رد: عايز اجيب عربية من 55 الى 65 الف قديم او جديد
 

والله يا أستاذ خالد أنا شايف إن بلاش اللانوس؛ لأن في ناس كثير اشتكوا من التوكيل بعد ما انضم لشفروليه، فمن الناحية دي الفيرنا أضمن.

رد: عايز اجيب عربية من 55 الى 65 الف قديم او جديد
 

أنا كان معايا نفس مبلغك ده وقعدت أفكر كتير وأسأل الناس قالولى أبعد عن الفرنا لأنها خفيفة بالنسبة لمتورها وكمان هتحس أنك راكب تاكسى والساجا حلوة بس!!!! (أنا ماشفتهاش ومأعرفش حد جربها بس أنا شايف أنها مش منتشرة قوى يعنى قطع غيارها غالية ومش متوفرة ومش كويسة فى أعادة البيع)
أنا من رأى تشد حيلك شوية 77,000 وتشترى نيو أكسنت عربية منظرها حلو وعالية وصلونها واسع وبدأت تنتشر وأكيد قطع غيارها هتكون متوفرة وفرصتها كويسة فى أعادة البيع

رد: عايز اجيب عربية من 55 الى 65 الف قديم او جديد
 

نيو اكسنت دي تاكسي

رد: عايز اجيب عربية من 55 الى 65 الف قديم او جديد
 

والله لو تقدر تستنى شويه وتجيب الهيونداى نيو اكسنت افضل طبعا
وفى انتظار الرد منك على تفكيرك
وناوى تشترى اي
وتحكيلنا بعد الشراء

رد: عايز اجيب عربية من 55 الى 65 الف قديم او جديد
 

طبعا انا عاجز عن شكركم جميعا دون ذكر اسماء لأن لا انسى احد
لكن كلكم افادتونى كثيرا بارائكم والذى اصبح قرار
ألا وهو انى لن اشترى مستعمل وسأشترى جديد وفقا لرئيكم
الا انه لازلت لم استقر ماذا اشترى بالامكانيات الحالية

البروتون ساجا حصلت على اصوات البعض منكم وهى الكثر
مع احترامى لكل من قال لانوس وفيرنا ( أسف لا احترم كلاهما وخصوصا الجديد لكثرة عيوبهم خصوصا الفيرنا )
ولا للرينو لوجان باسعار قطع غيارها الحالية
اذن وفى مستوى السعر الحالى ليس امامى الا
بروتون ساجا ( وأرجو من الأخوة اللى نصحونى بيها لو جربوها ينقلو لينا تجربتهم )
اسبيرانزا ( 516 و ام 11 )
اشكر تواصلكم وفى انتظار العرض النهائى لانى لازم اشتريها قبل نهاية شهر ابريل بالكتير لانى خلالالالالالاص زهقت
كمان الفلوس هتتسحب وتروح فى كلام فاضى وربنا يستر
وجزاكم الله خيرا

رد: عايز اجيب عربية من 55 الى 65 الف قديم او جديد
 

باشا شكرا ليك بس الهيونداى اكسنت لا اعرف عنها الكثير واحس انها صغيرة وهتكون غير مريحة للعائلة وبعدين سعرها يبقى قرب للاسبيرانزا تيجو وهى اكبر واعلى
كمان المشكلة اللى واجهتها فى الواقع انى لما باستنى شوية الفلوس بتنقص مش بتزيد ptmnlo123per144

شكرا يا باشا على النصيحة
وارجو منك التواصل الدائم

رد: عايز اجيب عربية من 55 الى 65 الف قديم او جديد
 

الساجا هي احسن حاجة قدامك و مفيش حد قال عليها اي مشكلة و كمان استهلاك البنزين بتاعها تحفة 6.1 ليتر لكل 100 كيلو بس على فكرة قطع غيارها مش رخيصة غالية برده يمكن زي اللوجان كده تقريباً او قريبة منها دي معلومة بس فانت متقارنش بين اللوجان و الساجا في قطع الغيار