مصر موتورز مجتمع السيارات - العربية ديه اكيد بتطير رينو لوجان

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - العربية ديه اكيد بتطير رينو لوجان (https://www.masrmotors.com/vb/showthread.php?t=12620)

رد: العربية ديه اكيد بتطير رينو لوجان

انا متفق مع حضرتك ان الموضوع اخد بعد تاني غير المقصود منة الا و هو توقعات الناس بشان اللوجان هل هتغير نظرتنا عن الفرنساوي و لا هتكمل مشوار اللي سبقوها

بس انا مش متفق معال في ان الالفا بتتبع نفس نهج الفرنساوي لانهم مش من هواة التكنولوجيا. الالفا معروفة اكتر بالاعتماد علي عنصر الميكانيكا و التصميم اكتر من ادخال التكنولوجيا لعربياتها زي ما هو معروف عن الفرنساوي. اما بالنسبة لبرنامج توب جير فالالفا عندهم ليها معزة خاصة عكس الفرنساوي اللي قالوا رايهم فية اكتر من مرة و دايما كانوا ضده و ادي يعض الفيديوهات

http://www.youtube.com/watch?v=jvoLcRKubk4

http://www.youtube.com/watch?v=j-tcImlrXsU

رد: العربية ديه اكيد بتطير رينو لوجان

لم أقصد إن ألفا روميو و رينو وجهين لنفس العملة...
إللى أقصده هو أنهم الإثنين يتبعون نفس المنهج الفكرى...يعنى ببساطة....مش من أتباع المذهب إللى بيدور على حاجة تبيع كتير و ترضى كل الناس و بس....زى كل المصنعين الآسيويين.....

كلا من ألفا و رينو له ذوقه و طريقته...لكن فى النهاية.....مدرسة فكرية واحدة تؤمن بمبدأ تقديم فكر خاص فى المنتج....

و إذا كان على Top Gear ...ففرنسا فعلا مالهاش فى العربيات ذات الأداء العالى الرياضى
ما هو بالعقل برضه...إزاى عربية رياضية و قمة فى الراحة و النعومة....مش هاتيجى ...!!!!
لازم تضحى بحبة راحة من أجل التماسك للأداء الرياضى.....
و دى مش محتاجة حد يقول عليها إن مافيش عربية رياضية فرنسية
دى حقيقة
لكن....هناك الكثير من الإنجازات الفرنسية على أصعدة أخرى
مين إللى اخترع ال MPV ....؟؟؟......مش الرينو Espace سنة 1984
مين أصحاب أحسن نظام تعليق على الإطلاق...مش سيتروين و بداية من سنة 1955 على يد ال DS ....
مين إللى لازالوا بيقدموا فئات جديدة من أمثال ال برلينجو و ال Kangoo .....
هل فى عربية زى ال Vel Satis ؟؟؟؟...بغض النظر بقى عن باعت كام واحدة و لا كسبت كام سباق....دى حاجة تلبى طلبات مجموعة محدودة جدا من الناس ...بالطبع هتبيع قليل جدا خصوصا مع السعر المرتفع

و لو مقتنع بكلام الشباب فى Top Gear .....
آدى العربية الثورية ( الأب الروحى ) لرينو كلها...شوف اللى بيقول لك الاعتمادية و بتاع عمل فيها إيه

سيبك من ال Surveys هتسمع من الإنجليز نفس إللى هتسمعه من المصريين و نفس إللى هتسمعه فى أى حتة فى سب و لعن الفرنساوى.......و مع ذلك بأكرر.....مش كل الناس بتحب الفرنساوى...ليه ناسه و زبائنه و معجبيه....و لو كان بالفشل إللى البعض بيصوره...كانت فرنسا قفلت مصانعها و شركاتها من زمان...

أما موضوع الللوجان و تغييرها لسمعة الفرنساوى.....ما أفتكرش...لسه العملاء بتشتكى فى التوكيل إن إزاى عربية ب 55 ألف جنيه يكون الكونتاكت بتاعها ب 750 جنيه.......و بيقارنوها باللانوس ....!!!!

