|
رد: أسوأ شخص فى مصر لعام 2009
اقتباس:
أنا معاك ان اليهود اللى كانوا فى مصر أثروا على اقتصاد مصر بس غالبآ بالسلب ! يعنى أى تجاره بتفيد الطرفين ! بس مين المستفيد أكثر ؟؟ لو لم يكن اليهود يكسبون من مصر بالملايين وقاعدين فيها لعملها كمحطه للقفز على فلسطين ! ما كانوش قعدوا فيها يوم واحد ! ثانيآ همه هربوا كل مالهم اللى هوه من الاقتصاد المصرى ولم يتركوا سوى الآصول التى لايمكن حملها أو شربها فى برشامه ! والله جديده عليه دى ان عمر أفندى أسلم ! وايه يعنى ؟ ولا يهمنا بشىء ؟ يعنى هوه كان عمر بن الخطاب ؟؟ و بعدين هو اصله مسيحي كاثوليكي من جدود الجدود من ايام جد جد جد بطرس غالي دا الي اعرفهو سألت عنه برده اللى أنا أعرفه سألت عنه ! طيب تعرف ان زوجة بطرس غالى ( بتاع الآمم المتحده ) علشان مانخلطش الآسماء ( يهوديه ) ! اسأل فيها لو لم تكن تعرف وهى مازالت حية ترزق ! اسمحلي يا دكتور اقولك انه مش بالشكل يمكن ان تحكم علي احد أينعم الواحد مابيحكمش على الانسان بالشكل ! بس من علم النفس ياباشا ان لو فيه واحد شكله قبيح جدآ لكن طيب جدآ و له أفضال عليك و ممكن يبقى أبوك أو أخوك ! فأنت بتشوفه أحلى واحد فى العالم ! وفى نفس الوقت العكس صحيح لو فيه واحد جميل أو واحده رائعة الجمال لكن أفعاله سيئه فأنت تراه أقبح واحد فى العالم ! ان اكرمكم عند الله اتقاكم مش احلاكم و الي يحكم في موضوع اتقاكم هو الله نعم " ان أكرمكم عند الله أتقاكم " صدقنا وآمنا بالله ! أما حكاية مش أحلاكم دى ! ياريت تخليك بعيد عن القرآن وآياته حتى لا يعتبر كلامك تحريف و تخريف ! أظن لا أنا ولا أى زميل ذكر أى شىء من الانجيل أو غيره ! أرجوك ده خط أحمر عليك وعلى أنا كمان ! ان كان بيقول امثال شعبية يبقي دا من صميم الشعب المصري اما الثانوية الأمريكية مش الأزهريه هو فيه بطرس يدخل الأزهر عشان يدرس أنا مش بألف يا محترم ! اقرأ عنه كل يوم بيقول أمثال ! لسه امبارح فى جريدة الجمهوريه هوه كان فى زيارة الريف وقال للناس " يا جاريه اطبخى..كلف ياسيدى " ماشى مش وحش قوى المثل ده ! لكن من 3 أيام فى مجلس الشعب قال مامعناه الناس تدفع الآول وبعدين نطلع.... وهو لم ينكر ما قاله ولكن قال ده كان كلام جانبى وليس كلام رسمى والناس بتتصيد لى الآخطاء ! شوف يا أبو شادى أكرر الموضوع ليس له علاقه بالدين ! وأظن كلنا هاجمنا شيخ الآزهر على بعض المواقف ! يعنى لا تفرق معانا ده من ده زى بعضهم ! والمسأله ببساطه وعلى رأى عمنا الكبير قوى بتاع الآمثال الشعبيه " عض قلبى ولا تعض رغيفى " ! والسلام ختام ! أخوكم / عبدالســـلام |
رد: أسوأ شخص فى مصر لعام 2009
الموقع ده شكله متراقب يا رجالة:00020080:ptmnlo123p er194:bat_467:
|
رد: أسوأ شخص فى مصر لعام 2009
شادى 2007
