|
رد: بسرعه من فضلكم بخصوص اوكتافيا 1.4 تيربو الشكل الجديد
طيب انا عايز اقترح عليك حاجة .... معروف طبعا ان اسعار العربيات في الخليج رخيص جدا لا يساوي حتى نصف سعر نفس العربية في مصر ... طب ايه الحال بالنسبة لل bmw .. انا رايي لو السعر قريب بين الاسكودا الجديدة و اي حاجة bm تجيبلك حاجة bm و تنزلها بالمرة حتى تبقى حاجة تستاهل العناء و على حد علمي ان ماركة العربية مش هتفرق في الجمارك و ان اللي بيفرق سعة الموتور .. اه صحيح طب ده ينبهنا لحاجة .. اظن كده الجديدة هتبقى احسن لك في الجمرك لانها 1400 و لا ايه؟؟ انا مش متاكد يعني ؟؟ طب هل سالت حد ليه في الجمارك على اساس ايه بيتحد جمرك العربية؟
|
رد: بسسرعه من فضلكم بخصوص اوكتافيا 1.4 تيربو الشكل الجديد
اقتباس:
غباء يا اخي .. العربية اللي ساعد على انتشارها انها عربية كويسة و كان سعرها مناسب و يساوي قيمتها مش عشان هي عربية خرافية ولا حاجة طب ما هو فيه عربيات كتير احسن منها بس سعرها مش منا سب ... لما يرفع سعرها بالمنظر ده مستحيل تحافظ على انتشارها .. و ليه ؟؟؟ طب ما يبيع كتير و يكسب قليل بدل ما يكسب قليل و يبيع كتير و بعدين لو عربية انتشارها قطع غيارها مش هتتو فر و هتغلى و انتشارها يقل اكتر لحد ما تختفي و على فكرة في صحوة في السوق المصري و الناس بدات تتجه للاوروبي و تنوع و من غير خوف من المجازفة و بدانا نشوف عربيات تانية كتير محترمة بدات تنتشر و الوكلاء بدأوا ينزلو عربيات محترمة باسعار معقولة و عروض تسويقية و اظن انه فيه محاولات لتكرار تجربة الاوكتافيا و لو ان اللي بيحصل في الجنيه ده مش مساعد .. بس اظن ان الاوكتافيا بالسعر ده في مصر مش هتنافس |
رد: بسرعه من فضلكم بخصوص اوكتافيا 1.4 تيربو الشكل الجديد
انا شاكر لكل اللي رد عليا بس فيه ملاحظه ان اسعار السيارات في الخليج مش رخيصه زي ما البعض فاهم الاوكتافيا الشكل القديم 1.6 كامله ب حوالي 82000 درهم اماراتي = 156000 جنيه بالاضافة الي جمركها حوالي 95000 جنيه يبقي الاجمالي 251000 جنيه تقريبا انا بس حبيت أوضح المعلومه .
و كذلك الحال للسيراتو الشكل الجديد و الرينو فلوينس السعر قريب من الاسعار في مصر حسب مواقع مصريه كا كونتاكت كار انا لسه محتار برضه اشتري الشكل القديم 1.6 اوكتافيا و لا انتظر الشكل الجديد و ده هاينزل في ابوظبي علي شهر أغسطس و سعره اعلي شويه من القديم و اللي نزلت مصر دي اسمها رابيد و ليس فانتازيا كما تسموها في مصر و انا ملاحظ اختلاف الأراء علي موضوع البنزين المستخدم يرجي الافاده بالخبر اليقين و ليس بالتوقعات من فضلكم ساعدوني فانتم الخبراء في مصر هل الشكل القديم احسن و أميز و شغال في مصر و لا لأ |
رد: بسرعه من فضلكم بخصوص اوكتافيا 1.4 تيربو الشكل الجديد
الاختيار لحضرتك
يا إما تستنا الشكل الجديد وتشتريها وساعتها هتضحي بسهولة الصيانة وقطع الغيار يا إما تشتري الشكل الحالي 1400 وهضحي بسهولة الصيانة برضه علشان الTSI صيانته مش سهلة يا إما تشتري الشكل الحالي 1600 وساعتها هتضحي باداء العربية فقط بس في مقابل كدا سهولة صيانة وتوافر قطع غيار المحرك باسعار معقولة |
رد: بسرعه من فضلكم بخصوص اوكتافيا 1.4 تيربو الشكل الجديد
شكرا للاخ sheriabden بس مش فاهم الجزئية الثالثه بخضوص 1600 تضحي بالاداء و اما الشكل الحالي 1400 فهو للسياره اوكتافيا برايد و ليس فانتازيا اللي لسه منزلش . ارجو التوضيح
|
رد: بسرعه من فضلكم بخصوص اوكتافيا 1.4 تيربو الشكل الجديد
نقاط بسيطة
اولاً الاوكتافيا ال 1600 إدائها ممكن يتحسن جامد فى السحب بتعديل سوفت وير ECU maping ثانياً الموتور ال 1400 TSI التربو والمحركات الصغيرة المزودة بشواحن تربو عموماً هتبقى هى المستقبل لانها اكثر اقتصادية وتوفيراً للوقود وتقليل الانبعاثات والحاجات ديه فى منتهى الاهمية فى الاسواق بره خاصة الاوروبية ومع انتشار الموتور فى كل موديلات مجموعة فولكس (جيتا وجولف وسكودا وسيات ) هيبقى له قطع غيار اكتر وهيبقى له متخصصين صيانة اكتر وان كان دلوقتى بقى الشغل فيه عادى برضو مش عقدة اوى فانا نصحيتى تستخير ربنا وتتوكل على الله وتجيبها عربيه محترمة وليها قيمتها هنا فى مصر ويوم ما تفكر فى بيعها هتلاقى قيمتها فيها |
رد: بسرعه من فضلكم بخصوص اوكتافيا 1.4 تيربو الشكل الجديد
اقتباس:
بخصوص موضوع الشكل الحالي انا قصدي على الفانتازيا 2013 بس مش الشكل الجديد |
| الساعة الآن 03:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017