رد: أدعو كافة الاعضاء للقراءة بعقلانية و دون هجوم بدون مبرر
 

اخى احمد انا مابزعلش اطلاقا لان الموضوع مطروح للمناقشة وانا بتكلم عن تجارب فعلا لانى املك سيارتين صينى بى واى دى و توكيلها شركة الامل بجد ناس محترمة جدا وانا جربتهم لانى عامل بيها 15000 كم ومفيش ولا شكوة من السيارة للان الا الصيانة الاعتيادية والناس متعاونة جدا وقطع الغيار متوفرة انا بكلمك عن توكيل الاسكندرية

اما السيارة الثانية فهى اكسبلوجن انا عامل بيها 1600 كم وتوكيلها طارق اسماعيل وطبعا كلنا نعرف خبرة طارق اسماعيل فى مجال السيارات وشغال فى السيارت الصينى جامد اوى وعملت صيانة الالف ومفيش اى مشاغل

فلما تكلمت عن السيارات الصينى لازم اتكلم عن تجربة لانى عارف انى بدخل بذلك حقل الغام ولا بد ان اخرج منة باقل الخسائر ههههههههههه

على فكرة انا منتظر موضوعك شوقتنى اوى علية واشكر تشريفك للموضوع

رد: أدعو كافة الاعضاء للقراءة بعقلانية و دون هجوم بدون مبرر
 

انا حشتري عربيه صيني و فئه متوسطه و فول اوبشن بسعر اقل من عربيه ياباني صغيره و هاف اوبشن
استحاله مهما كان تكون جوده العربيات دي متساويه ابدا.
لو متساويه كان الصينين زودوا سعرها ماهو مفيش حد ملاك و مافيش حد مش عاوز يكسب اكتر.
لو الكلام دة الي انت بتقولة صح يبقي محدش هيركب صيني لو الصيني دلوقتي نزل بنفس اسعار الكوري والياباني محدش هيشتري صيني لان الصيني لازم يبقي ارخص علشان اشترية يعني دلوقتي السبرانزا a113 ب52 الف والكيا البيكانتو 63 الف والهيونداي i10ب60 الف لو الاسبرانزا بنفس ثمن هذة السيارات مكنش حد اشتراها حتي ولو تحت مبدا انها صيني لية اركب صيني وهي بنفس ثمن الكوري والياباني حتي لو الجودة واحدة وسبب انتشار السيارات الصينية هو سعرها اولا لان سعرها مش كتير علي الخامات بتاعتها مثلا شوف التشطيب بتاع البرليانس الجالينا والfrv وليا تعليق علي البروتون انت اكيد مركبتش بروتون علشان تقول ان تقفيلها وحش لان انا ليا واحد صاحبي عندة بروتون واجا موديل 2006 والعربية التشطيب بتعها من جودتة ملفت للنظر مثلا الابواب المكسية بالجلد السود والبيج وعصا الفتيس المطعمة بالبانوس وفتحات التكيف من خامات عالية الجودة التابلوة شكلة مش اد كدة بس التشطيب مش اد كدة ممكن انت تكون شفت عربية متبهدلة

رد: أدعو كافة الاعضاء للقراءة بعقلانية و دون هجوم بدون مبرر
 

السلام عليكم، أتفق مع أولد مان بإن العربيات الصينية هايتحسن مستواها الفني والعربيات الهندي كمان وهاتزيد مبيعاتها، ده بحكم اكتساب الخبرات من دروس المبيعات في العالم نتيجة التغيرات الإقتصادية ونتيجة لتبدل أذواق المستخدمين، ده بينعكس تقدم في التصميم وخامات وتكنولوجيا التصنيع اللي بتؤدي إلى خفض الكلفة وبالتالي خفض قيمة السلعة (العربية)، بس أحب أضيف إن لازم ناخد على محمل الجد قدرة الدول الصناعية الكبرى على فهم الدرس القاسي اللي تعلموه من الصين في الفترة القليلة اللي فاتت. الدول الصناعية دي ممكن برضة تطور تكنولوجيا تنافس فيها رخص أثمان المنتجات الصينية بل يمكن تنافسها في السعر دون التضحية بالجودة المعروفة عن منتجاتها (الأوروبية والأمريكية). الصين بتنافس بسبب ضخامة حجم إنتاجها اللي بيعوضها عن انخفاض أسعار سلعها. أمريكا والإتحاد الأوروبي لإنهم بيطبقوا قوانين عمل صارمة تخضع لنقابات عمال فعالة، الدول دي لغاية دلوقتي مش قادرة تنافس الصين لإنها ما بتقدرش تخفض أجور العمال وتزيد ساعات عملهم بسبب قوة النقابات العمالية، بس ما نضمنش يفيض بيهم ويقولو عليا وعلى أعدائي ويشرعوا نظم عمل جديدة تحد أو تلغي قوة النقابات العمالية، أمريكا فعلا بدأت من فترة تعمل كدة والعمالة المكسيكية الرخيصة من فترة غزت الولايات المتحدة الأمريكية غير إن سوق العمل الخاص (القسم اللي مش خاضع لأي نقابات عمال) في أمريكا فيه منافسة شرسة للحصول على الوظائف والعمالة فيها ممكن تشتغل ساعات طويلة وبأجور برضة تعتبر متدنية بمقاييس أمريكا، الحكومة الأمريكية مش شكلها زعلان أوي من الحكاية دي ومش بعيد تسمح بتعميمها (أو تغمض عينيها حبتين)، الإتحاد الأوروبي الأمور فيه أصعب من أمريكا في مجال التنافس الصناعي بس برضة ما نضمنش الناس هناك تتخنق إن آجلا أو عاجلا وهي اللي تطلب التغيير، أتوقع في غضون السنين العشرة الجاية هانشوف (لو عشنا إن شاء الله) تطورات كبيرة جدا من كل أطراف الصناعة العالمية (الصين - الهند - الولايات المتحدة - البرازيل - الإتحاد الأوروبي - روسيا - كندا - اليابان - كوريا الجنوبية) ولا دولة عربية طبعا. الصيني متفوق حاليا بس برضة على حساب الجودة، ما نقدرش نقارن الصيني بالأمريكي أو الأوروبي أو الياباني. المستهلك طبعا بيقرر نسبة الجودة اللي تلزمه حسب إمكانياته المادية، بس في العموم الأوروبي والأمريكي من ناحية الجودة يكسب والصيني من ناحية السعر يكسب. رأيي خطأ يحتمل الصواب، وآرائكم صواب تحتمل الخطأ.

