رد: لو سمحتوا ردو ضروري بخصوص السيراتو
 

الإتنين واحد في كل شيء والشركه واحده
ولكن السيراتو شكل جديد وتصميم حديث ...هذا كل مافي الموضوع

لسه واحد صاحبي كلمني في التليفون من يومين وكان بيشكيلي (معاه إلنترا خليجي موديل 2008) ولسه الفانوس الخلفي شمال مغيره وهو نصفين نصف في الرفرف ونصف في باب الشنطه لو فاكرينه
وهوه غير النصف الموجود بالرفرف وكان سعر نصف الفانوس الموجود بالرفرف (الأصلي) 1150 جنيه (فقط ألف ومائه وخمسون جنيها لاغير) !!!
وللعلم سأل على النصف الآخر للفانوس الموجود بباب الشنطه ووجد سعره 760 جنيه (فقط سبعمائه وستون جنيها)

ملحوظه هامه هذه الأسعار لدى تاجر قطع غيار كوريه وليس التوكيل (فالتوكيل أغلى بالتأكيد) وهذه القطع أصليه وليست تيواني أو خلافه

لذا وجب التنبيه ....ففئة أسعار قطع الغيار للسيارات من إلنترا وسيراتو بالنسبه للكوري غاليه حبتين
ضمان وكيل سيراتو خمس سنوات

عليك بالسيراتو فالشكل جديد وأمامه خمس سنوات حتى يتم تغييره
في حين الإلنترا سوف تتغير بعد سنتين على الأكثر

رد: لو سمحتوا ردو ضروري بخصوص السيراتو
 

اولا السلام عليكم دلوقتى لية حضتك ما تخليش المقارنة بين السيراتو والالنترا وبين التويوتا كورولا اكيد التويوتا تكسب طبعا من حيث البلد يابانى مش كورى + الاوبشنز افضل وكمان الاداء+ الثبات +المقصورة واسعة و جذابة والتبلوة جيد جدا + التكيف (((( مش هقولك)))) اكيد انتا عارف بس انتا لو سألتنى هقول 2007 كورولا شكل حلو جدا ويمكن يكون بسعر ارخص وشكراhttp://img98.imageshack.us/img98/1350/rightxw2.jpg

رد: لو سمحتوا ردو ضروري بخصوص السيراتو
 

لولا اختلاف الآذواق لبارت السلع ! و أضيف لولا اختلاف الآحوال الماديه لآشترت الناس كلها مرسيدس E

شراء سياره مثل الزواج بالضبط ! يعنى العروسه اللى تعجبك ! ممكن ماتعجبش 10 غيرك ! مافيش مواصفه

ثابته لكل الآشياء التى ممكن تفتنى أو تستعمل ! واحد مصمم مثلا يتزوج منقبه وبعد الزواج ممكن ( بأقول ممكن )

تطلع ابن عمه أو دينا ! وممكن واحد يقعد يلف سنين وعامل عبده المفتح وفى الآخر يتزوج لامؤاخذه ( .....) !

وواحد ياخد واحده مش حلوه قوى وتطلع ست بيت ومدبره وبتحبه وبتخاف عليه ! وواحد ياخد واحده حلوه وبنت

ناس ومافيش أحسن من كده وبعدين يلاقيها نكديه أو صاحبة عيا أو بتشرب سجائر على غيار ريق !

وواحد ياخد واحده غلبانه ومنكسره وبعد الزواج مع أى مشكله تتخانق معاه وتشرشرح له وتضربه بالضربه القاضيه !

اذن هى مسألة تباديل وتوافيق وفى الآخر كل واحد ح ياخد نصيبه ! بس الفرق ان السياره لو ما عجبتكش ممكن

تبيعها وتخسر فيها قليل أو كثير ( مش مشكله ) أو تكون نزيه و تولع فيها أو تزقها من فوق المقطم ( برده مش مشكله)

ومش ح تجيب من العربيه عيال ! لذلك الواحد ما يحرقش نفسه قوى فى التفكير ! واللى معاه 120000 يشترى

بها سياره ! أكيد معاه 1500 لفانوس ( ده لو انكسر ) أو معاه يدفع لشركة تأمين ويريح دماغه ! لو معاهوش بأه

من الآخر مايشتريش أو يجيب اللى يقدر عليه ! والمشكله ان السوق المصرى محدود والاختيارات فيه مش كثيره

لكن لسه عندك اختيار ان انت عايز عربيه تقضى الغرض ولا عربيه تأكل عيش بيها ولا تتفسح بيها ولا تتقرنن بيها ؟؟؟

That is the Question

Dr. Bolbolan ptmnlo123per122

رد: لو سمحتوا ردو ضروري بخصوص السيراتو
 

بص يا برنس لما نقول كورى يبقى المارد الكورى كيا .اى عربية كيا ديما تلاقى عفشة محترمة موتور يتميز بالقوة حتى فى صوتة ولما نقول تقفيل يبقى مفيش اعلى من كدة.عبداللة قاعود

رد: لو سمحتوا ردو ضروري بخصوص السيراتو
 

الف شكرا يا جماعه علي رددكو بجد شكرا اوى لكل من ساهم وشكلي بإذن الله هجيب الكيا

رد: لو سمحتوا ردو ضروري بخصوص السيراتو
 

رد: لو سمحتوا ردو ضروري بخصوص السيراتو
 

يا دكتور انت كده جبت الخلاصة
وخليت الموضوع يهدا
الله يفتح عليك
احسن الاعضاء كان ناقص يولعوا فى بعض
يا جماعة دى فى الاول والاخر عربية مش اكتر




تحياتى للجميع