انا معاك فى كل ما كتبت اظن ان الناس متضايقه من الوزير بسبب موضوع مجلس الشعب واللى حصل فيه مش على اي اساس منطقى مقبول وعلى افتراض ان ده حصل من الوزير (انا مش متأكد) وسواء كان الوزير مسلم او مسيحى او يهودى او بهائى فعموما الوزير اقسم على رعاية الوطن ولم يقسم على انه نبى ليس له زلات واللى يهمنى كمواطن بالدرجه الاولى مش انه يبقى قديس لكن انه يصمم و ينفذ و يختار السياسات اللى تخدم الصالح العام وده بس اللى المفروض يبقى اساس التقييم ولو شوفت مثلا دوله متقدمه زي ايطليا هتلاقى رئيس وزرائها (مش عارف اقولها ازاى) سارح ورا البنات و مراته وهيا فى عصمته سارحه ورا شاعر ومع ذلك موجود فى الحكم ومشالهوش الفكره عندنا ان الناس بتعك كله فى بعضه يعنى دين على سياسه على اسباب شخصيه و فى النهايه الكل تايه مش عارف يمينه من شماله نقطه تانيه الشخص اللى نقل الكلام بتاع الوزير من مجلس الشعب للاعلام شخص غير مسئؤل انا عارف انى خرجت شويه عن الموضوع بس شايف انه كان لازم |
رد: أسوأ شخص فى مصر لعام 2009
اقتباس:
ما اوباما قرا المصحف كله فى خطابه عديها يا دكتور ptmnlo123per1127 ابنك عاطف |
رد: أسوأ شخص فى مصر لعام 2009
اقتباس:
اقتباس:
|
رد: أسوأ شخص فى مصر لعام 2009
انا عموما ضد الحكومة, لكن لو كانت الحكومة فيها شخص بيحاول يصلح ما تفسده البقية فهو هذا الرجل,
هو الراجل غلط عشان عايز يلم حق الدولة الطبيعى و حق الغلابة من الحيتان اللى بيشترى شقة بمليون و 2 مليون؟! ده مش افضل من الشحاتة و التبرعات تحت اسم مستشفى سرطان الأطفال و حملة المليون بطانية رغم انو التكفل بعلاج المرضى ده مسئولية الدولة مش المجتمع, طب الدولة هتؤدى مسئوليتها ازاى لما الأغنياء بيجيبوا شقق بملايين و يسقعوها و مبيدفعش مليم احمر على هذه الرفاهية غير المبررة؟ و بعدين انا كان نفسى بصراحة الضريبة تبقى اكتر من كده, عشان تنتهى الظاهرة العجيبة التى تنفرد بها مصر و هى تسقيع الشقق, و بالتالى ترخص الشقق و نحل ازمة السكن, بهذه البساطة! نحن الدولة الوحيدة التى ترتفع فيها اسعار المساكن حتى مع قلة الطلب. قانون الضريبة العقارية صحيح و من حق الدولة انها تلم فلوسها من الأغنياء المستهترين اللى بيضيعوا فلوس البلد فى رفاهية زائدة لا طائل من ورائها, فى الحالة دى عليه انو يدفع حتى تستطيع الدولة الوفاء بالتزاماتها تجاه المجتمع. موضوع الفلوس دى هتروح فين من عدمه دى موضوع تانى و هو ليس مسئولا عنه. لكن الرجل يؤدى مهمته على اكمل وجه فى توفير الموارد للدولة, و نحن فى انتظار زيادة الضرائب على المساكن لأن ده الحل الوحيد لأزمة السكن. برضو لا ننسى احمد نظيف الذى اراه يبذل جهودا مضنية فى تحرير الاقتصاد و هو اتجاه صحيح تأخر كثيرا. و قانون الضرائب الجديد حل مشكلة التهرب من الضرائب و المهازل التى كانت تحدث فى الماضى, فى الماضى كان صاحب العمل بيقدم اقرار مضروب تيجى الضرائب تقولوا مش مصدقينك يقدم اقرار تانى مضروب تيجى الضرائب لا مش مصدقين. و هكذا دواليك و فى الاخر مفيش حد بيدفع حاجة. القانون بمنتهى البساطة قال اننا هنصدقك بالاقرار اللى انت كاتبه, لكن لو طلعت بتكدب هتتحبس. و ديه خلت اصحاب الأعمال يخافوا على نفسهم و عن روايات حقيقية اللى مكنش بيدفع الضرائب بقى بيدفع, لأنه الموضوع مبقاش تهريج و هزار زى الأول و لعبة قط و فار انما حق الدولة و المجتمع على صاحب العمل و اللى بيتهرب من هذا الحق لازم يتعاقب. |
رد: أسوأ شخص فى مصر لعام 2009
هو الراجل غلط عشان عايز يلم حق الدولة الطبيعى و حق الغلابة من الحيتان اللى بيشترى شقة بمليون و 2 مليون؟!
