رد: بالامانه اسبرانزا m11 ولا بيرليانس frv
 

بعتذر ليكوا لو أسلوبي خرج عن اداب الحوار اسف بشده

رد: بالامانه اسبرانزا m11 ولا بيرليانس frv
 

ميمو متحترش و لا حاجه دلوقت انت عندك مجموعه من المعلومات ببساطه اعمل جدول و فلتر الكلام اللى اتكتب في هيئه مقارنه و أي معلومه انت شخصيا شاكك فيها احذفها من المقارنه بمعنى

حط الاتي
- الشكل
- الامان
- اداء السياره ورقيا و أختباريا
- الاعتماديه و سعر قطع الغيار
- القيمه مقابل السعر بمعنى انا مشتري ايه؟ بكام؟
- ممكن تشوف اراء الناس اللى راكبين كل من السيارتين و خد في اعتبارك الراي الوحش قبل الحلو
مع الاخذ في الاعتبار ان الرأي السيئ تماما ناتج عن خبرهسيئه مر بها المستخدم

مثل السمعه اللى كانت طالعه على الانوس 99 انها أسواء من الاكسنت 99 وبعد كده الفروق بانت
وياريت نكون انا و كل المشتركين قدمنا معلومه مفيده و ليس معلومه للتشتيت

حاول ان يكون لك مرجع في كل كلمه تتقال لتتحرى الدقه في المعلومه

شكرا

م/أحمد سالم السيد

رد: بالامانه اسبرانزا m11 ولا بيرليانس frv
 

انا عندى frv cross وبجد عربيه تحفه وبطلع عنيها معايا مشاوير فى شغلى وكمان طبيعه شغلى بتخلينى اروع مواقع فى الصحرا بس بجد ماشاء الله العربيه مش بتشتكى خالص
مش عارف ليه مش حاسس انه ينفع نقارن بين العربيتين بالورقه والقلم لان معلش اللى بيبقى مكتوب فى ال normal بتاع العربيه اللى هو ( الكتالوج ) بيبقى حاجه والواقع العملى حاجه تانى خالص

رد: بالامانه اسبرانزا m11 ولا بيرليانس frv
 

يا جماعة الخير طالما فى مجرد اكتر من علامة استفهام من السيارتان اية اللى يربطنى بها
دى نوع من المقامرة بعشرات الالواف
سيبك من العربيتان
من الاخر السيارتان ذات اداء مقبول مش اكتر
مهما كانت الارقام صحيحة
نوعية القيادة لازالت لا تصل للمستوى المطلوب
لسة امام الصينى حوالى 5 سنوات وممكن وقتها تغامر
لو بنتكلم على 50 الف كحد اقصى ممكن يكون فى كلام
بس السعر مش هين
وخلى بالك فى ناس كتير بتقول العربية كويسة بس مش دة المعيار يعنى اللى كان راكب لادا او فيات او بولينز او فيورا ممكن يحس بالاختلاف والفرق انما طبعا بالتاكيد لو واحد راكب عربية يباناى قديمة او مستعمله بحاله جيدة ويعرف معنى نوعية القيادة بعيدا عن القوة والارقام وزغلله العيون عمرة ما يدافع بالاستماتة اللى الناس بتعملها
يعنى ببساطة كدة جيب اكسنت او ريو او الالنترا واشترى راحة بالك
يعنى حتى لو الصينى كويس لازالت جودة المواد الداخله فى صناعتها لا ترتقى بالمستوى المطلوب
سيبك من كلام بوش الالمانى ومحرك تويوتا دة كلها بالتعاون واستشارات
انا لما اجى اجيب عربية مش افضل اقول اصل الفانوس نفس شركة مرسيدس
ومش عارف اية نفس شركة فلان وعلان دة اسمة شغل قص ولزق وتبرير
طبعا لازم يكون فى استعانى بخبرات العمالقة
اقلب الصفحة واذهب لمكان اخر وانطلق بسرعة وانت مطمئن بانك اخذت مقابل ما دفعت ودمت بود

رد: بالامانه اسبرانزا m11 ولا بيرليانس frv
 

شكرا على ردودكم جميعا

رد: بالامانه اسبرانزا m11 ولا بيرليانس frv
 

الحقيقة يا جماعة الموضوع محير فعلا بس انا عاوز اقلكم حاجة بالنسبة للمواصفات فى ال ام 11 انا مستريح ليها اكتر انا ركبتها و كانت ممتازة و بصراحة ممتعة فى القيادة انا مش عارف البرليانس اوووى بس لو قلنا الاتنين صينى يبقى اسعار قطع الغيار فى ابو الفتوح احسن بكتير عموما اخى انا حجزت ام 11 لنفسى بعد اقتناع بصراحة و تجربة بسيطة و اراء الناس الى اشترت الام 11 مبسوطين منها عموما انا هاقولك على الاوبشن بتاع ال ام 11

1- اوتو ليت يعنى يوجد سينسور اضاءة
2- جنوط المونيوم 16
3- عفشة رياضية ياقل عنها من بعض المهندسين انها قوية فعلا نمساوى
4- المتور صناعة نمساوى
5- كاسيت دى فى دى
6- الشنطة وسعها معقول جداا
7- التكيف ممتاز جداا عن تجربة
8- التبلوة شكلة رائع جدااا
9- ثبات السيارة معقول جداا وزنها فاضية 1400 كيلو و مليانة 1800
10- مريات كهرباء القمرة فقط يعنى مش بتفتح زى البريليانس
11- مانع الانزلاق
12- زجاج كهربائى 4 نوافذ
اخير احب اقولك حاجة الاتنين صينى و الحفاظ على السيارة هوة الاساس توكل على الله و هات ام11

رد: بالامانه اسبرانزا m11 ولا بيرليانس frv
 

بالنسبة لرقم 10 انا عندى بريليانس المرايات كهرباء المراية بس مش الوحدة كلها
وربنا يوفقك فى اختيارك