رد: مميزات وعيوب الفليشيا
 

يا جماعه انا سمعت ان الفيليشيا بتفتح شاسيه ورا يعنى لو بصيت على اى عربيه قديمه شويه تلاقى ان عرض الشنطه اصغر من العربيه

رد: مميزات وعيوب الفليشيا
 

ANAA7TGANAA7TG
انا سمعت وشفت بعينى الفيليشا فيها عيب خطير بس مس عارف بيعمل ايه
بتفتح شاسيه
بمعنى انك لو بصيت على اى عربيه قديمه شويه ومهلوكه هاتلاقى ان الشنطه زى ماتكون اصغر من حجم العربيه بالعرض تقريبا من 3---7 سم
ياريت لو حد يعرف العيب ده سببه ايه وبيتسبب فأيه يفيدنا
شكرا

رد: مميزات وعيوب الفليشيا
 

الفليشيا عربيه فوق الممتازة وانا بحبها جداً ولو حالتها حلوه ومش ملعوب فيها مش هيبقى فى سخونة وعفشتها طرية وممتازة والعربية متزنه جدا على السرعات العالية وفى الملفات والمناورات وصاجها جامد بس 33.5 كتير هى توبها من 28500 الى 30000

رد: مميزات وعيوب الفليشيا
 

حضرتك بتقول السعر ده حالياً
صاحب الموضوع كان بيتكلم في سعر سنه 2008 كان فعلا ممكن يكون بيلعب في ال 33 الف
لكن دلوقتي فعلا العربية الي مفيش اختها تعملها من 26 الي 29 الف فلوس كتير
ربنا يبارك للجميع وانا ان شاء الله ناوي اجيب سكودا فليشيا وده بعد بحث كتييير ومقارنه بينها وبين عربيات كتير وجمع العيوب والمميزات للسياره
ربنا يوفقني للخير يارب
ايه ياترى

رد: مميزات وعيوب الفليشيا
 

السلام عليكم ورحمة الله وبركاته
احب افيدك بالسكودا 1997م
1- سيارة عالية عن الارض .
2- سحب فوق الرائع ..ناعمة ..اينعم مش باور بس الدريكسيون ناعم تحت اديك جدا ...
3- قطع غيار غالية بس الغالي تمنه فيه وبيعيش
الموتور كامل استيراد 3500 جنيه من بورسعيد بس حكاية بيجي كامل من كله بالفتيس بكل حاجة وبيعيش ( لو حاب تغير )
4- سعرها فيها فعلا مبنزلش سعرها من خمس سنين ولغاية دلوقتي ( سعرها من 37- 35 الف جنيه للسيارة النظيفة اللى مش ملعوب فيها )
5- سيارة المسافات الطويلة اسألي انا ...لما كنت في مصر شغال عليها الله ينور في سينـــــــــــاء وما ادراك ما سيناء وجبالها وطرقها الجبلية ...بس مش هقول يعنى زي الجيب 4*4 ...علشان الموضوعية
6- ثبات على الارض .
7- اما موضوع شاسية ورا والكلام ده انا مسمعتش عنه ...
8- السخونة ممرتش عليا ..مع ان حلها سهل مقارنة باقتناء عربية تحترم فعلا ..
9- هتكون راكب عربية تعيش وتستحمل معاك
10- اي اكسسوار عليها هيبان .. والفوانيس رخيصة والله
11- كهرباء السيارة ولا يعلي عليها من اول تكة تدور (انا مركب جافة ) بس انا بكلمها في الطبيعي ..
12- بتجري وبتجري وبتجري ... انا مرة كنت معدى ال130 والله واخدت مطب بتاع قوات حفظ السلام في رفح ومع ذلك انا قلت هنزل القى الدنيا عندى مكسرة ..ولا حاجة حصلت ...
13- وبناء عليه اشتريت سكودا اوكتافيا 2011 بالخليج ..والحمد لله اللي يركب اسكودا او الماني في العموم ... معتقدش هيحس بعربية تاني ...
14- اشتري وانت مطمئن وسعرها فيها بس على حالتها ومتكنش متباعة لاكتر من واحد ... وركب جنوط هتكون حكاية ROSE4U

طبعا ممكن ناس تانية تفيدك باكتر من كدة ..اعلى فكرة حتى الان محتفظ بالعربية في مصر ومش عايز ابيع لانها من الاخر ( حمارة البيت )

رد: مميزات وعيوب الفليشيا
 

اؤيد كلامك بكل تفاصيله .

رد: مميزات وعيوب الفليشيا
 

شكرا على مرورك الطيب وثناءك