رد: إستشارة من خبراء الميكانيكا فى سبرانزا 516
 

بوجيهات بوش 3 شمعه الروسي
دي اللي بتركب في مواتير اسبرانزا 1600
حضرتك عندك مشكله في سلوك البوجيهات او الموبينا

رد: إستشارة من خبراء الميكانيكا فى سبرانزا 516
 

سلوك البوجيهات جديدة غيرتها مع تغيير طقم البوجيهات الأولانى لأنى لقيت السلك رقم واحد القصير مفصول قطعته المعدن اللى بتركب فى صامولة البوجيه فأشتريت طقم جديد وغيرته وفعلا فى تزامن منطقى بين المشكلة وتغيير السلوك (سأبحث فى هذا الموضوع وأوافيكم بالنتيجة إن شاء الله).


بالنسبة للموبينه فهى لا تسخن ولكن على العموم بعد التأكد من موضوع الكابلات سنبحث فى الموبينه إذا لم تحل المشكله.

دعواتكم.

رد: إستشارة من خبراء الميكانيكا فى سبرانزا 516
 

مادام العربية بتدور تمام بعد 5 - او 6 مرات ان شاء الله المشكلة في الاتي :-
1- غير الريلاي بتاع الكنترول وان شاء الله يحل المشكلة - ملحوظة : غيره سواء حل المشكلة او لا لانه بيسبب مشاكل كتيرة
2- مشكلة في حساس درجة حرارة المياه
3- الطلمبة والفلتر
من الواضح ان حضرتك بقالك كتير في المشكلة - حط العربية علي الكومبيوتر عشان ممكن يوضح المشكلة فين بس غير الريلاي الاول وان شاء الله تتحل المشكلة
وان شاء الله خير
والله اعلي واعلم

رد: إستشارة من خبراء الميكانيكا فى سبرانزا 516
 

ممكن التوضيح ايه هو الريلاي بتاع الكمبييوتر
ومكانه فين بالضبط ووظيفته

رد: إستشارة من خبراء الميكانيكا فى سبرانزا 516
 

الريلاي العمومي - هتلاقيه في علبه الفيوزات - الكهربائي هيعرفه بسهوله وتغييره بياخد ثانيه واحده - وخلي بالك القديم مترمهوش لانه بيتنظف ويشتغل تاني فخليه استبن معاك
وخليك مع البوجيه ال3 شمعات

رد: إستشارة من خبراء الميكانيكا فى سبرانزا 516
 

النهاردة ركبت البوجيهات 3 شمعه

وغيرت طقم سلك البوجيهات كمان

فكيت الريلاى (رقم واحد) ومكتوب عليه Igination Relay

وحاول أغيرة بس مش عارف هل هلاقيه عند بتوع الإكسسوار ولا فين؟؟؟

الطلمبه أعتقد إنها سليمه لسببين:
1- بسمع صوت الزنه بتاعتها عادى جدا قبل الدوراة
2- بمشى على البنزين والعربية عادية جدا فى السحب ومش بتقطع

فلتر البنزين جديد لسه بقاله حوالى شهر

وكذلك فلتر الهواء

وهنشوف الصبح إن شاء الله

رد: إستشارة من خبراء الميكانيكا فى سبرانزا 516
 

قصدك الخراطيش الكبيره الموجوده في علبه الفيوزات
حضرتك عندك اسبرانزا 516
يعني المعلومه دي عامه في كل العربيات
ولاخاصه باسبرانزا