مصر موتورز مجتمع السيارات - عايز تشتري عربية ومحتار؟؟؟؟ تعالى أقوللك إزاي تختار

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: عايز تشتري عربية ومحتار؟؟؟؟ تعالى أقوللك إزاي تختار

اقتباس:

المشاركة الأصلية كتبت بواسطة abdelrahman kamel (المشاركة 699931)

عايز عربية زيرو اوتوماتيك فى رانج ال 80 الف هشتريها قسط هادفع 35 الف مقدم والباقى على 3او 4 سنوات بازن الله, مشاويرى داخل البلد, تكون عائلية أفضل, استهلاكها للبنزين معقول ومش هفكر فى اعادة البيع, الكماليات اهمها التكييف والامان, انا كان معايا شاهين فواخد على البهدلة لكنها للاسف اتسرقت من 6 شهور وفقدت الأمل فيها عشان كده مش عايز أغامر فى العربية اللى ناوى اشتريها............حضرتك تنصحنى بأيه ولك جزيل الشكر

لسه محتاجين نحدد بعض حاجات عشان ما نتوهش

* العربية العائلية ممكن تتفسر على إنها سيدان أو ميني فان... حضرتك تفضل أنهي فيهم؟؟

* الأمان دي كلمة واسعة شوية... ومن ناحية الأوبشنز بتتفسر بحاجات كتير.. بس في الفئة السعرية دي غالبا حتلاقي ABS و إيرباج بس ... ده لو لقيتهم

*لو حضرتك تفضل صناعة معينة ياريت توضحها... وغالبا في الفئة دي حتلاقي الصيني والكوري والفرنساوي (بس الصغير في الحجم)

...

رد: عايز تشتري عربية ومحتار؟؟؟؟ تعالى أقوللك إزاي تختار

أشكر حضرتك على الأهتمام أنا قصدت بعائلي تكون سيدان مش هاتشباك اما الأمان بالABS , air bag كويس قوى وطبعا فى الرانج ده زى مابتقول حضرتك الكورى والصينى والفرنساوى وانا فغلا كنت محتار بين اللوجان والفيرنا والBYD بس بعض الزملا خوفونى قوى من الأتوماتيك فى الفئة دى من العربيات ولكن انا محتاج الأتوماتك بشدة فأيه رأى حضرتك

رد: عايز تشتري عربية ومحتار؟؟؟؟ تعالى أقوللك إزاي تختار

اقتباس:

المشاركة الأصلية كتبت بواسطة abdelrahman kamel (المشاركة 701573)

في الأوتوماتك... أنا شخصيا أرشحلك الفيرنا... الفتيس بتاعها هو نفسه فتيس الماتركس... وكل الآراء عليه في المنتدى إيجابية

بس للأسف الفيرنا ضيقة... على الأقل بالنسبالي... عشان كده أفضل إنك تروح تركب العربيات اللي في دماغك عند أي أجنص وشوف ... يمكن تغير رأيك عشان حاجات تانية خالص غير السعر والكماليات

...

رد: عايز تشتري عربية ومحتار؟؟؟؟ تعالى أقوللك إزاي تختار

تسلم علي موضوع الرائع و البسيط

عموما أنا بفكر بنفس الطريقه اللي انتي شرحتها.

بأختصار أنا معايا لانسر بومه مو 2005 1600 سي سي و بفكر في التغير و التجديد في نفس الوقت.

كنت عايز رأيك في الرينو فلوينس استعمال خيفيف مش جديده مو 2010 أو 2011 مع العلم انا بحب و مستريح لما بعمل الصيانه في التوكيل و كمان قطع الفيار الغاليه مادام انها معمرة مافيش عندي اي مشكله.

تقريبا انا بمشي 1000 كم في الشهر و تقدر تقول ربعهم في البلد و الباقي صحراوي.
حدود الفلوس من 95000 الي 110000 ج ده أكيد من بعد ما أبيع السيارة اللي معايا.
أنا عارف ان الرينو بطه بلدي في البيع و كمان بتخسر كتير و قطع غيار غاليه أو مش متوفرة إلا بالتوكيل.

ولاكن انا شايف أن الفلونس فيها معظم الكماليات اللي انا محتاجها و لو اشتريتها استعمال يبقي مش هاخسر كتير و لو هي موديل جديد يبقي انشاء الله مافيش غير الصيانات الدوريه و انا كمان مش من النوع اللي بيغير عربيته كل سنه انا.

أرجوه النصيحه

رد: عايز تشتري عربية ومحتار؟؟؟؟ تعالى أقوللك إزاي تختار

اقتباس:

المشاركة الأصلية كتبت بواسطة mmmi_2005 (المشاركة 702512)

بصراحة أنا يمكن يكون رأيي مش محايد في موضوع الفلوانس ده

أنا شخصيا مش بشجع العربيات الأوربية بشكل عام... وبالأخص الفرنسية والإيطالية، وده لإن معادلة القيمة مقابل المال غير مقنعة في الأنواع دي

ولو جيت للجودة... الياباني يكسب طبعا... وحاليا الكوري على الطريق ... ومش بس كده... ده المتوقع إنه يسبقهم قريب

أنا مرة كنت باتفرج في معرض المصرية في اسكندرية، وكان بالصدفة الرينو فلوانس واقفة جنب الهيونداي إلانترا 2012... لاحظت إن الاتنين أبعادهم قريبة من بعض قوي ، ويكادو يكونوا عاملين الإيلانترا عشان الفلوانس بالذات.

http://1.2.3.4/bmi/reviews.in.88db.c...sion-India.jpg http://1.2.3.4/bmi/www.almuraba.net/...00332947_m.jpg

على فكرة... الفلوانس بتتجمع في كوريا باسم سامسونج SM3 اللي هي حاليا بديلة الرينو اسكالا في كوريا، ومش بعيد إن الرينو الفلوانس اللي بتتجمع في كوريا هي اللي بتتصدرلنا.

http://1.1.1.3/bmi/www.michelinchall...lt-Samsung.jpg http://1.1.1.3/bmi/www.autosonline.c...ung-sm3-10.jpg

أنا شخصيا أرشحلك هيونداي إيلانترا كسر زيرو في حدود الـ115 ألف، وحتلاقي فيها كل اللي انت عايزه إن شاء الله