رد: أختاروا معايا نوع الكوتش من التالى
 

طبعا رودستون ده مالوش أي تصنيف بين شركات الكاوتش المعروفة مش هقولك العالمية. أنا بسمع عنه لكنه مش منتشر.
طبعا ال 60 جنيه دول للأربع فرد هي الناس بتمشيها بلف أو ترصيص أو تركيب أو نيتروجين ب 5 للفرده الواحده و لو رحت أي محل محترم مش هيحاسبك علي الكلام الأهبل ده.
حكاية ماركات الكاوتش هتلاقي ان الشركات المحترمة كلها من ألمانيا و أمريكا و اليابان و ايطاليا و فرنسا و ممكن كوريا. الاندونيسي و التركي انتشرو عشان الأسعار رخيصة و مالهومش مكان في السباقات العالمية و لا بينزلو علي العربيات الجامدة. بما ان سيادتك مش بتجري و مش بتمشي كتير فالموضوع مش كبير بالنسبالك هات ماركة معروفة و من محل محترم و زي ما أحد الأعضاء قال لسادتك هاتو جديد عشان يعد معاك أطول فترة ممكنه.
بخصوص عمر الكاوتش الكلام اختلف. معظم الماركات بتقول متوسط من 4 ال 6 سنين لكن الماركات العالمية زي بريدجستون و ميشلان بتقول 10 سنين و طبعا لأن ده كاوتش متكلف و خاماته مختلفة و التكنولوجيا مختلفة. أنا شايف أن الاستعمال هو الأساس و الأحساس بالأداء بتاع الكاوتش و بردو نا ما روحش أجيب حاجة تركي و الا اندونيسي و أقول أخليه 6 أو 7 سنين.

رد: أختاروا معايا نوع الكوتش من التالى
 

svneleven شاكر المشاركة.... حضرتك إذن من انصار أنى اجيب مركة كويسة وحتى ولو غالية. ولكن الا تتفق معنى ان مثلا واحد بيمشى 20 او 30 كيلوا كل اسبوعين وبسرعة لا تتجاوز 60 او 70 كيلوا فى الساعة وكل حركة داخل البلد والسفر نادر. فهل يعتبر هذا قرار صائب ان اشترى فردة كوتش 600 جنية بينما هناك فردة كوتش 370 جنية؟؟

على فكرة انا سألت عند واحد اليوم عنده متشيلان بس مش فرنساوى من بلد اوربى تانى وقالى لى الفردة 580 جنية وقالى لما تيجى بس ممكن نخفض شوية.. شايفة كثير جدا طالما الكاوتش بيتغر كل 5 سنوات سواء متشيلان او حاجة اندونيسى....

رد: أختاروا معايا نوع الكوتش من التالى
 

لأ طبعا مش تجيب ميشلان أو بريدجستون و أنت مش بتجري و بتمشي قليل.
شوف الدانلوب لو سعره مظبوط و مش متخزن. ما كانش يبقي كله ينفع معاك لأن استعمالك خفيف خالص.

رد: أختاروا معايا نوع الكوتش من التالى
 

أنا برضوا رأى كدة. أنا والدى حاطط كوتش بتاع شركة النصر على عربية فيات 124 كان جايبة من 10 سنوات 190 جنية للفردة وقعد معاه 10 سنوات لحد ما اتشق نصين وهو ماشى كان لاخر الوقت النقشة باينة لانه زى حلاتى بيمشى 10 كيلوا على اقصى تقدير كل يوم وعمره ما قاد السيارة بسرعة تتجواز 50 كيلوا ومش سافر فى العشر سنوات غير يمكن خمس مرات ولمسافات تتجاوز 70 كيلوا رايح جلى...

الإستهلاك هو الحكم والحقيقة بالنسبة لى الأهم شعور الراحة فى القيادة مش عاوز اشعر بالمطبات أو نقر الطريق ويكون الإطار متماسك فى الأرض بدرجة جيدة يعنى A على الأقل إن لم يكن AA ويكون طرى ومش مهم إستهلاكه لانى بطبيعة الحال مش بمشى تقريبا.. والأهم انه يكون رخيص ولكن مش لدرجة أنه يكون صينى... انا حاليا بحاول ارسى على واحد دانلوب جنوب افريقى،، أو GT الأندونيسى أو ماكسيس التايلندى...

