|
رد: جهاز فحص السيارات الحديثة بالكمبيوتر
والحوار مفتوح لجميع الاراء
|
رد: جهاز فحص السيارات الحديثة بالكمبيوتر
على فكرة انا متهمتش حد ولا غلطت فى حد انا كل كلامى كان على السعر المبالغ فيه لكن لو حضراتكو شايفين ان كده عادي ويرضي ربنا يبقى خلاص..
بكرر انا كلامى على السعر مش اشخاص وربنا يوفق الجميع كلا حسب نيته |
رد: جهاز فحص السيارات الحديثة بالكمبيوتر
الموضوع مش اننا شفنا سعر على الإنترنت لجهاز بعينه فانقول يبقى تكلفة الجهاز كام
نعرف الأول نوع الجهاز أورجينال ولا مش كوبى فيه فرق بين الجهاز الأورجينال والجهاز كوبى فرق لما بتشترى جهاز ليه ضمان هنا فى مصر وجهاز ليه ضمان فى الصين وجهاز مالوش ضمان أصلاً الفروقات كتتتتتتتتتتتتتير جدا بس للى يعرف فرق لما تكون شركة الحمد لله كبيرة عندها جيش موظفين ولا واحد بيجيب ويبيع طب فرق التدريب اللى يخليك محترف على الجهاز ولا فرق التدريب الجهاز بيتغل ازاى وعيش انت بقى فرق لما تعطل فى أى وقت تلاقى البديل عالطول وتلاقى قطعة الغيار وتلاقى دعم فنى ولا تلاقى اللى ينفضلك الفروقات كتير أيها السادة وشكرا للاستفسار انا موجود فى الخدمة |
رد: جهاز فحص السيارات الحديثة بالكمبيوتر
اقتباس:
شحن ايه اللى تمنه 30 دولار - 40 دولار الكلام ده مش صح طبعاً مين اللى قال لحضرتك على الكلام ده أسعار الشحن الجهاز وزنه 9 كيلو من الصين الى القاهرة كالآتى : DHL = 4436 LE TNT = 1700 LE Aramex = 1500 LE ودى أرقام شركات الشحن للى عايز يسأل DHL- 16345 TNT - 16667 Aramex - 16996 2- تحويل المبلغ بيكلف مبلغ 50 دولار 3. الحاجة يا توصل ياماتوصلش، وانا اعرف ناس كتير حولوا فلوس ومافيش حاجة جت بس ده مش معناه ان كل الصينيين نصابين . 4. ممكن احنا نيجي نغير تيل عندك في الورشة ونحسبها سوى ونقول ان الفني بيقبض 3000 جنيه في الشهر ومصاريف الورشة إيجار 1500 وكهرباء ومياة 100 وتليفون 100 واستهلاك عدد والآت 100 يعني الإجمالي 4800 والشهر فيه 8 ساعات شغل يوميا في 25 يوم يعني 200 ساعة 4800 جنيه على 200 ساعة شغل يعني الساعة 28 جنيه تغيير التيل بياخد 20 دقيقة يعني المفروض تاخد 8 جنيه هنقول مكسب 100% يعني 16 جنيه والمفروض ان حضرتك عندك 5 أو 6 صنايعية نقسم عليهم المصاريف بس مش مشكلة ممكن حضرتك تقول لنا حضرتك بتغير تيل بكم ؟؟؟؟؟؟؟؟؟؟؟؟ يا أستاذ كل واحد أدرى بشغله ومصاريفة ومسؤولياته وطالما انه لايوجد احتكار إذا المنافسة موجودة ولو الشركات المتنافسة في مصر نقدر تنزل السعر كانت نزلته لك مستحيل ان اكثر من 7 شركات في مصر تتفق على العميل طبعا فيه فرق في الاسعار بين الشركات لكن بيكون 10 % مش من 10000 إلى 16000 حسبتك فيها حاجات كتير غلط انا قصدت بحسابات شغلك غير اني اوضح للجميع انها عشان مش شغلتي حساباتي هتطلع غلط طبعا مافيش حد بيغير تيل ب 8 أو 16 جنيه ولا على الرصيف لعربية كارو في أدغال الريف الافريقي |
رد: جهاز فحص السيارات الحديثة بالكمبيوتر
شكر وتقدير لسمارت تك علي الرد
واتمني لك كل الخير والتوفيق ان شاء الله اتمني الخير لكل من يشتري الجهاز وعشان كده انا مش ضد انه يتباع مش 16000 الف لا يتباع بـ 20000 بس في المقابل خدمات ما بعد البيع تكون فعلا متوفرة وحضرتك عارف ان معظم الناس بتبيع الجهاز وشكرا - طبعا التدريب والدعم الفني بفلوس بس لو فعلا دا موجود عايز اقول لحضرتك حاجة - الجهاز اللي خدناه كمثال فوق (جهاز اللونش) - كل الفنيين وللاسف المهندسين بتستعمل حوالي من 15 الي 20% من امكانياته ودا دليل لعدم وجود تدريب او دعم فني - قدرات الجهاز دا قوية جدا - واسف اني اقول الناس اللي بتبيعه في مصر نفسها متعرفش امكانيانته - وهي دي المشكلة اني بدفع فلوس كتير في حاجة انا مبعرفش استخدمها ولا اعرف امكانيتها - والله العظيم انا لا اقصد الاساءة لاحد لكنها الحقيقة - وعشان كده انا بنصح بشراء الجهاز من الخارج لتوفير النفقات الاخري - تدريب قوي ودعم فني من اشخاص محترفيين وليس هواه + ضمان حقيقي يساوي اكثر من 10000 من وجهه نظري --- مثال: كورس علي الجهاز دا علي سيارة واحده فقط ياخد اسبوع كامل تدريب نظري من 8 صباحا الي 6 مساءا منهم 16 ساعة عملي (علي سيارة واحده فقط ) تدريب قوي + دعم وضمان = اسم قوي للشركة + ثقة + نسبه مبيعات عاليه + مكسب كبير وطبعا كل الناس اللي بتبيعه بتقول انا بدي فكرة فقط عن الجهاز لك مني كل التقدير والاحترام |
| الساعة الآن 08:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017