|
رد: السرعه و التسارع انا وصلت لاختراع مذهل
بعد مشاهد الفيديو تم ملاحظه ان بيحفر فى وش سلندر الومينيوم و الحفر عليه مش حيستحمل لشده الحراره هل تعلم ان لما فى صمام بيتعوج بيعمل حفره و نغزات فى وش السلندر و بعد عمل فتره و جيزه الفتحات دى بتفتح اكتر بفعل الضغط و الحراره فبتؤدى الى تلف الوش و الومينيوم مش بيستحمل الحفر عليه و لا العب فيه لانه بيشرخ مره واحده و انا قلت ان اذا اتعوج صمام بعلم فى وش السلندر معنى كده انه يكون طرى بفعل الحراره و الضغط فمستحيل يتم الحفر عليه اما بالنسبه للسعودى الى عمل زاى الفيديو انه عمل الحفر على كابريس و معروف ان الكابريس وش السلندر بتعاها زهر و ممكن تسال فى المعلومه دى و حتعرف انه زهر و الزهر بيقبل الحفر عليه ومش زاى الومينيوم لان الزهر اقوى لتحمله الحراره و الضغط و لذلك كل المواتير الامريكيه الصنع حتلاقيها زهر و اسال على كلامى و حتلاقيه مظبوط ثم انا لو اخذت هذه الفكره و قلت انى مخترع يبقى كده انا حرامى و كداب البلد مليانه عباقره لكنهم مدفونين انت لو دورت فى نفسك و ركزت فى شىء معين و ظل يشغل بالك لفتره حتلاقى له حل و من هنا حتكون مخترع طيب الدكتور الى ذكر فى اول صفحه فكره الصمامات و التى راودته منذ سنه 65 و فكره الاكسجين كمان هو فعلا عبقرى و مخترع و بالفعل الباسات بها خمسه صمام لكل بستم تلاته هواء و اثنين شكمان و هى فكره ايضا منذ سنه 95 و تسعين موجوده
|
رد: السرعه و التسارع انا وصلت لاختراع مذهل
بدل الدوشة دى كلها و كأنه سر حربى سجله كبراءة اختراع وبعد كده اعره على اى شركة سيارات واعمل اعلان ان اللى يعمله عن غير طريقك بعد تسجيله هتحبسه وبعد كده تشرحه لانه من غير المعقول اى واحد هيوديلك عربيته تتعمل هتعملها من وراه او تحبس نفسك فى اوضه انت والعربية بعيد عن صاحبها طبيعى هتشتغل ادامه و فى وجوده يبقي الافضل انك تسجله والف مبروك مقدما واحيى فيك مخك الشغال والمبتكر
|
رد: السرعه و التسارع انا وصلت لاختراع مذهل
انا معاك فى انت قلته بس واحد عرف و عملها فى عربيته و مشى فى الشارع اروح اجرى وراه و اقله انت عملتها من ورايا ثم الى بيسوق العربيه هو الوحيد الى بيبقى عارف عربيته فيها ايه يعنى انا ساعتها حنعرف ازاى ان العربيه دى عامله او مش عامله الا فى حاله شدها معى على الطريق حتتعرف ساعتها نتيجه التسارع دى نقطه و واحد اخر اخذ الفكره و نفذها فى ورشته انا حنعرف ازاى اما بالنسبه لشركات السيارات فهناك معايير ميقدرش يزود عنها طبقا للشركه الام و القوانين المصريه انت تعرف ان الهوندا السيفيك نازله فى كل الدنيا 1800 سلى سى و عندنا بس 1600 و تعرف ان النوبيرا المفروض 2000 سىسى فى الدول الاخرى عندنا 1600 و خد مندا كتير القانون بيعتبر قوه الموتور زياده رفاهيه مش اكتر و بيفرض ضريبه عاليا عليه ثم الى عايز انا حعمله القصه دى و هو مش واقف على ايدى هو الى عايز يوصله انا وصلتهوله و هو انت رايح تشترى تورته بتقوله لازم اقف على ايدك ورنى بتعمل ايه طبعا لا انت تشترى وتاكل و بس بتقول لتفرنا بتاع الشاورمه ورينى انت بتحبشها ايه طبعا لا بتقول لبتاع الايس كريم انت بتخليها تمط كده ازاى طبعا لا لكل مهنا اسرارها و انا سوف احافظ عليه لكن بعد عمل عربيتى الى عايز اهلا وسهلا بى انا مش حقول لحد لا يشرفنى و على راسى من فوق
|
رد: السرعه و التسارع انا وصلت لاختراع مذهل
ربنا يوفقك في المشروع ده بس الموضوع ده عايز علي الاقل اختبار مش اقل من سنه او سنتين حتي نري اذا كان هناك مشاكل قد تحدث نتيجة هذه الفتحات في الموتور وعند نجاح تلك التجربة باذن الله ساكون من عملائك وهذا سوف يكون شرف لي وربنا معاك ونصيحة من اخوك سجله في براءة الاختراع حتي لو شكليا وتابع مشروعك ومتعطلش نفسك وياريت يكون ليك في المنتدي ده قسم خاص بيك نقدر نوصلك من خلاله ورقم تليفون ليك نقدر نعرف منك اخر الاخبار وانا مستني شهر مارس علي احر من الجمر لمعرفة نتيجة الاختبار وانشاء الله يكون في مقابلة معاك قريبا
|
رد: السرعه و التسارع انا وصلت لاختراع مذهل
فى انتظار الجديد منك
وموفق دائما |
رد: السرعه و التسارع انا وصلت لاختراع مذهل
انا معاك وان شاء الله ربنا يوفقك
وفى انتظار المزيد |
رد: السرعه و التسارع انا وصلت لاختراع مذهل
نحن فى انتظار ما تسفر عنه نتائج التعديل فى سيارتك وندعو الله أن يوفقك
|
| الساعة الآن 06:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017