|
رد: هتجن :استهلاك البنزين صدمنى !!!
انا يا جماعه زودت الزيت لانه كان ناقص شويه
وامبارح زودت الكاوتش وظبت الهوا على 35 واكتشفت ان الاربع فرد كانوا أقل من 20 هل ده يكون ليه دور كبير فى الأستهلاك ده ؟ |
رد: هتجن :استهلاك البنزين صدمنى !!!
طبعاً نقص الزيت
وفرق مقاس الكاوتش الكبير له اثر كبير على استهلاك الوقود ولكن هذا لا يمنع من خطوة اجراء الفحص التى اوصى بها الاعضاء الكرام سابقاً |
رد: هتجن :استهلاك البنزين صدمنى !!!
اقتباس:
انا دلوقتى ظبت الزيت والكاوتش وهبطل اسخن العربيه كتير عالفاضى مع تغير طريقه سواقتى وهستنى اشوف الشهر ده البنزين هيعمل معايا قد ايه لو حصل فرق كويس يبقى الحمد لله لو المشكله فضلت موجوده والاستهلاك برده عالى ساعتها هتطر أسفا انى اروح للميكانيكى وطبعا هقوله على كل الحاجات اللى الأخوه الاعضاء اتكرموا وقالوها والحمدلله الواحد كده بقى عنده فكره ويقدر يتكلم مع الميكانيكى ويحسسه انه فاهم بجد شكرا لكل الاعضاء المحترمين اللى مش بيبخلوا بكلمه ولا معلومه على حد |
رد: هتجن :استهلاك البنزين صدمنى !!!
اقتباس:
لما ترجع للموضوع اللي قلتلك عليه ده: "30 نصيحة للتوفير في الوقود" هتلاقيه بيقوللك إن نقص 3 PSI من الكاوتش بيزود استهلاك البنزين 10% يعني على كلامك... استهلاك البنزين زايد مش أقل من 40% بردو لو كل تنقلاتك جوه البلد في الزحمة على طول.. يبقى مبدئيا كده فيه زيادة في استهلاك البنزين ممكن توصل لحد 45% يعني تقريبا كده... الاستهلاك عندك زايد عن المعدل الطبيعي بحوالي 90% بدون أي مشاكل ميكانيكية في العربية!!! ... |
رد: هتجن :استهلاك البنزين صدمنى !!!
اقتباس:
وانا فعلا قريت الموضوع بتاع حضرتك واستفدت منه وبحاول انفذ اللى مكتوب فيه |
رد: هتجن :استهلاك البنزين صدمنى !!!
انا يا جماعه روحت للميكانيكى الاسبوع ده وقولتله عالمشكله غيرلى حاجه كده صغيره عامله زى الفيشه تقريبا اسمها tbs دى بيدخل فيها فيشه كده قالى المفروض لما نشيل الفيشه منها المكنه تتهز ويحصل خلل ولما نركب الفيشه تتظبط الاول قبل ما يغير ال tbs لما كانت موجوده القديمه كان لما بيشيل الفيشه دى المكنه مش بتتهز ولا كأن حاجه أتشالت قالى كده دى مش شغاله وطبيعى انها تأثر على أستهلاك البنزين وغيرها
دى صوره الtbs تخيلوا البتاعه دى ب250 جنيه ! http://im40.gulfup.com/HjfRw.jpg والمكان اللى البتاعه دى راكبه فيه هوضحه فى الصوره التانيه شايفين حضراتكم الخرتوم العريض اللى فى يمين الصوره دى الميكانيكي فكه وبعدين ظهر المكان اللى انا عامل عليه دايره حمره فكه وطلع منه الtbs اللى غيرناه وكمان المكان اللى بيركب فيه الtbs ده نضفه بالبنزين وعشان اوضح اكتر المكان ده جنبه حاجه زى دراع اللى هيا ممكن بتحركه تدوس بنزين وانت بره العربيه من غير ما تدوس عالدواسه ودى صوره توضيحيه : http://im32.gulfup.com/lLwys.jpg معلش انا عارف انى بتكلم بطريقه غريبه بس اصلى معنديش فكره عن الميكانيكا اوى وادى الواحد بيتعلم المهم هل حضراتكم تعتقدوا ان كده المشكله اتحلت بحتة البلاستكه اللى تسمى tbs دى مش عارف انا مش مقتنع ! |
رد: هتجن :استهلاك البنزين صدمنى !!!
إن شاء الله تجد مشكلتك تم حلها على خير
|
| الساعة الآن 12:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017