|
رد: عيوب لادا 2107 ادخل فوراً
اقتباس:
وهي ان اللي معاه لادا المفروض لما يغير البيض الامامي يركب الطقم كله بيت تحتاني لأن الجوز التحتاني بيستحمل أكتر بكتيروأساسا اي واحد بتاع عفشة عارف المعلومة البسيطة دي وده بيطول عمر البيضات بصورة كبيرة جدا ثم ان انا ذكرت موضوع تربيط العفشة كل فترة للسبب ده تحديدا وبكدة هاتتلافى المشاكل نقطة الدركسيون أحب اصحح المعلومة ان العربية اساسا بتكون نازلة على الارض من المصنع وهي فيها البوش الواضح اللي في الدركسيون يعني مش حاجة مش موجودة وهاتجد على العربية لأن ده الطبيعي في اللادا وده مش عيب فيها على فكرة انا كنت فاكر انه عيب في العربية لكن لما رحت لبتاع العفشة اول مرة طلبت انه يشوف قصة البوش ده فضحك وقالي ياأستاذ لو لغيت البوش ده الدركسيون مش هايلف معاك اساسا |
رد: عيوب لادا 2107 ادخل فوراً
اقتباس:
وبكدة تكون حليت مشكلتين غلسين شوية اولهم الترموستات اللي دايما يتحرق وثانيا البطارية اللي بتستهلك بسرعة بسبب المروحة الكهربائية بس لو سمحتلي هاضيف اضافة خفيفة بتتعمل مع موضوع المروحة الكابريس ممكن تجيب مروحة امام الريداتير ( مروحة سرابنتينة تكييف) ودي بتكون رفيعة وصغيرة وتركبها أمام الريداتير مش وراه وتوصلها بالترموستات بتاع الريداتير بدل المروحة القديمة ودي استهلاكها اقل للكهرباء واساسا هاتشتغل كخط تبريد تاني في حالة ان العربية سخنت منك وانت ماشي في وسط الزحمة لأن مروحة عمود طلمبة المية بتلف بعدد لفات عمود الكرنك فطبعا وانت في الزحمة بيكون عدد اللفات قليل وبالتالي العربية هاتسخن برضو. انا عامل كدة عندي والعربية مش بتوصل حرارتها لل 80 ابدا :HAPPY_~211: |
رد: عيوب لادا 2107 ادخل فوراً
الاخوة الاعزاء
انا معايا لادا2107 منذ اربع سنوات وعيوابها بالنسبه لية كالاتى طلمبه الميه بتتغير كل سنه العربيه ناشفة ويمكن علاج دة بانك تعمل مناول للدريكسيون ودة مش غالى اى حد بتاع عفشه يقدر يعملها وبعدين لو سيادتك طويل القامه حيبقى عندك مشكله حتتطر انك تروح للسيروجى يهبط ليك قاعدة الكرسى وطبعا الابواب بتاعتها ثقيله المميزات بقى الشنطه واسعة جدا والجنبه الخليفيه برضه واسعة قطع غيارها متوافرة ومش غاليه |
رد: عيوب لادا 2107 ادخل فوراً
:HAPPY_~211: الأخوة الأعضاء والزوار والمراقبين المحترمين ياجماعة الخير : أنا معروض عليا سيارة لادا 2107 روسي موديل 2006 مكيفة عدادها ماشي 171 ألف كيلومتر ولم تعمر من قبل ، أرجو من الأخوه الأعضاء والزوار الكرام ممن لديهم فكرة أو خبرة بهذه السيارات إفادتي عن مميزاتها وعيوبها ، وماهي المواضع التي يتم التركيز عليها عند الفحص ، والسعر المناسب إن أمكن ذلك ؟ وللجميع جزيل الشكر والإمتنان :HAPPY_~211: |
رد: عيوب لادا 2107 ادخل فوراً
محدش يا جماعة لو سمحتم يفكر في اللادا دي واضح انها معمولة لسيبريا مشكلة السخونة في هذا النوع ده من السيارات ليس لها حل عفشة قوية فعلا وفي المقابل عمودك الفقري و دريكسيون حجري فعلا و حتي التوكيل مش حيفيد في حاجات كتير زي مشاكل الكهرباء والشكمان . قطع غيار رخيصة فعلا بس محتاجها باستمر اللي معهوش فلوس و عاوز عربية محترمة هي فولكس البيتل (كيفر )
امضاء ضحية عربية لادا |
رد: عيوب لادا 2107 ادخل فوراً
أنا مبعرفش سوق قوى والناس نصحتنى بالادا بس خيف من العيوب بتعتها انا ناوى اجيبها زيرو تنصحنى اعمل اية واية رأيك فى الادا 2115 وهل الادا2107
