رد: كل شئ عن سيارات اسبيرانزا CHERY SPERANZA M11 , M12
 

بالنسبة لتقل الفتيس
لازم يكون زيت الفتيس 75w-90
بيتفك الكفر اللى تحت العصايا وبياخد شوية شحم على البيضة والاتياش
كمان ممكن تاخد هواء من دورة الدبرياج (ليها مسمار هواء عند الموتور )
وحاول تدوس دبرياج للاخر عشان الغيار يجى مستريح

رد: كل شئ عن سيارات اسبيرانزا CHERY SPERANZA M11 , M12
 

يعنى انتم يا جماعة شيفين ان استهلكها للبنزين كده كويس..!! وطمنونى على اخبار العربية معاكم و ايه رايكم فيها بصراحة من حيث مميزتها و عيوبها عشان كنت بفكر اجبها بس لسه محتار شويه.

رد: كل شئ عن سيارات اسبيرانزا CHERY SPERANZA M11 , M12
 

بصراحة يا ramy العربية لحد دلوقتي بعد 500 كيلو سواقة ممتازة جدا جدا
بس اقرب مشوار سفر خلال شهر ابريل هسافر فيه هقولك علي نظامها في الطرق السرعة لان ما شاء الله داخل القاهرة فيها نعومية وثبات الصخرة وصاجها محمل محمل ويبان من الكبوت لما ترفعه لفوق وتنزله البوور بتاع الدريكسيون ملبن بعجوة بصراحة وبالنسبة للبنزين تعتبر ممتازه لموتور 1600 بس انا لسه بلين والموتور مش مظبط لسه يعني مقفول لسه بعد صيانة الالف هيتفتح الموتور والعفشة تكون طبعة وخفت والانجكشن يكون اظبط علي الجهاز بعدها هقول البنزين بالظبط فيها عالي وله كويس بدقة اكثر
بالنسبة للشراء عربية ممتازة لان لو قرأت اول مشاركة في الصفحة رقم 1 وتابعت المشاركة بالترتيب هتعرف اني اشتغلت علي العربية ده مع الايمجراند لمدة شهرين مقارنة ومتابعة واسئلة في النت واصحاب السيارة اللي كانت معاهم وباعوها واللي لسه معاهم العربية وركبنها مستبتش باب ما خبطتش عليه وفي الاخر توكلت علي الله واللي اقتنعت بيها جبتها الحمد لله ( ام 12 )

رد: كل شئ عن سيارات اسبيرانزا CHERY SPERANZA M11 , M12
 

بالنسبة للعيوب لحد دلوقتي مشفتش عيب او ماظهرش عيب بمعني ادق واوقع بس الموديل الجديد ده 2014 ديما في الصيني الموديلات الحديثة هي افضل اختيار لان العيوب بتاعت الموديلات السابقة بتكون تم مكعالجتها عند التصنيع صدق واقتنع الصين بتابع شغلها ومنتجاتها اكثر من اي حد وبتدور علي الافضل والاحدث ديما علي فكرة عندي صحبي مصري مقيم في الصين من 15 سنة فاتح مكتب استيراد وتصدير في كونزو بيقول ديما لو هتسأل علي حاجة في الصين اقصي مدة للرد عليك 24 ساعة لان كل يوم في جديد في الصين يعني كل طلعت شمس معها تطوير وتحديث
وده كلام اللي ركبين ام 12 او 11 من اول انتاجها 2010 تقريبا لحد 2013 كلوا بيقول في تعديل وكل موديل عيوبه مش موجودة في الموديل اللي بعده يبقي لما اجيب موديل السنة متهيلي نسبة العيوب والمشاكل بتقل بدرجة كبيرة جدا عن اول انتاج للمنتج وعن الموديل الثاني والثالث صح

رد: كل شئ عن سيارات اسبيرانزا CHERY SPERANZA M11 , M12
 

وده بصراحة اللي خلاني ابعد عن الايمجراند لانها اول انتج علي الرغم مننسبة الشكر والتقارير الايجابية سواء علي النت او من اصحاب معارض السيارات او من اصحاب العربية نفسها يعني تصل الي 85 % فأكثر علي انها عربية ممتازة مع كامل احترامي لكل ده لكن اثبتت التجربة العملية بأن المنتج الصيني في اول انتاج له او موديل بيكون بطيخة يا حمرة يا مش حمرة
وده اللي حصل في الاسبرانزا 516 في اول ظهور لها لحد اخر موديل منها
لذلك فكرت في عدم المغامرة مع الاخذ في الاعتبار ان الايمجراند مانيول ومفهاش اي زيادات في الاوبشن عن ام 12 غير السنسيور بارك وطول الايمجراند اكبر شوية واوسع شوية في الصالون يعني نسبة وسع بسيطة

رد: كل شئ عن سيارات اسبيرانزا CHERY SPERANZA M11 , M12
 

ربنا يباركلك فيها
اناكنت سمعت وقف التصدير
هيا عاملة كام الان

رد: كل شئ عن سيارات اسبيرانزا CHERY SPERANZA M11 , M12
 

سعرها 83000 جنيه