مصر موتورز مجتمع السيارات - ايه خطورة وضع بنزين 80 للسيارات الحديثه

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - ايه خطورة وضع بنزين 80 للسيارات الحديثه (https://www.masrmotors.com/vb/showthread.php?t=108086)

رد: ايه خطورة وضع بنزين 80 للسيارات الحديثه

شكرا علي معلومات

رد: ايه خطورة وضع بنزين 80 للسيارات الحديثه

السلام عليكم
شكرا مستر استرا علي العلومات الشديد
احب اضيف انه فعلا حوث الشراره قبل الوصول الي النقطه الميته العلى
وسبب التسقيف انه يوجد موجتان من اللهب بيتصادمو مع بعض الأولى ناتجه من احتراق الوقود المبكر ويكون اتجاهها من ناحية البستم وجدار الشميزه الى اعلي والموجه الثانيه ناتجه من الأشتعال الطبيعي من البوجيه وتكون من الأعلى الي الأسفل
ونتيجة هذا التداخل و التصادم بين الموجتان يحدث صوت التسقيف
ومن الأضرار الناتجه من التسقيف كسر البستم و قلة قدرة المحرك

http://www.smsec.com/ar/encyc/cars/images/3_7_2.jpg

واللينك ده في مقارنه بين 80 و90
http://masrmotors.com/vb/showthread.php?t=103892
يارب اكون وصلت المعلومه
والله المستعان

رد: ايه خطورة وضع بنزين 80 للسيارات الحديثه

eng/walaaeldeen

:fun_36_3_9[1]::fun_36_3_9[1]::fun_36_3_9[1]:

رد: ايه خطورة وضع بنزين 80 للسيارات الحديثه

فى عربيات حديثة مزودة بحساس تسقيف فى البلوك مسئوليته تأخير بروفايل الاشعال
و فى عربيات قديمة شوية يمكن ظبطها يدويا لدرجة اوكتان محددة بالرغم الن الصانع لا يوصى باقل من اوكتان محدد ........... زيى فيشة الاوكتان فى اللانوس يمكن ظبطها على 83 و العربية تسقيفها يقل مع 80 او ينعدم

بس يبقى السوئال : هل لو العربية مسقفتش يبقى كدا بيس ؟

لا طبعا
لان فى حاجات تانية تبوظ و بيبقى موصى بيها صراحة فى دليل المستخدم
زيى المحول المحفز الكتاليزر ......... اللى بيسموه علبة البيئة
من الاخر المادة اللى جواها حتسيح

طيب لو مفيش علبة بيئة او كان فيه و تم تفريغها ؟
هل فى حاجة تانية ممكن تبوظ ؟

حساس الشاكمان مثلا ؟

رد: ايه خطورة وضع بنزين 80 للسيارات الحديثه

فعلا فى بعض الحالات ممكن البنزين 80 يقصر عمر حساس الاكسوجين و يسيح مادة الكتاليزر
نتيجة لعدم احتراق البنزين بالكامل

بالنسبة لبعض طرق التغلب على التسقيف هو خلط البنزين
يعنى 20 لتر 80 على 20 لتر 92 يعملوا 40 لتر 86.5
دا بافتراض ان الدرجات ديى حقيقية
لان عالميا الدرجات هى
83 و 87 و 91 و 95

رد: ايه خطورة وضع بنزين 80 للسيارات الحديثه

اقتباس:

المشاركة الأصلية كتبت بواسطة mr_astra (المشاركة 842844)