موديل 2010 فيها تطوير واية رايك انهى احسن الادا المحلى ولا الروسى |
رد: عيوب لادا 2107 ادخل فوراً
<FONT size=3><FONT face="Times New Roman">انا اشتريت لادا 2107 زيرو من الوكيل شركة الامل موديل 2009تجميع محلى – وبصراحة اخدت اكبر مقلب فى حياتى.- سيارتى القديمة 131 موديل 1979 كانت برقبتها بالرغم من انها كانت عاملة فوق 200 الف كم.ffice:office" /><?xml:namespace prefix = o ns = "urn:schemas-microsoft-comhttp://forum.masrmotors.com/ /><o:p>...NT><FONT face= بالاضافة ال عيوب السيارة التى سبق ذكرها من باق الاعضاء اضيف التالى:<o:p></o:p> - التجميع المحلى سيء للغاية بالنسبة للابواب و تقفيل غطاء الشنطة <o:p></o:p> - بعد اقل من شهر حدث تسريب للزيت من علب الزيت فوق الماستر و الدبرياج ناتج عن شرخ فى اسفل العلب عند المخرج - وذلك لان الوكيل يسخدم خراطيم فرامل بتيل من الخارج وهى غير مرنة بدرجة كافيه وتسبب شد على الصباع الخارج من العلبة و على مدخل الماستر و تسبب شرخ فى قاع العلبة او خروج صباع الماستر من مكانة وتسرب الزيت. وقد راجعت التوكيل وتم تغيير علبتى الزيت واعادة تثبيت مدخل الماستر و رفضوا تغيير الخراطيم و تكرر نفس الشئ عدة مرات . اخيرا قمت بنفسى بتغيير الخراطيم بنوع مطاط سهل الانحناء ولكن سعرة اغلى شوية لكن من يومها المشكلة اتحلت ووفرت ثمن الزيت الى بيروح فى كل مرة. حل سهل و بسيط لم يستطع مهندسى الشركة التوصل الية لان محدش عايز يفكر.<o:p></o:p> - بعد اقل من ثلاثة شهور سمعت طقطقة فى الجانب الايمن ولما رحت للتوكيل قالولى ان تم اللازم ولكن تانى يوم لقيت الطقطقة هى هى. رحت للميكانيكى بتاعى قال لى دة عادى لانهم بيركبوا نوع رخيص من البيض فى العجل وقالى امشى علية شوية وبعدين نغيرة بنوع احسن علشان التوكيل ما يتلككش عليك.<o:p></o:p> - كل مرة تروح التوكيل تعمل حسابك ان اليوم ضايع – انا بروح حوالى السعة 10 صباحا واخرج من هناك حوالى الساعة 4 دة بالاضافة الى المعاملة السيئة من مهندس الاستقبال واسمة محمد لانى لازم استناة لما يفطر ويشرب الشاى علشان يدخلنى - ولو اعترضت هتبقى عربيتك اخر واحدة تطلع<o:p></o:p> - اوعى تشترى العربية بتكييف – هو صحيح تكييف جيد لكن توزيع الهوا ردئ جدا لانة يتم تركيبة محليا فى ورشة برة المصنع بجسر السويس لكن بالطريقة البلدى وليسbuilt in زى العربيات المحترمة - لكن المشكلة فى الجزء الخاص بتحريك الاكسيراتير لزيادة سرعة المحرك عند تشغيل التكييف , حيث انة يفقد عملة فى حالة المسافات الطويلة نتيجة السخونة وعندها تجد المحرك يطفي لوحدة – فى هذه الحالة امامك حليين اما تطفى التكييف و تموت من الحر او تستخدم الشفاط فى تعلية المحرك وامرك للة فى شوية بنزين زيادة<o:p></o:p> - تنك البنزين صغير اعتقد انة بالكاد بياخد 30 لتر ان لم يكن اقل – يعنى لو رايح مرسى مطروح خلى بالك من محطات التموين لحسن تتسوح.<o:p></o:p> - العربية بتسخن لدرجة انة فى ايام الحر الشديد وفى طريق السفر على سرعة عالية الاقى برضة المروحة بتشتغل و دة بياثر على شحن البطارية<o:p></o:p> مرة تانية انصحك اوعى تاخد المقلب الى انا اخدتة لانى مسمعتش كلام اللى نصحونى http://www.masrmotors.com/vb/images/icons/great.gif واللى مصر على لادا انا مستعد ابيع عربيتى ب 45000 جنية و عوضى على اللة مع انى معملتش غير 3500 كم فقط <o:p></o:p> |
| الساعة الآن 06:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017