|
رد: تقرير عن جلورى 2016 7 راكب لعيلة العيلة dfsk glory
اقتباس:
اهلا بك اخى الكريم عماد الدين السيارة إلى الان الحمد لله ممتازة و ناعمة فى المشى جدا ً و التكييف اكثر من ممتاز بالنسبة للسفر صراحة لا استطيع ان احكم حاليا ً لاننى لم اسافر بها لكن مسافر على يوم 20 مايو باذن الله الساحل و هاكون عديت الـ 1000 كلم الاولى و وقتها هاقدر افيدك برد عملى و بالتجربة ،، بالنسبة لاخر حاجة السيارة بتشيل 7 ركاب بالسائق فى اريحية تامة على شرط ان الـ 7 كبار و مساحة وضع الاقدام متميزة للجميع ،، اتمنى انى اكون افدتك بردى و تابع معنا الموضوع لانى عن قريب رايح مركز الخدمة لعمل صيانة الالف |
رد: تقرير عن جلورى 2016 7 راكب لعيلة العيلة dfsk glory
اقتباس:
انت و باقى الاخوة الكرام شكرا لمرورك العطر الطيب |
رد: تقرير عن جلورى 2016 7 راكب لعيلة العيلة dfsk glory
اقتباس:
بالطبع اهم حاجة فى اى سيارة قطع غيارها و التوكيل مسئول عن توفير قطع الغيار و على حد علمى متوافر قطع غيار للسيارة لدى التوكيل و فى مراكز الصيانه التابعة له اما عن انتشار قطع غيارها فى محلات قطع الغيار فهذا امر متوقف على انتشار السيارة و قابلية السوق لها و حسن تسويقها من الوكيل ،، انا عن نفسى هاحاول كل فترة اعمل استوك عندى من قطع الغيار يعنى كل صيانه هاحاول اشترى حاجة مساعدين فوانيس حاجات كده يعنى علشان تكون موجودة تحت تصرفى لو احتجت لها الاسعار حسب التوكيل معقوله شىء ما ،، اما عن تغيير الموتور اعتقد بل اننى فكرت بالفعل فى تغييره بعد انتهاء الثلاث سنوات الاولى لو كان لنا عمر وحوض الموتور ما شاء الله و اسع و اعتقد انه ممكن يشيل موتور المانى او يابانى باريحية كبيرة ،، و بالنسبة لمعلومة ان الموتور ايطالى نعم هو صينى بتكنولوجيا فيات الايطالية و كما ذكر الاخ cars admire ان الكاتينة جنزير و ده شىء فى حد ذاته جيد و فكرة تغيير الموتور فقط لاننى بحب الاتوماتيك لكن ماتورها مش وحش الصراحة ،، اتمنى ان اكون افدتك بردى و لك السلام |
رد: تقرير عن جلورى 2016 7 راكب لعيلة العيلة dfsk glory
اقتباس:
اولا ً اهلا ً بك اخى الكريم عمر و نتمنى ان تستديم مشاركتك معنا فى هذا المنتدى الطيب ثانيا ً مع انى من عشاق الفتيس الاتوماتيك علشان ظروف الزحمة و كده و على اد فرحتى لما عرفت ان الجلورى فى منها توماتيك لكن لما روحت التوكيل و شفت الفئة الاتوماتيك صرفت نظر عنها خالص ليه بقى اقول لك شوف يا سيدى العربية الاتو موتورها 1400 CC و الجنط 14 بقوة 108 حصان و الفتيس استربترونك من غير لوك مش عارف ازاى لكن هى نازله كده... العربية المانوال موتورها 1500 CC و الجنط 15 بقوة 115 حصان ،، بصراحة بعد ما كنت رايج اشترى الاتو عدلت راى فى اخر لحظة و اشتريت المانوال و الحمد لله الاختيار اعتقد انه افضل خاصة انى مجرب موتور الـ DFSK قبل كده فى سيارة سابقة راجع ردودى السابقة المهم لو حابب فعلا تجيب الجلورى فنصيحتى لك خليك فى المانوال افضل انا جيبت مانوال لانى مجربتش الاتو فى الصينى بصراحة قبل كده غير انك هاتوفر كمان 20000 جنية وموتور اكبر وكمان جنط اكبر ،، ده راى و الاختيار فى الاخير يعود لك ،،، اتمنى اكون افدتك بردى و اى شىء اخر انا حاضر |
رد: تقرير عن جلورى 2016 7 راكب لعيلة العيلة dfsk glory
2 مرفق
بعد ما رديت على كل الاخوة الزملاء اللى شرفونا بمرورهم الكريم
حابب اشكر اخى الكريم ابو نورا لانه لفت نظرى لهذا المرور العطر الطيب و فى ذات الوقت اضيف صورتين جدد بعد ما عملت ارضية للسيارة من الجلد منها علشان احافظ على ارضية الفابريكة ،، و منها علشان الجلد اسهل فى التنظيف و بكرة إن شاء الله هانشر لكم صور الفرش الجديد كمان ... ربنا يرزقنا خيرها و يكفينا شرها و يحمينا و اياكم من كل سوء |
رد: تقرير عن جلورى 2016 7 راكب لعيلة العيلة dfsk glory
اسلام عليكم ورحمة الله وبركاته
---------------------- بارك الله لك في السيارة ورزقك خيرها ووقاك شرها وكان عندي كام استفسار بخصوص العربية المانيوال سعة خزان الوقود-وهل يمكن التحكم في نوافذ الكنبة الأخيرة أم أن الزجاج لا يفتح- هل يوجد بها usb- وهل يمكن فتح غطاء تنك البنزين من داخل العربية- وبالنسبة لنظام المحلاحة GPS موجود بها ولا في الأتوماتيك بس- واستهلاك العربية للوقود عامل أيه-وهل بها تغذية الوقود بالحق الإلكتروني- وهل بها نظامي الفرامل ABS + EBD - وأخبار الفتيس معاك. اعتذر عن الأسئلة الكثيرة بس أنت الوحيد إللي كتب تجربته في العربية دي وهي عجباني جدا وجزاك الله خيرا عن التقرير الجميل. |
رد: تقرير عن جلورى 2016 7 راكب لعيلة العيلة dfsk glory
اقتباس:
|
| الساعة الآن 09:49 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017