والله ابدا ابدا يا جماعة
لا البنزين 80 فية شوائب ولا الـ 92 نقى

طب ادونى فرصة بس اشرحلكم وجهه نظرى بعد بحث طويل فى الموضوع دة

اولا مصر مش بتستورد بنزين من الخارج ولا حتى دول الخليج
وانما بتعتمد على الانتاج المحلى من البنزين
البنزين فى صورتة اولالى واحد الـ 80 والـ 90 والـ 92 والـ 95
اللى بيفرق بنهم هو المادة اللى بتتحط وبتدى رقم اوكتان للبنزين
يعنى البنزين فى صورتة الاولى واحد ولكن الاضافة اللى بتتحط ودى بنستوردها من الخارج هى اللى بتدى رتبة للبنزين وبتخلية اما 80 او 92
يبقى كدة شبهة النقاء والرواسب مش موجودة اطلاقا
وبكدة الاجزاء المتعاملة مع سائل البنزين هى فى امان
وهى
تانك البنزين
طلمبة البنزين
خراطيم السحب
فلتر البنزين
مسطرة الرشاشات
الرشاشات
كدة البنزين وصل لغاية غرف الحريق ودى النقطة المحورية والهامة فى قصتنا
وهنا بجد الفرق بيبان جدا بين بنزين 80 و92
عشان نتكلم والصورة تبقى واضحة
لازم نعرف ان كل محرك لة نسبة انضغاط وهى بكل بساطة
النسبة او الحجم المزاح من اول ما البستم بيكون فى النقطة الميتة السفلى وبين النقطة الميتة العليا
ولو جينا نكتبها فى صورة معادلة هانقول ان
نسبة الانضغاط = الحجم المزاح + حجم غرفة الحريق مقسوم على حجم غرفة الحريق
وكل لما النسبة دى زادت يبقى بنزين الـ 92 مناسب او الامثل ليها
تعالو ندى مثال
العربيات القديمة مثل الفيات وموديلات التسعينات كانت نسبة الانضغاط هى 8:1
فى الحالة دى احسن بنزين هو بنزين 80 وبنزين 92 هو مضيعة للمال

انما فى العربيات الحديثة اللى نسبة انضغاطها 10:1 بنزين 80 لا يصلح ليها وانما الامثل هو بنزين 92

طب اية الفرق بين الـ 80 والـ 92
هو قدرة البنزين على عدم الاحتراق المبكر تحت تاثير الضغط
يعنى نفهم من كدة ان بنزين 80 بيتحرق تحت الضغط اسرع من الـ 92
الاجابة نعم
وهو دة اللى بيعمل ظاهرة الصفع او ( التسقيف)
كلنا عارفين ان افضل توقيت للاشعال هو لما يكون البستم فى النقطة الميتة العليا او بعدها بقليل جدااااا
وفى حالة نسبة الانضغاط العالية مع استخدام بنزين 80 بنلاقى ان البنزين انفجر قبل وصولة للنقطة الميتة العليا مما يسبب قوة ضغط عكسية على سطح البستم وبالتالى يبقى البستم لسة فى مشوار الضغط ويلاقى قوة ضغط عكسية مما يسبب فى سماع صوت التسقيف

انما فى حالة استخدام بنزين 90 بيحصل الاشتعال فى المعاد المقرر والمناسب
الموضوع دة اتكلمنا فية كتير
وعشان كدة بطلب من الادارة تثبيت الموضوع
ودى اول طلب لية فى تثبيت موضوع او رد
وانا جاهز لاى سؤال

كلام مظبوط
انا معاك فى كل كلمه قولتها بصراحه وانا اقتنعت جدا
تحياتى
.
أمير الجمل

رد: ايه خطورة وضع بنزين 80 للسيارات الحديثه

اقتباس:

المشاركة الأصلية كتبت بواسطة احمد على 1999 (المشاركة 843491)

السلام عليكم
مهندس احمد علي معلش ليه سؤال هو بنزين 80 اسخن ولا بنزين 90
وما هي نواتج احتراق بنزين 80 و نواتج حريق 90
المعرف ان كلما ارتفع رقم الأوكتان زادة سخونه العوادم فالأولى ان بنزين 90 او 92 يسيح مكونات علبة البيئه وحساس الأوكسجين لأن عوادمها اسخن من
80
ولو العربيه مظبوطه سيتم حرق سواء ال80 او ال 90 بالكامل ولو مش مظبوطه سيتم حرق جزئي من ال80 او ال90 على السواء
والله اعلى واعلم
والله المستعان