مصر موتورز مجتمع السيارات - بعد شكر بوب الجامد... أخيرا ركبت الرينبو

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - بعد شكر بوب الجامد... أخيرا ركبت الرينبو (https://www.masrmotors.com/vb/showthread.php?t=19782)

رد: بعد شكر بوب الجامد... أخيرا ركبت الرينبو

السلام عليكم و رحمة الله
اولا: الف مبروك السياره الرينبو يا دكتور/ احمد
ثانيا : اسمحو لى بسؤالين
السؤال الاول : حيث اننى من المستجدين سواء فى المنتدى الجميل ده و كذلك فى عالم الرينو
انا معى رينو رنبو موديل 2000 و انا شاريها من شهر مايو 2009 و السياره و الحمد لله كويسه و جميله بس كنت عايز اعرف مكان تركيب خراطيم التكيف فى الكربراتير خراطيم ( السكشن) لانهم مش راكبين و لمل بشغل التكيف العربيه مش بتعلى علشان تعوض حمل التكييف و بلجأ الى الشفاط لرفع الماتور شويه لتعويضه
حد فهم منى حاجه؟؟؟؟؟
السؤال الثانى : هل للتكيف فلتر ؟ و لو حد يعرف حد ممكن يضبط لى الموضوع ده يا ريت يقول لى تفصيلاً مين و فين مع العلم اننى اسكن بحدائق حلوان

و شكراً لكم مقدماً

رد: بعد شكر بوب الجامد... أخيرا ركبت الرينبو

السلام عليكم
ربنا يكرمك ... طبعا انا خبرتي قليلة في العربية بس انا عارف كهربائي رينو ممتاز اسمه ناصر في صقر قريش وهو كمان بيشتغل في تكييف العربية ممكن تروحله وهو يظبطلك العربية
على فكرة نمرته معايا بس في البيت لما ارجع هابعتهالك في رسالة على المنتدى ان شاء الله

رد: بعد شكر بوب الجامد... أخيرا ركبت الرينبو

السلام عليكم
نمرة الأسطى ناصر 0103518202
مكانه في عمارات صقر قريش اللي على الاتستوراد في المعادي

رد: بعد شكر بوب الجامد... أخيرا ركبت الرينبو

ألف مبروك
ربنا يعطيك خيرهاا و يكفيك شرها
هل ممكن تقول سعرها كام
و لو امكن مواصفتها و مميزاتها و عيوبها:waving:

رد: بعد شكر بوب الجامد... أخيرا ركبت الرينبو

ياشباب الرينو
انا اخوكم عمرو غريب مهندس كهرباء وريبنوى ريبناوى من 2001
ممكن اشترك فى العصابه الحلوه دى؟؟؟
انا بقالى فتره طويله عمال اوضب فى الريبنو 2000 اللى معايا
وهقولوكم على الاسعار اللى فاكرها
طقم تيل امامى تركى 65
شكمان كامل تفصيل 220
مساعدين خلفى تركى 410
جوز كبالن انكا تركى 850
غيرت الكربراتير ودى كانت غلطه جامده 850 وشكله طلع صينى فبصلح القديم الفرنساوى عند الاسطى ابراهيم كربراتير فى شبرا
وفرشت العربيه ارضيه وكراسى 600
وطقم سوند بيونير 1100
ودايخ على فرش الابواب واوكره درج الطالبوه
ويا جماعه انا حاسس ان صوت العربيه عالى ورحت للميكانيكيه قالو عادى
بس اعمل ايه تانى..............
ارجو تقبل دخولى العصابه

رد: بعد شكر بوب الجامد... أخيرا ركبت الرينبو

ألف شكر على الدعاء الجميل يا HARANI وأسف لتأخير الرد بس كنت مشغول جدا في الشغل
العربية كان تمنها 26500 ومواصفاتها
فبريكة دواخل
رشة بره مرة واحدة بدون حوادث
موتور 75% ( وده كويس لأن الجديد مش اكتر من 92%)
التابلوه جيد جدا
الفرش محتاج تنجيد ولكم عموما حالته جيدة
كانت محتاجة تغير مساعد خلفي واسكاتره وطقم صيانة كاربراتير( اتكلفو 600ج)
مميزات العربية
الوسع المريح جدا
الثبات الممتاز
السيارة حاسس انها متينة جدا وعفشتها ماسكة نفسها وصاجها محترم
الارتفاع عن الأرض بحيث لا تخاف من مطبات او حفر
ناعمة الي حد كبير ( بس بصراحة مش زي الياباني)
قطع غيرها معقولة من جهة السعر والتوافر
سعرها طبعا حلو بالنسبة مثلا للانوس اللي انتاج نفس السنة وان كانت المقارنة طبعا لصالح الفرنساوي
العيوب
من وجهة نظري موتور 1300 ضعيف بالنسبة لعربية بالحجم والثقل ده
تكييف ضعيف الى حد ما
قلة الميكانيكية اللي بيفهمو فيها بجد مش اللي بيفتو

رد: بعد شكر بوب الجامد... أخيرا ركبت الرينبو

ايه التقييمات الجامده دى يا دكتور
مش هشوفك عشان تاخد الاكر ولا ايه
معلش ياريت تبعتلى رقمك عشان الارقام كلها اتمسحت من عندى وبقالى فتره بدور على رفمك ومش لاقيهptmnlo123per1127