تحياتي.

رد: أدعو كافة الاعضاء للقراءة بعقلانية و دون هجوم بدون مبرر
 

انت فتحت موضوع مهم يا أستاذ اولدمان,
و ارجو أن تتقبل رايى بصدر رحب.
احدى الاساطير بتقول انو الصينى به درجات و مواصفات خاصة لكل بلد؟!
خطأ, و مستحيل عمليا, لأن تكلفة خط الانتاج كبيرة, و لا يمكن تصميم خط انتاج خاص لكل بلد أو منطقة على حدة!
الحاجة العجيبة فى الموضوع كله, هو من أين يأتى هذا الكم العجيب من الموديلات و الماركات الصينية, اذا كانت المانيا ذات نفسها الدولة التى يعتمد اقتصادها بشكل كبير على صناعة السيارات, ليس لديها كل هذه الموديلات؟!
هنا تكمن المشكلة الحقيقية, ان تصميم طراز ما و صناعته و اختباره و تجهيز خط الانتاج المناسب له و تهيئة الموردين للقطع المستخدمة فى صنعه, عملية تتكلف الكثير, و تأخذ وقتا طويلا, ليمر هذا الطراز بسلسلة من الخطوات التى تجعله فى النهاية مؤهلا للاستخدام الأمن,
بالطبع السيارات الصينية لا تمر بهذه المراحل, لهذا فهى غير مؤهلة للاستخدام الأمن.
و هنا بيت القصيد, و لا اعرف كيف تسمح اى حكومة محترمة بجعل مواطنيها فئران تجارب للاخوة الصينيين, و التوكيلات يقولولنا معلش اصل الصينيين فى الأول فوتولهم و كأنهم من بقية اهلنا!!!!!
الاسطورة الأخيرة تقول بأن السيارات الصينية سوف تصبح مثل الكورية و اليابانية,
هذا المعتقد الذى أصبح منتشرا بشدة, يقع فى دائرة ال"تشجيع" أكثر منه قراءة للمستقبل, فنحن عموما شعب عاطفى نميل الى نموذج ال"حصان الأسود",
لكن فى عالم الصناعة لا يوجد أحصنة سوداء, الأحصنة السوداء موجودة فى كرة القدم فقط!
شخصيا لا أرى ان السيارات اليابانية او الكورية قد بلغت مستوى يقترب من المتوسط, و لكن حتى هذا المستوى لن تبلغه السيارات الصينية, لأن تجربة الصين مختلفة عن تجربة كوريا و اليابان,
الصين تجربتها أشبه بالاتحاد السوفييتى مع الفرق, أن الاتحاد السوفييتى لم يتفلسف فى صنع سيارة "كماليات", بل صنع سيارة معتمدة على تصميم مأخوذ من صانع محترم مثل فيات, و أبقى عليه لفترة من الزمن.
الصين ليست مدعومة من الغرب و الولايات المتحدة مثلما هو الحال مع اليابان و كوريا, لذا فان فرصة التوسع محدودة للغاية, بل معدومة فى الواقع, و حدثنى عن مستوى السيارات اليابانية لولا الدعم الأمريكى اللامحدود؟!

رد: أدعو كافة الاعضاء للقراءة بعقلانية و دون هجوم بدون مبرر
 

يا جماعة قرأت كل المواضع اللى فوق بس عاوز اوضح لسيادتكم حاجة .... الصين فيها عربيات كويسه جدا جدا جدا .... بس المشكله فى الوكلاء المستوردين للسيارات بيختارو خامات رديئة علشان يوفرو فى السعر و بعدين يبيعوا السيارة بسعر غالى جدا فى مصر .... يعنى الوكيل يروح الصين يختار عربيه يقولوله العربيه هى ديه انت عاوز فيها ايه (( ناخد مثال مساعدين العربيه عندهم مثلا مساعد 10 جم و مساعد 20 جم و مساعد 30 جم يقول لهم هاخد اللى ب 10 جم )) و هكذا فى كل حاجه فى العربيه حتى الكلاكس .. مثال على كده لو انتم متابعين الصينى احدى الشركات الصينى بدون ذكر اسماء جابت شحنة سيارات شحنة سيارات وقفت فى الميناء 3 اشهر شرخت من الكشافات الاماميه علشان الشمس كانت جامده .
المثال على ذلك سعر احدى السيارات بيتباع ب 56900 جم 1600 سى سى لما تخصم الجمارك 40%و ضريبة المبيعات 25% و باقى الضرائب و مكسب الوكيل و كمان تخصم النولون تبقى العربيه بكام من هناك؟؟؟؟؟؟؟؟؟؟؟؟
و شكراptmnlo123per122