رد: غبور والنصب العظيم علي الشعب في الصيانه
 

هذه الشكوى وغيرها كتير خلتنى اصرف نظر عن السياره الالنترا رغم انى كنت مقتنع بيها الاان الشكاوى من وكيل هونداى تخليك تضحى بركوب سياره انت مقتنع بيها حتى لاتتعرض لخنقه التوكيل واحسن حاجه عملتها انك عملت للخلف در وتغيير الزيت والفلتر فى اى محطه بنزين وضبط الموتور ممكن عندالميكانيكى وموتولر الفيرنا بقى منتشر لانه هوموتور الاكسنتوماتخدش فى بالك

رد: غبور والنصب العظيم علي الشعب في الصيانه
 

هما فعلا مش كل المهندسين اللى بيستقبلوك بيبقوا زى بعض .
بس انا لبست برضوا حكاية الفلتر المجانى هنا فى اسكندرية بس قاللى على الزيت المستورد الجركن الرصاصي و انت حطيت محلى الاصفر . حاورينى يا تيتا
بس برضوا احيانا بيطلع شغل كويس مثلا انا صيانة ال10000 كانت ممتازة

رد: غبور والنصب العظيم علي الشعب في الصيانه
 

انا لسه معملتش صيانه ال 5000 كيلو ومن كلامك كده ياكورسير انا هاروح ابو غالى العبور ان شاء الله

رد: غبور والنصب العظيم علي الشعب في الصيانه
 

ممكن تعمل الصيانه دي عند اي مركز خدمه بره
افضلك واحسنلك واوفرلك
احسنلك لانك هتشوف كل حاجه بتتعمل في عربيتك بعينك
واكيد اوفرلك في قطع الغيار والمصنعيه
افضلك لانك ممكن تستفسر عن اي حاجه من المهندس الي موجود امامك
وبعدين الاسعار دي نار 700 جنيه ليه

رد: غبور والنصب العظيم علي الشعب في الصيانه
 

بس يا باشا
التوكيل مابيعملش حاجة فى العربية كل اللى بيعمله بيشيل قطعة غيار ويحط مكانها وبالسعر اللى هو عاوزه امال هيكسب منين وان كان عاجبك !!!
وعلاوة على كدة فى غبور باشا تشوف مهندس الاستقبال بتحس انه قرفان من نفسه وهو بيسالك عن المشاكل اللى فى العربية دى غير المحسوبيات والناس الى ممكن بتبقى حاجز قبلها ويدخلوها قبلك ولو قعدت تغنى ليه وتقوله على المشاكل تدخل العربية الصيانة عندهم ويعملوا الحاجة اللى هتدفع عليها فلوس بس ويخرج يقولك كله تمام التمام واضرب دماغك فى الحيط !!
يا ريت كل اخ فاضل فى المنتدى راح مركز خدمة معتمد (محترم ) يقولنا عليه واحنا كلنا نتعامل معاه وننسى التوكيل دا خالص
ما تزعلش يا نجم
امال هيعملوا فلوس ومصانع وشركات منين ان ما كنش يمتصوا دمنا
حسبنا الله ونعم الوكيل

رد: غبور والنصب العظيم علي الشعب في الصيانه
 

تسلم يا حزومه علي معلومة تاريخ الصلاحية اللي كانت غايبة عني ديه

رد: غبور والنصب العظيم علي الشعب في الصيانه
 

بس تقريبا يا بشمهندس كل مراكز الصيانه كدا الاغلبية العظمي فهنعمل ايه لنا الله بس الواحد بيقلق من ان حد ممكن ميكونش فاهم يلعبلي في العربية وتخرج من الضمان