رد: مشكله غريبه في السرعه...160 مش اكتر من كدا
 

بص يا باشا نفس المشكلة حصلت معايا انا معايا اوبترا 2011 اتوماتيك
اولا الاوفر درايف غلط انك تستخدمه على اقل من 80 و أعلى من 140 كم/س
ثانيا لما حصلت المشكلة عندي اول حاجة عملتها غيرت فلتر الهوا و فلتر البنزين و البوجيهات لأن ده كان ميعادهم الدوري للتغير

ثالثا قمت بتنضيف البوابة بتاعة الهواء

العربية برضو لسه مفيش اي زيادة بعد 160 كم/س لدرجة أني بجيب أخر الدواسة

رجعت للتوكيل عملوا ريسيت للكمبيوتر لأنه بعد تنضيف البوابة بيحصل خلل في حساسات البوابة و لازم يعاد برمجتها من تاني

بعد التجربة مرة أخرى العربية رجعت زي ما كانت و بجيب بيها 200 كم/س

ملحوظة هامة: عربيتي عند سرعة 120 كم/س بيكون rpm 2800
و عند سرعة 160 كم/س بيكون rpm 4100

كمان انا كان عندي حاجة مختلفة عن عندك اعتقد ده هيكون الفيصل بين مشكلتي و مشكلتك و هي اني عند 160 كم/س ال rpm كان بيثبت عند 4100 و مكانش صوت الموتور بيعلى

أتمنى أني أكون قدرت أفيدك

رد: مشكله غريبه في السرعه...160 مش اكتر من كدا
 

الف شكر لحضرتك ....واكيد طبعا افدتني جدااا
بس قلقتني اكتر بسبب حكايه الار بي ام العالي عندي دا وانا ان شاء الله على اول مركز كومبيوتر افحص العربيه

رد: مشكله غريبه في السرعه...160 مش اكتر من كدا
 

الشكر لله
احنا هنا علشان نساعد بعض على بقدر ما نستطيع

بس متنساش في مركز الصيانة تخليه يعملك ريست للكمبيوتر بتاع العربية او بمعنى اخر يبرمجة مرة اخرى علشان حساسات البوابة

و ابقى طمني بقى عملت ايه

رد: مشكله غريبه في السرعه...160 مش اكتر من كدا
 

انا عارف اني بتقل على حضارتكم بس بجد من العشم في كرم اخلاقكم
ممكن بس تدلوني على مركز صيانه تكون سمعته كويسه واكون مطمن وانا بعمل الشغل دا عنده وابقي عارف اني مش برمي فلوسي في الارض ولا على ناس بتخمن وبتفتكس
وشكرا جدا على الرد طول الفتره اللي فاتت

رد: مشكله غريبه في السرعه...160 مش اكتر من كدا
 

حضرتك منين عشان الاعضاء يدلوك ؟

رد: مشكله غريبه في السرعه...160 مش اكتر من كدا
 

مش ممكن يكون فيه مشكله في ترصيص العجل .

رد: مشكله غريبه في السرعه...160 مش اكتر من كدا
 

السلام عليكم
اولا احب اقولكم الف شكر على الردود والتفاعل والاحترام اللي شوفتوا هنا
ثانيا نقول بقي نتايج اللي عملته
1- غيرت علبة الشكمان بـ 250 بالتركيب
2- غيرت زيت المكنه بشيل5000 ----(بـ135 جنيه )
3- نضفت بوابه الهوا (منظف بـ30 جنيه )مع تغيير البوجيهات سن طويل بـ90 جنيه
4-قولت بالمره اغير جوان المكنه وانظفها وتم الامر بـ25 جنيه تمن الجوان
5- تم الكشف بالكمبيوتر ولاقيت مسجل 3 حساسات والراجل عملهم على طول وظبطت سلانسيه ودا كلف 50 جنيه في بنزينه كالتكس اللي في عمر مكرم في مدينة نصر
6- عمل دورة غسيل للريداتير وميه خضرا النص لتر بـ25 وهي واخده 13 لتر

-----نيجي بقي للمشكله والطامه الكبرى واللي هتفرق في سحب العربيه.....قلت اغير زيت الفتيس زي ما قولنا في الاول روحت لواحد متخصص في الفتيس الاتوماتيك في مدينة نصر الراجل قالي هيتم الاتي بالحرف :-
1- فك الفتيس بالكامل
2- تغيير الزيت حوالي 10 لتر واللتر بـ50 جنيه
3- تغيير الفلتر والفلتر بـ 250 جنيه
4- صيانه الفتيس من جوه وعمل اللازم
5- تركيب الفتيس وتوصيله على الكومبيوتر لبرمجته لانه من برا يا باشا ودا فتيس الكتروني بـ100 جنيه
وبعد كل دا مصنعيه ايد الراجل 150 جنيه
طبعا انا قلت شكرا والسلام عليكم وطيرت على البيت ومبسوط بشويه الصيانه اللي في العربيه الى حين اشعار اخر او اي افاده منكم ايها الساده المحترمون