ليه شوية على ما الأوضاع تتغير...خصوصا إن اللانوس لسه بتنتج زى ما هى من التسعينات و عليها طلب......
فالمشكلة ما تعرفش فمين.....هل الناس مش قادرة تستوعب التغيير...و لا رافضين التغيير ما دام بيكلف فلوس أكتر ....لكن الحق يتقال...احنا بلد على قدها...مافيش لادا و لا لانوس غير عندنا.....و ماسكين فيهم بإيدنا و أسنانا......هتعمل إيه اللوجان معانا...خصوصا إن الكمسات إللى بتدخل منها محدودة و هتفضل محدودة لإنها مستوردة فى الآخر مش منتج محلى.....طيب بفرض إنها ما غبرتش الفكر فى السوق...تبقى عربية فاشلة ؟؟؟.....لأ طبعا..إللى عمل اللوجان ما كنش فى دماغه مصر فين على الخريطة.....نخلى رومانيا تعملها تاكسى و نسيبهم هما يشوفوا الكويس فيها و خلينا احنا نحصر تفكيرنا فى عدالة سعرها و هل المغربى أحسن و لا رومانى و إذا كانت هتعمل انقلاب فى السوق و لا هتبقى فاشلة لو ما عملتوش...!!!!

رد: العربية ديه اكيد بتطير رينو لوجان

الفرنساوي قطع غياره غاليه لكن معمره زي الألماني

رد: العربية ديه اكيد بتطير رينو لوجان

انا شايف ان الموضوع مش على الفرنساوى فقط فى مصر

لو بصينا على سيارات أخرى مثل :
1- BMW
2- الأودى
3- فولفو
4- الاوبل
5- جيب
6- سوبارو
7-مازدا
8-نيسان

حنلاقى ان معظمهم ماركات يشهد لها بالإعتمادية و التكنولوجيا الرائعة
يا ترى إيه اللى يخلى سيارات زى دى بتخسر جامد جدا برضه عند إعادة البيع فى مصر

بالنسبة ليه الفرنساوى شغال لحد دلوقتى رغم انه كما يرى البعض صناعة فاشلة
أظن الإجابة واضحة انها ليست سيارات فاشلة بل هى سيارات مطلوبه جدا فى اوربا و تحتل المراتب الاولى فى المبيعات فى اوربا
و لو جينا بصينا مثلا على الميجان كمثال حنلاقى انها لحد عام 2008 و هو اخر عام للميجان فى اوربا قبل نزول الشكل الجديد كانت محتلة المركز الثامن لاكثر السيارات المبيعة فى أوربا !!

أكيد الناس فى أوربا ليست بالسذاجة انهم يشتروا سيارات فاشلة و خاصة انه يوجد امامهم العديد من الخيارات بديلا عن الفرنساوى

السوق المصرى محكوم بعددة سيارات فقط هى اللى بتخسر قليلا عن إعادة البيع و هى :
1- مرسيدس
2- هيونداى
3-دايو
4- تويوتا
5- ميتسوبيشى

و دا بسبب سهولة تصليح هذه السيارات عن أى ميكانيى (ماعدا المرسيدس)
و المرسيدس تعتبر إستثناء فى هذه الفئة لحب المصريين لها منذ قديم الزمن

رد: العربية ديه اكيد بتطير رينو لوجان

حتى المرسيدس تعرف تصلحها عند الناس المتخصصين فيها و تلاقى أصغر مسمار ليها بسهولة مهما كان موديلها قديم.....ما هو لازم كده....مش فيه طلب..يبقى لازم يكون فيه عرض.....
كام رينو بقى ماشية فى مصر...؟؟؟؟........طبيعى جدا إن الناس إللى بيشتغلوا فيها يبقوا قليلين.....

