مصر موتورز مجتمع السيارات - تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز

مصر موتورز مجتمع السيارات (https://www.masrmotors.com/vb/index.php)

- Corolla (https://www.masrmotors.com/vb/forumdisplay.php?f=227)

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز

اقتباس:

المشاركة الأصلية كتبت بواسطة nourelatrosh (المشاركة 766985)

هي الناس مش بتحافظ علي عربياتها ليه

سماح المرة ديه و مش ناوى أقررها تانى :cry2W9:

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز

اقتباس:

المشاركة الأصلية كتبت بواسطة miam0502788391 (المشاركة 767096)

لو كل واحد سمع النصيحة دى ان شاء الله الميكانيكية وبتوع الاستيراد ومحلات قطع الغيار هيشتغلوا احلى شغل
يا باشا موتور حضرتك جديد ويستحمل ده غير انه تويوتا , لكن المواتير القديمة لازم هيكون فيها شوائب وكربون وخلوص وحرق زيت فكل ده بيأثر على لزوجة الزيت وانا فاكر لما الموتور عندى كان عايز عمرة كنت بحط زيت كل الف كيلو وكان بنزل ناقص غير ان اللزوجة مفيش
مرة أخرى انا لا انصح بتلك التجربة

عندك حق والله بس أنا مش قصدى أقنع الناس إنهم يقلدونى والله و أنا عاتبت نفسى عالموضوع و اللى عملته فى الموتور و عرفت إنه غلط كبير و اديها تجربة و عدت و عموما أسعدنى تشريفك للموضوع شكر وتقدير

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز

اقتباس:

المشاركة الأصلية كتبت بواسطة screamseko (المشاركة 767104)

يكبيييييير عربيتك عشان زيرو ربنا يباركلك فيها وعامله 50 الف حتستحمل ان الزيت يقعد كل ده ممكن مره واتنين وتلاته
لكن بعد كده انت بنفسك حتلاحظ ان اداء العربيه بقي في النازل
مع طول فترة التشغيل في ظروف الزيت اللي بيتحط فيها ده وبيفقد خواصه وهو نازل اكيد بياثر علي عمر المكنه يكفي انك بتقول انه اسود من السواد يعني الزيت اتحرق لما قال يبس !!!

الف شكر على مشاركتك فى الموضوع بس أنا عايز أوضح حاجة و هى أن لون الزيت لا يهم لأنه من أول كام ألف كيلو شئ طبيعى إنه يتحرق و يسود من الكاربون المهم فى الموضوع هو اللزوجه و عدم تناقص الزيت شكر وتقدير شكر وتقدير

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز

أنا متفق معاك تماما من ناحية إن موضوع تغيير الزيت على 3000 و5000 كيلو دي حاجة عاملاها شركات الزيوت عشان يبيعو أكتر

بس لو أنا مطرح شركات السيارات مش هضحي بسمعتي عشان زيت

لو أخدت بالك إن كتالوج العربية بيحددلك أقل نوع زيت موتور ممكن تستخدمه في عربيتك، ومحددلك كمان المسافة المتوقعة عشان تغير النوع ده بالتحديد (اللي هو أقل نوع مسموح)، فلو عايز تحط نوع أحسن فالأكيد إن المسافة اللي هتغير الزيت عليها هتزيد.

اللي كمان هتلاقيه مكتوب في الكتالوج إن الزيت لازم يتغير على مسافة أقل لو العربية بتتعرض لظروف تشغيل شاقة، وأهم حاجات مكتوبة في الموضوع ده هي السواقة في الزحمة، أو السواقة في الجو المغبر، أو المشاوير القصيرة اللي ما بتخليش الموتور يلحق يسخن، ومتهيألي مفيش عربية في مصر مش بيحصلها التلات حاجات دول مع بعض !!

المشكلة بقى إن الكتالوج مش بيقول إمتى الزيت يتغير لو العربية بتخدم خدمة شاقة !!!

لو عايز معلومات أكتر في الموضوع ده أدخل على الموضوع ده:
"قواعد اختيار زيت الموتور.. إزاي تعرف الزيت المناسب؟؟؟"

...

رد: تجربتى مع تغيير زيت الموتور بعد ما قعد 33 ألف كم و مازلت أستخدم زيت Misr1 المعدنى الأكثر من ممتاز

كتم بقى على الموضوع ده
لحسن تويوتا لو عرفت اللى انت عامله فى عربياتها ده هتسحبها منك:014FDA~117: