|
رد: السادة ملاك اسبرانزا الكرام
اقتباس:
أنا مش فاهم نقطتين، فياريت التوضيح حضرتك ذكرت أن "كاوتش الزجاج ولو كان ناشف من التخزين" !!!!! هو الكاوتش ده مصنع من كام سنة؟؟؟ والنقطة الثانية: ولى سؤال!! هو التيل ده صناعة مصرية أم من الصين؟ فللأسف عندى حكاية عن احدى الشركات المصرية الشهيرة فى تصنيع التيل، كانوا طلبوا من احدى الشركات التى كنت أعمل بها سابقا اصلاح جهاز خلط المواد المصنع منها التيل وهى على ما أتذكر اسبستوس ونحاس كمواد رئيسية ومواد آخرى. ويجب خلط هذه المواد بنسب عن طريق والمتحكم فى ذلك كونترول يونيت (اللى كان مش شغال)، ولكن العجيب أن المصنع يعمل عادى جدا!!!!!!!! فسألنا ازاى يعمل بدون هذه النسب!!! فوجدنا العجب !!! العمال يضيفوا المواد بأستخدام الجاروف حسب النسب وذلك حتى يتم اصلاح الكونترول يونيت!!!!!!!!!! فلك أن تتصور كم الحوادث أو كم طنبورة فرامل تسببوا فى اهلاكها؟؟؟؟ |
رد: السادة ملاك اسبرانزا الكرام
اقتباس:
شوف يا باشا بالنسبة لكاوتش الزجاج مش مشكلة متى تم تصنيعة المشكلة هنا كيف تم تخزينة وتعرضة للحرارة او البرودة او الرطوبة وما شابة ذلك و متى تم تركيبة فى السيارة وتعرضها للجو زية ذى الكاوتش وجميع الجلود المصنعة للصيارة من جلد ( كاوتش - سيور كاتينة -دينمو - باور -تكيف ) بالنسبة لتيل الفرامل مادة الاسبستوس كانت تضاف ايها النحاس بنسب الان الانحاص هو المادة الاساسية ويضاف اليها الاسبستوس بنسبة قليلة السبب ان هذة المادة برادة التيل منها تصيب بمرض السرطان لذلك تم تقليلها وعلى ذلك يتم تاكل التيل بسرعة وتسمع صوت الصفارة وذلك لان برادة النحاس اخف من برادة الاسبستوس بالنسبة لمصادر التيل يوجد منة مصرى مصانع ومصرى تحت السلم وصينى درجة 1 وصينى مضروب درجة 10 وتركى وكل الى تتخيلة وكلة بيتعرف من مجرد رؤيتة للفنين شكرا |
رد: السادة ملاك اسبرانزا الكرام
اقتباس:
|
رد: السادة ملاك اسبرانزا الكرام
اقتباس:
انشاء الله |
رد: السادة ملاك اسبرانزا الكرام
مساء الخير يا باشمهندس....
أولا ألف شكر لحضرتك على اهتمامك بمشاكلنا... و عاوز حضرتك تعذرنا شوية من كتر الاسئلة والاستفسارات... و ربنا يجازيك ألف خير على مجهودك و تعبك معانا... أنا واحد من ملاك الأم11 هنا على المنتدى... و حضرتك أكيد متابع خطواتنا مع التوكيل و أخيرها المحضر اللى عملناه فى أبورواش بعد اعتراف الباشمهندس أحمد ان عيب الموتور مالوش حل... فياريت حضرتك تتكرم و تقرأ الموضوع اللى مكتوب عن مشاكل العربية و تحاول تساعدنا فى حلها واحدة واحدة.. احنا مش عاوزين مشاكل وخلاص زى ما الناس فاكرة... و لو مشاكل عربيانتا اتحلت هنقول للتوكيل اللى احنا بنهاجمه ألف شكر... و فى النهاية أحب أقول لحضرتك... ان الله لايضيع أجر من أحسن عملا... و كان الله فى عون العبد مادام العبد فى عون أخيه... |
رد: السادة ملاك اسبرانزا الكرام .. الإجابة عن إستفساراتكم الفنية
يا باشمهندس أيمن
شكرا على تعاونك مع الأعضاء و لى استفسار من فضلك سيارتى 516 تعرضت لحادث أمامى كبير من 8 شهور بعد الإصلاح خرج التوكيل المشكلة أحيانا و عند كسر الدريكسون للنهاية أكتر من مرة (عند الركن مثلا) يصبح صوت طلمبة الباور عالى نوعا ما و أحيانا يتوقف عمل الباور و يصبح الدركسيون ثقيل جدا و يستمر ثقل الدريكسيون لعدة ساعات أو ربما أيام ثم يعود الباور للعمل لوحدة بالتدريج سألت الميكانيكى قالى إن فيه صمام (بلف) فى الباور بيقفل الباور و بيعلق سألت مرة فى مركز صيانة بالإسماعيلية قالى الطلمبة خفيفة و عايزة تتغير أى رأى الصحيح و هل فيه حل غير تغيير الطلمبة ؟ مع العلم الزيت سليم و مفيش أى تسريب |
رد: السادة ملاك اسبرانزا الكرام .. الإجابة عن إستفساراتكم الفنية
اقتباس:
اولا موضوع الصوت عند الركن او كسر الدركسيون للاخر دى عادى لان حضرتك بتبقى رفعت ضغط طلمبة الزيت لاخر درجة ثانيا موضوع التقل والفك بعد ايام دى مسالة الطلمبة والتغير هو السليم ومتسمعش الى بيقولك بلف لان الطلمبة عمرها مهترجع تانى ذى الاول الرائى الصحيح تغير الطلمبة شكرا |
| الساعة الآن 05:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017