مستنى رأى " أبو نورا" إللى كان مخليه للآخر

رد: العربية ديه اكيد بتطير رينو لوجان

اولا اشكر كل من شارك فى هذه الموضوع وده لان مشاركتم اعطت له قيمة كبيرة وابعاد متعددة لكن لا ننسى ان الهدف من الموضوع هو طرح تساؤل حول قيمة السيارة رينو لوجان كسيارة اقتصادية كما يجب ان تكون فى مقابل انتمائها الى مصنع غير ناجح فى السيارات الاقتصادية

وقد يكون من المقبول لبعض الناس اقتناء سيارة فاشلة اقتصادياً فى مقابل نجاحها فى مجال التقنية والامان كما تركز دائما دعايات رينو التى تصورها كسيارة باحدث التقنيات تسير بين العربات ذات الخيول والبغال وبالتالى تصبح خسارة القيمة فى مقابل مكسب التكنولوجيا والامان

وبالرغم من تحفظى ايضا على هذه الفرضية الا انها خارج اطار المناقشة وذلك لان السيارة التى نتحدث عنها سيارة اقتصادية فى المقام الاول ولا مجال لفوارق تكنولوجية بينها وبين السيارات المنافسة ترجح كفتها عن الباقى

ايضاً الابداع الجمالى لا يمكن ان توصف به اى سياره من السيارات الثلاثة فهم متساوين فى معايير التصميم والفروق بينهم ترجع لازواق المستهلكين

اذن المعيار الاهم هو القيمة الاقتصادية وتقاس وتقارن بالسعر المبدئى (سعر الشراء) وتكاليف التشغيل (الصيانة وقطع الغيار) وهذه كله مقارنة بالاداء والمواصفات الفنية

لماذا المعيار الاقتصادى هو الاهم
لان السيارة اقتصادية فى الاساس كما تقدم وهذه يعنى انها تصلح لاسره دخلها متوسط كما يعتبر المعيار الاقتصادى للسيارة فى غاية الاهمية وفى مقدمة اولويات من يبحث عن سيارة بالقسط او لنشاط تجارى فلا يمكن ان تمثل فوارق الاداء او التصميم الجمالى اى قيمة فى مقابل حسابات الفوائد وحسابات الربح والخسارة التجارية

تصميم السيارات الثلاثة

http://www.elgarah.net/en/elgarah/Ca...accent_500.jpg

http://www.arabic.arabia.msn.com/Ima...35-1506501.jpg

http://static1.meowns.com/item/image...3021990001.jpg

القيمة السعرية المبدئية (سعر الشراء)

رينو لوجان مانيول فول اوبشن ارخص 4% من هيونداى
وارخص 1% من لانوس
تتساوى رينو لوجان المغربية فى السعر مع هيونداى فيرنا فيفا الهندية فول اوبشن

مع ملاحظة ان تسعير السيارات الكورية المبالغ فيه رغم انها تصنع محلياً ساهم بشكل كبير فى تقليل الفارق فى السعر بين هذه السيارات والسيارة لوجان ومن المؤكد ان الفيرنا او الانوس لو تم تسعيرهم بالخصم الموقع على اللوجان على اعتبار انها سيارات محليه لكانت هى السيارات الوحيدة فى فئتها لا اقول الاولى

رينو لوجان - Renault
لوجان 1.6 Basic 2010 55900
لوجان 1.6 M/T 2010 62900
لوجان 1.6 F/O M/T 2010 66900

شيفروليه لانوس - Chevrolet
لانوس 1.5 L A/C P/S R/C 2009 66500
لانوس 1.5 LS F/O M/T 2009 69990

هيونداى فرنا - Hyundai
فرنا VIVA 1.5 F/O M/T 2009 67000
فرنا 1.6 A/C R/C P/S M/T 2009 65000
فرنا 1.6 F/O M/T 2009 68000
فرنا 1.6 F/O A/T 2009 75000
فرنا VIVA 1.5 A/C R/C P/S M/T 2009 64000