1- فى سؤال أطرحة على الكل الأن.. انا عارف أن فى إطارات بتكون تيوبلس يعنى مش بيكون فيها كوتش داخلى وبتتلحم بالخابور. وفى إطارات مش بتكون تيوبلس وبنشترى ليها كوتش داخلى بحوالى 25 جنية. أنا لما سألت على الكاوتش مجاش فى بالى اسال إذا كان الكاوتش تيوبلس أو لا والتاجر نفسه مش أشار لهذا فهل أفترض ان كل الأنواع المعروضة الان تيوبلس؟
2- لو كان بعض الكاوتشات بتكون مش تيوبس فهل الافضل التيوبلس ام الذى يركب له إطار داخلى.
3- هل التيوبلس أغلى من العادى الذى يركب له إطار داخلى

شاكر على الرد والإفادة

رد: أختاروا معايا نوع الكوتش من التالى
 

مؤكد كل الاطارات اللي فاتت تيوبلس. خلاص الكل مركب تيوبلس دلوقتي. السعر مش هيكون فارق كتير. التيوبلس أفضل طبعا أريح و مش بيسخن زي العادي و بيوفر في لبنزين و ان كان بشكل غير ملحوظ. مشكلة التيوبلس الوحيده انه لازم يركب علي جنوط نضيفة عشان ما ينامش منك كل شوية. لحام التيوبلس مش لازم يكون خابور. لو أنت مستعجل الحم خابور ل مش مستعجل فيه لحام مكواه عادي لكن معظم الصنايعيه مش بيحبوه لأنه تقريبا نفس السعر لكن بياخد وقت و مجهود منه أكتر من الخابور اللي بياخد دقيقة واحده.

رد: أختاروا معايا نوع الكوتش من التالى
 

أمبارح لحت للتاجر علشان اعرف موديل و تاريخ الصنع لثلاث أنواع من الكاوتش علشان اختار منهم. الأنواع اللى هختار منهم هم
1- دانلوب جنوب افريقى
2- GT اندونيسى
3- ماكسيس تيلندى.

المهم خرج الماكسس بسرعة من المفاضلة لانه مكنش عندة الأربع فرد حاضرين وقال لى هنبقى نجيب بعد فترة وطبعا أنا مش هنتظر لانى عارف ان المرة الجاية لما يحيب الأسعار هتولع بسبب الدولار. فكان الأختيار بين التالى

http://t0.gstatic.com/images?q=tbn:A...k2VN2NCuGbL0dG
1- دانلوب موديل SP 6060 تاريخ الصنع 6 /2011 الكوتشة اللى ورهانى تحس ان لون الكاوتش من أسود غطيس ولكن اسود فاتح متربة شوية زى ما يكون فى مخزن مفتوح. الفردة مش كانت ملفوفة كويس والورقة الخارجية مش عليها اى معلومات تقريبا غير المقاس وأسم الشركة ومعدل السرعة وهى V85 ناقصة وراق تانى عليها زى ما يكون كان بيفرجها لحد ورجع لفها تانى

http://img.alibaba.com/photo/1111870...hampiro_55.jpg
2- GT موديل Champerio 55 تاريخ الصنع 12 / 2011 الفرق يعنى 6 شهور. الفردة تحس أنها ملفوفة كويسة والورق عليها تحس انه جديد ومكتوب عليه كل المعلومات ومكان الصنع الكاوتش لونة اسود كويس

الحاجة الملفته للنظر إنه على الرغم من أن المقاس واحد ولكن GT بالنظر تحس أنها اعرض من الدانلوب التاجر بيقول لى دة من قالب المصنع. هى الفردة الأندونيسى دى تحس أن العرض اللى بيمشى بيلامس الارض واحد ولكن فى نوع من الإنحناء بيعطى أحساس بأن الكاوتش أعرض من الدانلوب. بس بجد من المنظر تحس أن الفردة زى ما يكون عندها عضلات عن الدانلوب رغم أن المقاس واحد.

أنا فى شدة الحيرة. الواحد عقلة وقلبة من GT ولكن جيبة مع الدنلوب لان الفرق هيكون 50 جنية فى الفردة فالدانلوب 370 جنية وال GT سعرها 420 جنية. يعنى حوالى 200 وفر فى 4 فرد. زى ما قلت لكم أن نادرا ما بأمشى بالعربية وحتى لو مشيت مش بجرى وراكن فى الشارع المترب طول الوقت يعنى الكوتش جاى لبهدلة وماية كل يوم من المحال اللى بيغسل الارض كل يوم والماية تجرى تحت العربية. فى شدة الحيرة محتاج نصيحة تخلينى اعقد عزمى وأتكل على الله واختار.....:sd:

رد: أختاروا معايا نوع الكوتش من التالى
 

GT طبعا أفض بكتير بس أتأكد انها اندونيسى مش حاجة تانية وبعدين النقشة بتاعتها افضل بكتيرمن الدنلوب