المشاركة الأصلية كتبت بواسطة memodina1 (المشاركة 677474)

بص يا باشا دى نظريتى واخدتها عن تجارب عدة وطبعا انت حر
فى امريكا والدول الكبيرة والخليج وكدة وباقى دول العالم يقدر abs
يفيدك عشان هناك مفيش حاجة اسمها مطب هناك فى صخرة تقع من على جبل هناك فى ثلج كدة فمحتاج الفرامل absعشان يفدى الصخرة انزلاق الثلج ودا مش مرة ولا اتنين دا على طول الحاجات دى عندهم
وطبعا انت عارف وكل الناس عارفة ومحدش بالله عليكم يفتى ويقول عكس كدة الفرامل العادية اقوى من abs
لو دى هتوقف العربية تماما من 100 الى 0 العادية 4 ثوان
abs هتاخد حوالى 10 ثوان
لانى الفرامل مش هتمسك نهائى او بمعنى التيل هنا فى abs هيمسك ويسبك ويمسك ويسيب فى ثوانى وبسرعة جدا دا عشان يديك تحكم فى العربية شمال ويمين لكن العادية هيمسك ويزحف ومش هيريح عن الطنبورة الا لما تسيب انت
فانا ارجح الفرامل العادية هنا فى بلدنا لية بقى انت هنا فى مصر معظم ولو مكنش دايما هتقابل مطبات فجاة قدامك يعنى محتاج توقف العربية تماما مش تحود شمال او يمين لانها مش هتفرق شمال هتاكل المطب يمين هتاكل المطب فاهمنى
طبعا دا مش معناة انك مش هتقابل مواقف محتاك فيها abs لاة بس قليل جدا كل مواقفك هتكون عايز توقف العربية تماما زى مطب او لاقدر الله عربية وقفت فجاة
هنا تجيب اللى هتساعدك على شوارع مصرنا الغالية
لكن ى النهاية اختار اللى يريحك وانتظر راى باقى الاعضاء
بس ارجوكم مش عايز الاقى رد يقولى مفيش فرق فى مدة التوقف التام للفرامل العادية و abs
معلش جربتها 100 مرة وفى عربيات كتير غير الالنترا طبعا
واللى معرفوش بقى هل فى الالنترا زرار فصل abs ولا لاة عايز اعرف المعلومة دى

المشاركة الأصلية كتبت بواسطة Toyota Corolla (المشاركة 677897)

طب و ايه رأيك يا باشا فى الفديو ده http://www.youtube.com/watch?v=ABWO8l-vvs0 و ده عبارة عن تجربة لفرامل ال ABS فى كورولا 2012 و حسبتها أكثر من مرة بالStopwatch من أول ما العداد كان على 100 بالظبت تماما لحد 0 و الAverage طلع 3.9 ثانية مش 10 ثوانى يعنى زى ما واحدد صاحبنا كان بيقول ههههههه :1336: وده فيديو لالنترا 2012 بدون abs و طبعا متحسبش على أساس العداد عشان هوبينزل فى ثانية واحدة عشان العجل بيقفش ،أنا حسبت على أساس الصوت و طلع تقريبا 4.5 ثانية بما ان الصوت هيخلص لما العربية تقف http://www.youtube.com/watch?v=bCh6JgbDop0 .
الملخص إن كل واحد فيهم ليه عيوب و ليه مميزات

المشاركة الأصلية كتبت بواسطة memodina1 (المشاركة 678055)

اهلا بحضرتك ومعلش اقراء كلامى للاخر وقبل القراءة انا مش ضد الفررامل abs ولكن مش مصرنا الحبيبة
اولا فيديو الكورولا دا افتحة فى اليوتيوب دوس على كلمة يوتيوب الحمرا اللى فى الفيديو هيفتح صفحتة على اليوتيوب
اقراء الراجل اللى حاطط الفيديوو كاتب اية بالضبط كاتب كدة
Probando el sistema de frenos anti bloqueo(ABS) y distribucion electronica de frenado(EBD) del corolla
طبعا اللغة اسبانى الترجمة بقى على حسب علمى وترجمها حضرتك براحتك خالص

اختبار الفرامل المضادة للقفل نظام (ABS)، وتوزيع قوة الكبح إلكترونيا (EBD) من كورولا.

حضرتك هنا الراجل قايل اية anti bloqueo ABS
معنى كلامة انى هو فاصل abs وبعدها قايل انة مشغل نظام ebd
يعنى توزيع القوة على حسب انحدار العجل عشان العربية متقلبش
يبقى المصمون
اختبار الفرامل مع قفل abs وتشغيل خاصية ebd لتوزيع القوة فقط وهنا نرى انها وقفت فى حدود 4 ثوان برضة لفصلة خاصية abs وتشغيل ebd
ركز فى الكلام بدون تعصب
وادعى لمصر بواحد ينقلها من الظلام دا الى النور
ومعلش جرب عربية فيها abs هتلاقيها جميلة جدا لكن مش مسعفة خالص لو محتاج تقف موقف مفاجئ مطب مثلا ............