضل MERCEDES C300أمBMW 320i ولماذا

دول شويه فيديوهات دمار للمرسيدس حبيت أعرضها على حضراتكم بجد عربيه جامده جدا آخر خمس ست سبع حاجات

تعليق أخير بالنسبه لصوت العربيه اللى شبه الديفل في الانطلاقه والدخان الأبيض هل هو أو بشن موجود بالفعل في العربيه ولا حاجه زي الديفل بتتركب لها وكمان أكتر جنوط عجبني هو ده بس للأسف مش موجود في كتالوج العربيه اللى نزلته من موقع مرسيدس الكويت(لإن موقع مرسيدس مصر فقير جدا ومفيهوش اي معلومات عن أي فئه!!) هل يمكن طلبه شخصيا من الشركه ولا هينفضولي:

http://i4.ytimg.com/vi/c6qEmOvyBlM/default.jpg

رد: أيهما أفضل MERCEDES C300أمBMW 320i ولماذا

اقتباس:

المشاركة الأصلية كتبت بواسطة fares515 (المشاركة 223398)

ههههههههههه
ما هو احنا يا زعيم مش جايبنا ورا الا الثقافة المصرية دي
الاودي لا غبار عليها و لازم تركبها عشان تقدر قيمتها كويس
و المتور ال 1.8 ده بينزل بفئتين 120 و 160 حصان و ده بيعتمد علي الموديل
المهم
تسلم يا زعيم علي الموقع بس ده مش محدث
كل الصور اللي فيه لموديل 2009 ال 2010 ملوش صور فيه
و متقلقش انا عارف ال AMG package كويس لان عربية والدي نازله بيها
و في انتظار تقريرك عن التست دريف و اوعي تنسي

و تسلم ايدك علي الفيديوهات
و بالنسبة لاستفسارك الديفل ده تعديل طبعا و اصلا المتور اللي علي ال C300 صوته حلو اساسا و مش محتاج تعديل و الدخان ده نتيجة للحرق و ده مش حاجة كويسه علي فكرة
بالنسبة للجنط اللي عاجبك ده مش ده بينزل علي ال C63 AMG و مش عارف هيبقي متوفر عند التوكيل في مصر و لا لا يبقي اسال
و دي صورة اوضح ليه

http://www.carztune.com/wp-content/u...formance_2.jpg

رد: أيهما أفضل MERCEDES C300أمBMW 320i ولماذا

العربية الاجمل والاكثر تميز فيهم كلهم

بعتقد كدة

الاودى لان بسب واحد هى تجميعها المانى

لكن البى ام دبليو والمرسيدس تجميع مصرى

وطبعا حرام والف مرة حرام اشترى عربية تجميع

بالمبلغ دة الاودى مميزة وعلامة الى انت بتسخر منها

دى من اجمل وانجح العربيات حاليا وكفاية انها تتبع

لفولكس واجن الى بتبع اسطورة الالمانية بورش

وتعبر دى اكبر واقوى مجموعة عالمية دلوقتى

الاودى بتسفيد بخبرات لامبورجينى وبنتلى وبوجاتى

ودول تحت ادارة الاودى

يعنى ياباشا عربية مش هينة خلاص 160 حصان

الالمانى برقبة 250 حصان مصرى غير طبعا التقفيل

اول مرة اجى على البى ام بس انا محبتش الخطوة دى

من البى ام انها تتجمع من البافارية عايزة دايما تجى

من ميونخ اشوف فيها

Made in Munich

دى لوحدها اماان

وفى واحدة جميلة برضة وشيك

واعتقد مميزة اوى وفى حدود

مزانيتك هى فولكس فاجن باسات cc

العربية دى ركبتها اوووووووف

عربية فاجرة فاجرة فاجرة بجد

وقوية وشديدة وجميلة