رد: اسأل و استشير (السيارات الكوريه واليبانيه) , م . محمد عبد الجواد
 

هو فعلا فيها لمبه زى الحيتس . بتنور عند ارتفاع درجة الحراره عن 100 درجه

رد: اسأل و استشير (السيارات الكوريه واليبانيه) , م . محمد عبد الجواد
 

كل لما ارد على حضرتك والله ردى مش بيظهر . ومش عارف اشمعنا انت
اسف جدا . ممكن تتصل بيا وانا هافيدك انشاء الله . وربنا يقدرنى
01210555631

رد: اسأل و استشير (السيارات الكوريه واليبانيه) , م . محمد عبد الجواد
 

بخصوص سؤال لمبة درجة الحرارة في نيسان طني 2014 يعني مفيش مؤشر يوضح ارتفاع درجة الحرارة وازاي اعرف ان درجة الحرارة بترتفع وشكرا جزيلا ع ردك

رد: اسأل و استشير (السيارات الكوريه واليبانيه) , م . محمد عبد الجواد
 

السلام عليكم يا بشمهندس
بصراحة انا عايز رايك في السيارات التالية من حيث العيوب والمزايا :
1- هوندا سيفيك 2009
2- لانسر شارك 2008 او 2009 وايه الفرق بينها وبين البومة 2006-2008
3- مازدا 3 2008 او 2009
ولو هتشتري ترشحلي ايه بالترتيب كده
واسف للاطالة

رد: اسأل و استشير (السيارات الكوريه واليبانيه) , م . محمد عبد الجواد
 

معايا هيونداى أكسنت مو 2000 أوتوماتك المشكلة: -
- العفشة انا مغيرها كلها جديدة ولكن العربية ناشفة جدا و الدركسيون تقيل بالرغم انها بور فيها هزة فى الدركسيون فىبعض الاحيان العربية بتعوم
- معدل استهلاك البنزين عالى شوية ومخنوقة فى السحب ولما أدوس فرامل العربية بحس أنها متبرجلة ولما أوصل لسرعة 80 يبقى فى اهتزاز غريب فى العربية تقريبا أنا مش عارف اوصف الاعطال
- غيرت شكمان العربية علشان الخنقة الموجودة فى العربية لكن الامور بقت مش كويسة
ملحوظة أنا باعمل الصيانة والاصلاح فى التوكيلات المعتمدة أرجو ان يكون عند حضرتك الحل

رد: اسأل و استشير (السيارات الكوريه واليبانيه) , م . محمد عبد الجواد
 

عندى رعشة على السلانسيةفى النوبيرا 2 اوروبي غيرت بوجيهات وسلوك بوجيهات وموبينة وفلاتر ولا تغيير ونضفت البوابة وغيرت من فترة حساس شكمان استيراد ززالعربيةكان حاجة بتفصل وتشتغل تانى مع انخفاض فى الار بى ام وعلو مرة تانية

رد: اسأل و استشير (السيارات الكوريه واليبانيه) , م . محمد عبد الجواد
 

مشكلة فى مارش تويوتا 2005 أتوماتيك

مشكلة مدوخانى بقالها فترة لما العربية تمشى مشوار طويل أو تلف كتير على سرعة بطيئة (زحمة البلد) وأبطل العربية لأى سبب ( أمون فى بنزينة مثلا) لو حاولت أدورها بعد كده بسرعة مبتدورش والمارش ميطلعش صوت كأن مفيش بطارية اسيبها تهدى من 3 ألى 5 دقايق تدور عادى خالص
روحت التوكيل فكو المارش وغيرو طقم الشاربان ونضفو المارش وقالو أن ده هو السبب أجرب بعد كده المشكله هى هى
يا ترى حضرتك ممكن تفيدنى علما أن الكمبيوتر ملقاش حاجة فى أى سنسور بالعربية؟
أنا لاحظت أن المروحة بتاعة الريداتير بتبقى شغالة قبل ما أطفى العربية وتحصل المشكلة (بس ده طبيعى لأنها بتكون عاملة مشوار سخن) هل ممكن يكون ده السبب؟