مصر موتورز مجتمع السيارات - صني 2012 ولا اكسنت RB

يا جماااعة ماتصلوا على النبي الأول.
هوا أولا هل كل الي رد واخد باله إني العضوة المحترمة بتتكلم على الصني الجديدة؟؟؟؟
الصني الجديدة مختلفة شكلا وموضوعا عن القديمة على فكرة.
أولا هيا ياباني آه بس التصميم هندي.
ياعني الصني القديمة في الخليج ياباني أما في مصر فا هيا مصري.
الصني الجديدة في الخليج هندي وفي مصر هتتقفل في مصر.
الماتور الجديد 1500 مش 1600 وأفتكر بكدة هما عالجوا مشكلة إستهلاك البنزين المرتفع نسبيا والي مش عالي أصلا في الموديل القديم.
بالنسبة لتوافر قطع الغيار والصيانة والكلام ده كله ماحدش يقدر يحكم عليه لأنها عربية جديدة ولسة ماتجربتش فا بلاش تحيز وآراء متشددة.
أ،ا شخصيا من ملاك الصني الشكل القديم 2010 وشايفها عربية جميلة جدااااااااا على قد متطلباتي وإحتياجاتي منها وعلى قد سعرها.
إنما مش هفتي بصراحة في الشكل الجديد بتاعها لأني ماجربتهاش.
موضوع الشكل الخارجي هيا مسألة أذواق بس أنا مش عاجبني شكل الصني الجديد خااااااالص على فكرة.
مافيش قدامك غير إنك تقارني بالبورشور والمواصفات المكتوبة والمعلنة من الوكيل بالنسبة لإستهلاك الوقود والأبعاد الكلية للسيارة وسعة الشنطة ومساحات التخزين وقوة الماتور بالحصان والعزم الأقصى ومافيش مانع من بصة سريعة على العربيتين داخل المعرض أولا ثم صلاة الإستخارة والتوكل على الله وربنا يهديكي للأصلح.