قيمة المواصفات الاساسية

قوة المحرك
Hyundai-Kia Alfa DOHC 1.6 L 103 hp 16valves
GM D-TEC Engine SOHC 1.5 L
1.6 L SOHC 95 hp 8valves
تتفوق الهيونداى النترا على السياراتين لوجان ولانوس فى قوة اداء المحرك والتى تنعكس على التسارع والقدرة على التادية بشكل افضل كسيارة اسرة هذه بالاضافة الى اتاحة الفرصة لاستهلاك متوازن لكمليات السيارة من عزم وقوة المحرك والتى تتمثل بشكل ملحوظ فى اداء التكييف واداء السيارة مع ناقل الحركة الاوتوماتيكى

نظام التعليق والفرملة والاداء العام
لا يمكن الجزم يقينا بمستوى او اعتمادية الاداء العام للرينو لوجان لحداثتها وقله انتشارها بينما يرجح الاداء العام للفيرنا على اللانوس خاصة باعتبار حالة الطرق المصرية

الامان
لصالح اللوجان حيث تم اختبارها من المنظمة الاوربية NCAP وحصلت على تقدير جيد جداً نظراً لاحتوائها على اكياس هوائية
بينما حصلت الهيونداى فيرنا على تقدير متوسط فى اختبارات السلامة الاسترالية والروسية وحصلت الانوس على تقديرات اقل من المتوسطة

سعر اعادة البيع
سبق بيانة بالامثلة والارقام فى بداية هذه الموضوع وباختصار يمكن ان نقول
ان السيارة لم يتحدد تماما ملامح تسعيرها فى سوق المستعمل وخاصة بسبب عدم انتشارها الكبير وبسبب وجود نوعين منها الرومانى والمغربى مما جعل تقدير سعرها حالياً يتسم بالتفاوت
من المعروف ان جميع سيارات رينو الاكثر قيمة تفقد قيمتها السعرية بشكل كبير وسريع مقارنة بالسيارات الاسيوية مثلا
من المنطقى ان يتحدد سعر اعادة البيع بناء تكاليف الصيانة وقطع غيار السيارة وهو ما سيتم توضيحة لاحقا

تكاليف التشغيل
(قطع الغيار والصيانة واستهلاك الوقود)

اولا قطع الغيار الاستهلاكية
بناء على قائمة اسعار التوكيل للرينو واسعار توكيل الهيونداى هنلاقى
رينو لوجان طقم شمعات احتراق بوجيهات 88
هيونداى فيرنا 60 جنية فى التوكيل وبعد العرض الحالى بقى ب 40 جنية

رينو لوجان فلتر هواء محرك 60
هيونداى فيرنا 45 جنية وبعد العرض ب 28 جنية

رينو لوجان فلتر بنزين محرك 60
هيونداى فيرنا 67 وبعد العرض ب 40 جنية

رينو لوجان فلتر زيت محرك 30

هيونداى فيرنا 30 جنية بعد الخصم ب 18 جنية

رينو لوجان سير دينامو 90
هيونداى فيرنا 53 وبعد الخصم بقى ب 32

رينو لوجان طقم سير كاتينة 295
هيونداى فيرنا 235 وبعد الخصم بقى ب 150

رينو لوجان طقم تيل فرامل امامى 225

هيونداى فيرنا 185 وبعد الخصم 150

اسعار قطع الغيار الاستهلاكية
يعنى فى الاجمالى اسعار اللوجان اغلى فى الحاجات الاستهلاكية وتصل مرة ونص او مرتين اذا قارنا بين اسعار قطع الغيار الكورية بعد التخفيضات او من خارج الوكيل مقارنة باسعار الوكيل لرينو

توفر قطع الغيار
توفر قطع الغيار محدود بالوكيل ووارد ان متبقاش فى حاجات فى الوكيل بالنسبة للرينو
وفى المقابل الفيرنا قطع غيارها فى الوكيل وفى مراكز الخدمة المعتمدة وفى المحلات والسوبر ماركت

اسعار قطع الغيار المعمرة
اما اسعار الصاج فهى خرافية ومتخيل برضو ان اسعار قطع غيار العفشة او الموتور هتبقى خرافيه برضو
وده معناه ان فى حالة الحوادث لا قدر الله تكاليف تجديد الللوجان هتبقى اغلى بكتير من تكاليف تجديد الفيرنا او الانوس

