![]() |
رد: مشكلة فى سيينا 1400 ارجو الرد
اقتباس:
شكرا جدا يا اخ سمير على التحليل ده ولكن انا ذكرت قبل كده انى روحت التوكيل وكشفت على العربية كمبيوتر واللى ظهر بايظ 2 بوبينة وتم تغيرهم خارج التوكيل وحساس شكمان ولسة ما غيرتوش لآنى اعرف انه مالوش علاقة بالنتشة وطقم بوجيهات اتحرقت وتم تغيرهم انا وما اعتقدش انهم كل مرة بيتحرقو جامد ولكن لتركيب البوبينة يفضل معاها طقم بوجيهات جديد اذن لو حساس البوابة بايظ كان الكمبيوتر جابه هو انا بتوقع فعلا مشكلة فى البوابة نفسها بس ايه هى المشكلة اللى فيها ؟ هل كل البوابة بتتغير ؟ هل فيها حاجة بايظة ؟ مش عارف بس انا بلاحظ النتشة ورعشة فى البوابة نفسها او من الموتور مع انى بستبعد الموتور لآن البوابة تحس كده منها انها مش بتمررر البنزين بطريقة سليمة ومع الرعشة صوت الموتور يوطى ويعلى فى وقت النتشة وعداد ال ار بى ام يبقى عند 800 ويصل الى 400 ويعلى تانى الى 800 وهكذا وفى نفس اللحظة رعشة فى الموتور والبوابة تم تنظيف البوابة من شهرين ولم تحل مشكلة النتشة وبالنسبة للنتشة بتظهر على كل السرعات وبتوضح اوى على السلانسيه وانا جايب الأول بتوضح والتانى والتالت بتقل والرابع بتقل اكتر بكتير وغالبا مش بتظهر على الرابع والخامس انا معرفش حاجة عن المشط وحالته وعلاقته بالبوبينة هل الحل انى اروح تانى للتوكيل ؟ |
رد: مشكلة فى سيينا 1400 ارجو الرد
ممكن تحل خرطوم الهواء الداخل على زور البوابه
وتشوفه قافل صح والمكنه مبطله ولا لا فوارد فعلا يكون فيه بوش فى أكس قرص البوابه ( شبه إللى بيحصل فى باب الكربوراتير العلوى لكل بيبوظ أكس باب الكربوراتير العلوى فى السيارات الكربوراتير ) ----------------------------- على فكره لما بيكون فيه عيب فى البوابه بتتغير كلها وبالنسبه لحساس البوابه فمش شرط فعلا يظهر على الإسكانر ------------------ فموضوعك حاليا إحتماله الأكبر فى البوابه ....أو حساسها |
رد: مشكلة فى سيينا 1400 ارجو الرد
لو تصور البوابه وأنت حالل خرطوم الهواء الداخل عليها من فلتر الهواء
وأنت واقف وفاتح الكبوت والمكنه مبطله هيبان شكل قرص البوابه ( قافل صح ولا موارب ومش قاطع صح على داير البوابه من الداخل ) أنا كان عندى صوره لبوابة مكنه تالفه هححاول أشوفها وأرفعهالك |
رد: مشكلة فى سيينا 1400 ارجو الرد
http://im16.gulfup.com/2012-05-23/1337768927282.jpg
دى بوابه سليمه ----------------------- http://im13.gulfup.com/2012-05-23/1337769083862.jpg ودى صورة بوابه تالفه شوفها منوره إزاى من حول القرص والنور باين من الجانب الآخر فى الأجناب |
رد: مشكلة فى سيينا 1400 ارجو الرد
اقتباس:
بس انا مش بهم كويس فى الميكانيكا المهم فيه خرطومين داخلين على البوابة وواحد راجع من الموتور الى الفلتر انا فاكر انى فيهم خرطوم بيتخلع بسهولة وخرطوم تانى اللى راجع من الموتور وداخل على الفلتر مقطوع والميكانيكى قالى مش مهم ده فى اغلب العربيات كده مالوش لازمة وسألت مهندس اللى فى التوكيل قالى هو كده بس يدخل طراب للفلتر وانا فتحت الفلتر شكله لسة نضيف لآنى لسة مغيره من شهرين ولكن انا مش عارف انهى خرطوم افكه لآنى اعرف انى بوابة البنزين اللى هى بتتفك بأربع مسامير ومغطاه بماصورة بلاستيك سودة كبيرة عاملة زى الشاكوش الكبير وموصل بيها الأكسلاتير انا مش عارف الصورة اللى انت حطيتها ديه فين فى العربية ؟ هحاول اصور العربية وهى مفتوحة الأول وشكرا للأهتمام |
رد: مشكلة فى سيينا 1400 ارجو الرد
اقتباس:
وهحددلك إزاى تتصرف وتشوف شكل بوابة مكنتك ---------------- وبشكل مبدئى أتخن خرطوم بين الفلتر والمكنه هو المقصود فصله عن زور البوابه لكى تتمكن من رؤية قرص البوابه |
رد: مشكلة فى سيينا 1400 ارجو الرد
اقتباس:
على فكرة انا العربية معايا على الخامس بتبقى عند سرعة 90 وال ار بى ام عند 3.0 هل عزم المحرك ضعف ؟ وهل النتشة السبب ؟ ولا البوابة محتاجة تنظيف بى اسبراى ؟ وديه الصورة http://desmond.imageshack.us/Himg594...pg&res=landing |
الساعة الآن 11:07 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017