رد: سيارات حديثة..مفاهيم قديمة..قدرات محدودة
 

انت تقريباً جاوبت على كل اسئلتك من خلال نقطة واحدة قلتها وهي الإمكانيات المادية لشراء سيارة جديدة لأن فعلاً العربية سلعة استهلاكية ولها عمر افتراضي هي عبارة عن حديد بيمشي في الشارع وبيتآكل مع الزمن وعلى فكرة احنا البلد الوحيد اللي فيه العربيات بتعبيش مدد طويلة كما ذكرت زي ال 32 ومرسيدس ال 200 وحتى ال128 وبالنسبة للتحديث في العربيات فزيها زي اي سلعة تانية مثلا التلفزيون النهادره شوف شكله ايه والأول كان ايه ونفس الوقت الثلاجات شوف النهاردة التلاجات بقت ديجتال وفيها كمبيوتر النهارده الكمبيوتر دخل كل شئ يبقى ليه مش حيدخل العربيات كل الموضوع ان احنا تقريبا في حوالي 95% من الورش الصنايعيه فيها غير متعلمين عفوا في اللفظ جهلة يكاد يكونو لا يجيدو القرآة فإزاي عاوزه يتعامل مع الكارتات بتعات العربيات الحديثة دية ده المرسيدي من اول ال230 الأوتوماتيك اللي بينزل بكمبيوتر لغاية النهاردة ورش معينة اللي بتصلحة ويدوي برده بالفهلوة وعد على ايديك عدد الورش الصغيرة اللي فيها كشف بالكمبيوتر للتصليح عندنا هنا في اسكندرية اعدهملك على ايدي ما يزيدوش على 4 ورش ، فبقولك لو الواحد عنده امكانيات يشتري جديد ليه حيوجع دماغة مع الصنايعية وعمرات الموتور والبودي ووجع الراس حيشتري جديد على طول لكن زي ما قلت امكانيات مادية فقط لا غير وعفوا على الإطالة وشكر

رد: سيارات حديثة..مفاهيم قديمة..قدرات محدودة
 

التكنولوجيا الى النهارده احدث حاجه كمان كام سنه حتكون اديمه و كل الناس (الورش) بتفهم فيها و إلى بيجيب عربيه كلها تكنولوجيا هوا عارف إنه مضطر يتعامل مع التوكيل كام سنه كده لحد ماالتكنولوجيا بتاعتها تتعرف و تكون قديمه نسبياً,,
و الناس دلوقت مش زى زمان, يعنى تغيير العربيه بأه ضروره عند ناس كتير و ده الى بيحصل فعلاً حالياً, يعنى زمان الى كان بيشترع عربيه مبيبعهاش ولا بالطبل البلدى اما حالياً يلاقى الواحد كام سنه و خلاص مش طايق العربيه الى معاه و حاسس انها إدمت, والناس معظمها بيغير كلو على ادو و الدليا شوف الكام سنه الى فاتو حركه سوق المستعمل و الزيرو
اما الفنيين و الورش انا مبستريحلهمش و العربيه لسه جديده (تكنولوجيا حديثه) فى السوق حتى لو عندهم احدث الأجهزه علشان احدث جهاز مع عامل مش فاهم حيخرب الدنيا و تقول ياريتنى,,,,, لما العربيه تقدم كده فى السوق الواحد ممكن يروح للورش لكن انا بفضل التوكيل علشان فى معظم الحالات بيجيب من الآخر و بتروح مره واحده و خلاص مش كل يوم والتانى دى متعملتش و دى لسه زى مهيا و مش عارف ايه و اصل العيب فى قطعة الغيار و و و و و و الواحد يشترى دماغه و يدفع اكتر شويه و يكون مطمن

رد: سيارات حديثة..مفاهيم قديمة..قدرات محدودة
 

الموضوع ان كل زمن ولية نصيبة يعني زمان كانت الخامات زي الفل ومتينة علشان كدة طلعت لينا عربيات زي الفل زي 132 بس مفهاش اي نوع من التطور خالص ودلوقتي التكنولوجيا ليها عيوبها وليها مزاياها والعيوب ان العربية بالكتير اوي تقعد معاك 5 سنين وبعد كدة تبتدي تطلع عينك ومصاريفها تزيد وحاجات تانية كتير وبخلاف كدة سعر اعادة البيع بينخفض تماما علشان بينزل موديلات احدث باشكال احلي وامكانيات اكتر واكثر تطورا علشان كدة لازم نغير تفكرنا عن السيارات يعني بلاش نخلط بين القديم والجديد

رد: سيارات حديثة..مفاهيم قديمة..قدرات محدودة
 

شكرا لجميع المشاركين
واكثر حاجة عجبتنى وانا مقتنع بيها ان مميزات وتكنيلوجيا اكتر تساوى اعطال ومصاريف اكتر

رد: سيارات حديثة..مفاهيم قديمة..قدرات محدودة