رد: عايزة عربية لقطة تعبت بجد
 

متشكرة جدااااااا لحضرتك تم الاتصال بصاحب العربية وقال العربية رشة برة بالكامل بالسقف ودي حاجة شككتني في العربية ليه رشة سقف لان في ناس قالولي رش السقف دة يعني احتمال تكون قالبة وانا قلقانة
وكمان في حاجة الراجل قال هي لو مكنتش رشة كله بالسقف مكنش سعرها يقل عن 45 طب لما هو مدرك للنقطة دي ليه رش السقف؟ وهو عارف انه هينزل من سعر العربية بصراحة العربية عجباني جدا ومحيراني في نفس الوقت وانا خبرتي طبعا زيرو وكمان مبقتش اثق ان ممكن ميكانيكي يفحصلي عربية ويجيبلي اخرها وخايفة جدا اخد حاجة كانت عاملة حادثة قبل كدة ومرشوشة وادبس فيها ايه راي حضرتك ؟ لاني بجد محتارة ومعنديش اللي يفيدني

رد: عايزة عربية لقطة تعبت بجد
 

انا عربيتى ما كانتش رشه سقف ورشتها بالكامل علشان مره واحده واخلص
, شوفى حد يفهم سمكره وسيبى توكالك على الله :soccer_372:

رد: عايزة عربية لقطة تعبت بجد
 

فكرى انك تحطى فلوسك مقدم عربيه جديده وتخلصى بقه
البى واى دى الصينى اثبتت وجودها هى والفيرنا
وربنا يوفقك للخير

رد: عايزة عربية لقطة تعبت بجد
 

انا عندي مشكلة كمان اني مش عندي حد معايا ييجي يشوف العربية دايما فلما بروح لوحدي اشوف عربية بحس اني مليش لزمة ومش بحب اتقل علي حد ييجي معايا وجوز اختي اللي بخده معايا لو لما بقوله عربية رشة كلها بيعقددني فيها وبيكون مش متحمس ليها وانا مش عايزة اتقل عليه

الجديد انا مش عايزة اجازف لاني مبتدئة بردو وخايفة من نفسي وكمان والدتي مش مقتنعة بردو ولها نفس وجهة نظري والقديم لغيت التفكير فيه ايا كان عشان كدة لبدور علي حاجة وسط يارب الاقي

رد: عايزة عربية لقطة تعبت بجد
 

إقتراح يمكن يعجبك :
فكرتى فى ( فيات سيينا ) ؟؟
على فكرة ممكن تلاقى منها موديل 2008 بسعر 40 ألف وحالتها كويسة ..العربية سمعتها كويسة مش وحشة ...فكرى وإتفرج على صورها على النت ..أى نعم هى مش زى البيكانتو لكن مش وحشة

رد: عايزة عربية لقطة تعبت بجد
 

بصى يا اختى الكريمه
يا تشرى دماغك يا تشترى فلوسك
الجديد هاتريحى دماغك بس غالى
المستعمل مخاطره ومحتاج ان يكون معاكى ناس بتفهم ما ينفعش تروحى لوحدك بس ارخص
انتى بقه بتدورى على الوسط , وفى حالتك والله بجد اشترى دماغك فلوس الدنيا ما تسواش عطله فى الطريق او وقفه ميكانيكى

رد: عايزة عربية لقطة تعبت بجد
 

بصراحة مفكرتش اجيب فيات سيينا ومعنديش اي خبرة فيها ومعرفش عنها اي حاجة ولا شفتها من جوة قبل كدة عموما انا هدور عالنت واعرف عنها اكتر والف شكر لحضرتك للمتابعة