تكاليف الصيانة الدورية والاصلاحات
اقل واكثر منافسة من حيق العروض لصالح الفيرنا والانوس عن اللوجان

توفر مراكز الخدمة المعتمدة والغير معتمدة
مراكز الخدمة المعتمدة لهيونداى او شيفرولية اكتر وكذلك المراكز الغير معتمدة

استهلاك الوقود ونوعيتة
يكاد يكون متساوى مع اختلاف تقنيات المحركات ويترواح مابين 240 - 270 كم فى الصفيحة (20
لتر )

اما بالنسبة للنوعية فيجب نظرياً استخدام وقود خالى من الرصاص 92 فى جميع السيارات الا ان طبيعة تصميم محرك الهيونداى فيرنا ونسبة انضغاطة تجعل استخدام بنزين اقل من 80 يؤثر بشكل سلبى على الاداء بينما يمكن قبول اداءه فى الانوس

ومن هنا نخلص اللى ان السيارة لوجان مازالت تعانى من مشاكل رينو الاقتصادية المزمنة التى تخرجها من اطار المنافسة كسيارة اقتصادية حقيقة ولا توفر اى مبرر حقيقى لاقتنائها غير كونها مزوده باكياس هواء !!

ومن هنا يتضح لكم انه لافارق حقيقى فى التصميم الجمالى او التكنولوجيا او الجودة والاعتمادية او السمعة او الانتشار يشفع للسيارة فى مقابل فشلها كسيارة اقتصادية
الا انها مازالت خيارا لمن اراد التميز فى فئها لا تميز فيها

رد: العربية ديه اكيد بتطير رينو لوجان

الفرنساوى فاشل علشان بيخسر فى اعادة البيع يبقى زى ما شاركى قال: البى ام والفولفو والالفا روميو والاودى والسوبارو والمازدا واى عربية السى سى بتاعها فوق الالفين تبقى برده فاشلة. للعلم فى اوروبا -عن تواجد شخصى فى اربع دول- السيارات الفرنسية خاصة الرينو والستروين مالية شوارع اوروبا وده طبعا لانهم دول نامية وشعوب متخلفة ومبيفهموش فى العربيات فبيشتروا عربيات فاشلة. للعلم فى اوروبا بيبقى فرجة المدينة كلها اللى ماشى بعربية كورى و غالبا دول اللى بياخدوا اعانة بطالة هناك. يعنى لو مثلا (مجرد مثل للقياس وليس فعلى)لو حد ممكن يركب اللوجان وراح يشترى لانوس بيفتكروا انه جراله حاجة فى مخه. وللعلم برده اليابانى هناك قليل وانسى خالص اللانسر دى انك تشوفها وانا بقول اللانسر لانها بمقاييس اخونا ابو نورا تعتبر من انجح السيارات فى العالم بسبب انتشارها وسعر اعادة بيعها فى مصر.
بالنسبة للخليج الفرنساوى مش محبوب هناك لان معظم الشركات الفرنسية مش بتنزل سيارات بمواصفات خليجى ولو نزلت بتبقى باسعار غالية جدا.

روح يا ابو نورا امريكا وشوف افضل العربيات الامريكانى بتتباع مستعملة هناك بكام !!!!!!!!!! ببلاش اسعار فى الارض!

المشكلة يا ابو نورا ان العالم كله بيشترى السيارة على انها سلعة استهلاكية واحنا بنشتريها على انها سلعة استثمارية زيها زى الارض والعقارات والدهب. وفى الحالة دى فى اعتبارات كتير بتدخل مش جودة السيارة واعتماديتها. للعلم الرينو والبيجو هما افضل عربيتين اشتغلوا تاكسى فى مصر وعاشوا عقود بينحتوا فى شوارع المحروسة هل ده برده لانهم سيارات فاشلة؟ للعلم اللوجان اللى مش عاجباك دى هتقضى تماما على اللانوس والفيرنا وفى وقت قصير لان اللى بيركب اللوجان ويخرج منها يركب الكورى بيحس كانه نزل من باريس وراح بولاق ابو العلا. وشكرا