رد: هل فيات جراند بونتو أتوماتيك 2010 تستحق مبلغ 98000 ؟؟
 

البونتو ايفو هتفرق جامد فى حاجة واحدة, هى المحركات الجديدة الMultiAir, و دى تقنية جديدة تماما فى عالم المحركات حققت حلما كان يراود الصانعين طويلا و هو التحكم الالكترونى الكامل فى الصبابات بدون الكامة,
105 hp 1.4 MultiAir 16v (Euro 5) with Start&Stop;
135 hp 1.4 MultiAir Turbo 16v (Euro 5) with Start&Stop.
و معها ارتفع محرك ال1400 16 صباب من 90 حصان الى 105 حصان.
و محرك ال120 حصان التى جيت الى 135 حصان,
الكلام ده مع ارتفاع العزم و تحسن منحنى العزم ليصبح شبه مثالى,
و لكن الميزة الأكبر فى محركات المالتى أير هى سرعة الاستجابة, محرك المالتى اير يستجيب لأوامر السائق أسرع مما يحققه أى محرك أخر, و هذه متعة لا تضاهى.

رد: هل فيات جراند بونتو أتوماتيك 2010 تستحق مبلغ 98000 ؟؟
 

استاذ نور ,,, البونتو ايفو هي نفس الجراند بونتو و الفروق مش كبيرة لا في الشكل الخارجي ولا الداخلي ,,, بس في موتور زيادة جديد اللي هو 135 حصان ده ,,, و شوية تعديلات في الشكل الخارجي طفيفة ,,, اعتقد ان قطع الغيار هي نفسها الموجودة في جراند بونتو ,,, و علشان ما تقلقش هي كمان متوفرة في اغلب قطع اللينيا ,,,

قطع غيار الفيات الجديد علي فكرة متوسط يعني مش غالي و مش رخيص طبعاً ,,, و التوكيل هتلاقي فيه قطع غيارك اللي انت عايزها ,,, و ممكن تلاقي برا علشان انا بدأت احس بالجراند و اللينيا بياخدوا خطوات كويسة في السوق و بدأوا في الانتشار

يعني زمان مكنتش اشوف منهم غير كل اسبوع مرة ,,, النهاردة ما يعديش اليوم الا لما اشوف واحدة جراند بونتو ...

العربية كويسة بصراحة ,,, و اللي يميزها بالنسبة ليا ان سعرها اقل من ال ايبيزا ,,, و انا نفسي في الايبيزا اكتر ,,, بس العملية لو قلت الفلوس شوية ,,, هجيب البونتو و برضو مش هبقي متضايق العربية كويسة اوي ...

رد: هل فيات جراند بونتو أتوماتيك 2010 تستحق مبلغ 98000 ؟؟
 

أنا كان نفسي أعرف بس هو في فرق في options

بين الاتوماتيك و المانيوال ؟؟؟؟ أي فرق حتي لو كان بسيط؟!!

في الجراند بونتو طبعا ...

رد: هل فيات جراند بونتو أتوماتيك 2010 تستحق مبلغ 98000 ؟؟
 

مالها اللانسر بنفس المبلغ ده

رد: هل فيات جراند بونتو أتوماتيك 2010 تستحق مبلغ 98000 ؟؟
 

ميرسي MaXx علي شرحك للنقطة دي وخصوصا قطع الغيار اللي هي طبعا الشغل الشاغل لأي حد بيفكر في شراء عربية جديدة
والحمد لله رد حضرتك طمني بجد كتير
بالمناسبة هو فعلا الباور في الجراند بونتو كهربا مش هيدروليك؟ والعفشة بتاعتها ناعمة ولا ايه نظامها؟ يا ريت لو حضرتك تعرف تفيدني او يا ريت مساهمة حد من ملاك العربية يفيدنا في النقطة دي
وانا انشاء الله مستنية بس معرض الأهرام فورميلا في يناير الجاي باذن الله وانشاء الله هحجز بعديه بمشيئة الرحمن
مين عارف؟ يمكن تحصل معجزة ويبقي فيه عروض كويسة ولا حاجة الواحد ممكن يلحقها!
وعلي فكرة نور ده بنت... مش أستاذ ولا حاجة :14BFD8~148:ptmnlo123per1 9
وبجد ميرسي ليك مرة تانية
وتقبل تحياتي :waving:

رد: هل فيات جراند بونتو أتوماتيك 2010 تستحق مبلغ 98000 ؟؟
 

ما هي مشكلتها علي فكرة انها بنفس المبلغ ده ptmnlo123per1127
سعر اللانسر البومة اللي هي الـ old shape موديل 2010 100000 جنيه!!
ودي كمان اول فئة اللي هي 1300 سي سي!!
مفيهاش عوامل أمان من فرامل مدعمة بنظام ABS & EBD
مفيهاش Airbags الا لو هتشتري الخليجي منها وفيه Airbag واحدة بس للسائق مش 2
حتي السي دي مش بييجي معاها وبتشتريه من التوكيلويركبهولك وتدفع تمنه
وحتي الموتور معتقدش هيبقي فيه فرق كبير. صحيح موتور الجراند بونتو 1400 سي سي 77 حصان 8 صمام بس لكن ده بيوفر في البنزين وككمان العربية بتجري برده كويس ومبتقولش لأ لما شفتها في الشارع
وكمان اللانسر منتشرة في البلد بشكل رهيييييب!!
بصراحة منكرش ابدا سهولة صيانتها عند اي ميكانيكي ولا مدي توافر قطع غيارها ورخص تمنها ودول ميزتين في غاية الاهمية بس في الزمن اللي طالعة فيه كل الـ options اللي بنسمع عنها في العربيات الحالية سواء من عوامل أمان او من كماليات رفاهية حتي الواحد بقي نفسه في التغيير ونفسه يحصل علي المميزات دي. وبرده صيانة الايطالي مش معجزة وفيه المتخصصين فيه بره بدون الارتباط بالتوكيل
وكمان اللانسر متنفعش خالص للي بيدور علي التميز وعلي عربية مش منتشرة وشكلها مختلف
وكمان شايفاها صعبة أوي لبنت زي حالاتي ptmnlo123per144

علي فكرة اللانسرلو ياباني فالجراند بونتو برده ايطالي 100% مش متجمعة في بلد تاني، والابيزا مثلا اللي أستاذ MaXx نفسه فيها موتور VW يعني الماني محترم منقدرش نتكلم عليه طبعا ... والاوروبي عموما معروف بتاريخه في صناعة السيارات واللي سبق الياباني كمان بكتير
أنا مش بهاجم اللانسر ولا حاجة بالعكس انا بحبها والله وبحب ميتسوبيشي جدا وعارفة كويس مدي جودة الماركة دي كويس اوي (عربيتي الحالية ميتسوبيشي جالنت سبور موديل قدييييم) فانا مجربة وعارفة
بس بصراحة عايزين options وكمان safety اعلي وكمان شكل مختلف

وربنا يخليلك عربيتك ويفرحك بيها ويدي لكل واحد اللي هو عايزه ويهدينا للي فيه الخير

:waving:

رد: هل فيات جراند بونتو أتوماتيك 2010 تستحق مبلغ 98000 ؟؟
 

هو حيتعمل امتي معرض الأهرام ده ؟؟

وهل الاحسن الواحد يستني و لا ايه ؟؟