باشمهندس فادى ! أنا ح أتكلم معاك فى جزئيه واحده من كلامك ! وهى انك بتعتبر ان اللى بيشترى شقه بمليون ولا 2 مليون يبقى حوت و حرامى ولازم الدوله تطلع دينه ! و ده مبدآ خطأ و يقترب من المذهب الماركسى اللى بتحاربه المسيحيه قبل الاسلام ! ايه المانع ان أكون راجل ربنا فاتح عليه من بركاته ومن نعمه ولا أسرق ولا أقتل ولا أقترف حرامآ و فلوسى جايه من حلال و يمكن من خارج مصر و عايز أشترى شقه ب 10 مليون ؟؟ وعايز أعمل فرح لبنتى فى باريس و أفسح ولادى فى سويسرا ؟؟ مافيش مشكله ! واسأل ساويرس ! كون ان معظم الشعب أمى و غير متعلم ( ودى بتقلل فرص الانتاج الصحيح وبالتالر الدخل و رفع مستوى المعيشه ) ! لا يعنى ان اللآغنياء ولاد ..... أنا بأقول كده واوعى حد يفتكر انى مليونير ولا حاجه ! أنا الحمدلله بس مستوره ! وفى أواخر العمر بس كمان ! كون الشقه بقت بمليون ! ارجع لكلامى وستجد أن السبب أن الحكومه هيه المفروض تسيطر على صناعة الآسمنت و الحديد و توزع أراضى و رمال الصحراء على الناس يا رب ببلاش ! فى الحاله دى الشقق ح ترخص ! انما الدوله بتعطى فلان مليون متر من أجود الآراضى والمتر ب 10 قروش و يكون جايب ثمنهم قرض من الحكومه برده و بعدين يبيع المتر ب 3000ج و أكثر ! يبقى مين السبب ؟؟ انت ماسمعتش المثل اللى بيقول " اللى يلاقى دلع ولا يتدلعشى يخش النار ؟؟ ) ؟ انت مثلا أو ابنى لسه لم يتزوج ! أقل شقه دلوقت بنصف مليون جنيه ! ليس معى منهم ولا مليم بس ح أضطر أتدين أو أستلف و أقسطهم و أجوزه و أسكنه فيها دا غير المتطلبات الآخرى ! يقوم يطلع لى واحد يقول عليه دا حوت من الحيتان وساكن فى شقه بالشىء الفلانى ! انت لو رغيف العيش دلوقت بقى ب 5 جنيه ! ح تشتريه ولا لآ ؟؟ عمومآ وزير الماليه ماهو الا جزء من النظام ولو اللى بيعمله مش على هوا النظام مش ح يقعد فى مكانه دقيقه واحده ! عمومآ أنا سعيد انك دخلت الموضوع يا فادى مع انك مابتدخلش الا للدفاع عن الشاهين ! ههاهههااااهاى ! Dr. Bolbolan ptmnlo123per1147 |
| الساعة الآن 12:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017