المشاركة الأصلية كتبت بواسطة peter magdy (المشاركة 828731)

مع احترامى لاراء الاعضاء هنا
لكن الشعب المصرى عندة عقدة الصينى -- بمعنى ان اى حاجة صينى تبقى سيئة من غير ما نجربة و اللى زاد السمعة دى سؤ التليفونات الصينى
فى صينى دلوقتى بينافس جودة اليبانى و بسعر النص لكن المشكلة ان المستوردين بتوعنا بيستوردو اسؤ حاجة علشان السعر لان الشعب المصرى بيحب الارخص حتى لو ردئ
انا معايا العربية BYD لسة شاريها شهر 9 اللى فات
العربية ماليانة امكانيات و لو قارنتها مع اللوجان BYD هتكسبها من جميع النواحى الا ان الحاجة الوحيدة اللى تتفوق فى اللوجان انها اعلى من BYD بفرق بسيط
لكن شكل - صالون - ماتور - فرامل - جنوط -فرش -- كلة لصالح BYD
لكن ليا ملاحظات عليها ان الشنطة بتقفل برزع و فرق بين الشنطة و الرفرف و فرق فى الكابوت من جميع النواحى كان مضايقنى الاول لكن دلوقتى اتوعت علية و دا العادى بتاع العربية
و مننساش سعرها بردو بالنسبة لو اتقارنت بفئات زيها من شركات زى كيا او الانترا شوف هيبقا سعرهم كام BYD بكام و شوف فرق السعر هتلاقى ان لو لقيت عيوب بسيطة سعرها هيغطى عليها
و موفق فى الاختيار انشاء اللة

المشاركة الأصلية كتبت بواسطة sherifabden (المشاركة 829344)

انا شايف ان اللوجان افضل
وعلى فكرة العربيات الصيني كويسة مش وحشة المهم ان اللي معاه صيني يحافظ على العربية ويهتم بيها علشان تعيش معاه
واستخير ربنا اولا واخيرا
ومبروك مقدما

المشاركة الأصلية كتبت بواسطة أشرف المصري (المشاركة 830329)

مع احترامي لرأي حضرتك بس انا مش مقتنع بعمل جنسية للعربيات
طيب ما الماروتي ياباني تبقى افضل من البي واي دي او التيجو
لان جنسيتها ياباني وجنسيتهم صيني
الصين بها سيارات سيئة فعلا ولكن بها ايضا سيارات اخرى محترمة واثبتت انها افضل من سيارات اخرى منتشره ولها اسم في السوق
ارجوا من كل العقلاء ان يكفوا عن مقولة هذه سيارة صيني وهذه كوري وهذه ياباني ودعونا نزن السيارة بكفائتها واعتماديتها وسعرها والاوبشن الموجود بها .

المشاركة الأصلية كتبت بواسطة عمرو عبد الحميد الجندى (المشاركة 830440)

و مع احترامى لحضرتك و لرايك هتفضل ديه عقدة كل المصريين نوعية و جنسية العربية بمعنى انا هدفع فلوس ليه اغامر فى حاجة جديدة صح العربيات الصينى فيها ابوشن فوق الممتازة و منظر جميل و فخم بس و انا بدفع الفلوس ادفعها فى شىء ليه تاريخ و سمعة و اسم شركة و عموما لصاحب المشكلة عاوز اقولك انا كنت فى نفس الحيرة و اسقريت على اللوجان بعد بحث طويل و راى انى اجيب عربية فىها عفشة قوية و سحب ممتاز و مموفر فى البنزين و تطول معى الاستخدام و مش معقول ان رينو هتحض اسمها على عربية تعابنة و اقل كفاءة ممن فى نفس سعرها