رد: يا عالم يا هوووه ثبات العربيه عرفوووووه
 

انا حاحكى موقف وده بيفسر معايا برضه موضوع الثبات
وانا راجع من شرم لنويبع كان فيه عربيه مازدا 3 واضح انها 2010 العربيه كنا بنعدى من بعض فى الطوالى زى الفل
وعند المنحنيات فى منطقه تسمى الصاعده منحنيات حاده شويه الباشا عدى وماشفتوش بعد كده

المازدا من اليوم ده باقرا كل مواضيعها فى المنتدى من اعجابى بيها

رد: يا عالم يا هوووه ثبات العربيه عرفوووووه
 

موضوع شيق و مفيد كعادة مواضيع ابو نورا

بالنسبة ليا الثبات هو مستوي شعوري بالامان و القدرة علي المناورة و التحكم بالسيارة علي السرعات العالية او في الظروف الحرجة. يعني مثلا اقدر احكم و اقول ان الكايين اكتر ثباتا من الباجيرو بحكم شعوري بالحاجات دي و انا سايق بسرعة او باخد ملف حاد او حتي غرزة. و اكاد اجزم ان كل الركاب اللي معايا هيوافقوني الراي لشعورهم بنفس الشيئ

طبعا استاذ فادي قام بالواجب و زيادة في شرح العوامل الي بتاثر علي ثبات السيارة.
و احب اضيف الي كلامة ان حاليا و بجانب العوامل دي التكنولوجيا ليها دور كبير في تفعيل و زيادة الثبات و عندنا نظام ال ESP علي سبيل المثال لا الحصر و اللي بنسختة الاخيرة ممكن يخلي عربية SUV توازي او تقترب من عربية سبور في الثبات. و ما زال التطوير مستمر من قبل الصانعين خصوصا في ظل المنافسة.

و علي سبيل المثال بورش طورت نظام اسمة PDCC او Porsche Dynamic Chassis Control و هو متوفر في الكايين خصوصا (اتمني عربيتي كانت مجهزة بيه) و وظيفتة الغاء اي تمايل في جسم العربية عند الملفات او المناورة و ده طبعا بيدي السائق شعور اكبر بالثبات و بيديلوا ثقة اكبر في التعامل مع السيارة
و دول فيديوهين بيوضحوا الفرق بين العربية المجهزة بيه و الغير مجهزة بيه و شوفوا الفرق و قولولي تتمنوا تكونوا في اي عربية

رد: يا عالم يا هوووه ثبات العربيه عرفوووووه
 

رد: يا عالم يا هوووه ثبات العربيه عرفوووووه
 

المازدا والهوندا فعلاً من اكتر علامات يابانيه المميزة فى الاداء الرياضى وبالطبع عوامل الثبات او المناورة وعلى العكس تويوتا ودايهاتسو نيسان فى اغلب موديلاتهم مش بيهتمو بالاداء الرياضى خالص
برضو كلمة اداء رياضى ديه نسبيه شويه خلينى اقول اداء يلتزم بمعايير ملتزمة باولوية الثبات والتحكم الدقيق فى السيارة

رد: يا عالم يا هوووه ثبات العربيه عرفوووووه
 

ربنا معاك يوم الجمعه ياباشا ولو محتاج اي حاجه انا ممكن انزل معاك انا كده كده ساكن جمب سوق السيارات ولو في حد تاني من المنتدي ممكن يشرفني واهو يبقي تجمع في سوق السيارات لاعضاء المنتدي ( ها ايه رئيكم )

رد: يا عالم يا هوووه ثبات العربيه عرفوووووه
 

انا برده جمب السوق ممكن نبقي نتقابل

رد: يا عالم يا هوووه ثبات العربيه عرفوووووه
 

واللة فكرة ممكن نعمل مقابلة يوم الجمعة اللى بعد اللى جاية بعد لما نرجع من رحلة بورسعيد
وهو يبقى فايدة للكل واهم حاجة نتعرف ونتشرف بيكم ونشوف احلى اعضاء