مصر موتورز مجتمع السيارات - مصروف العربية كااااام..... بيت تانى بجد؟؟؟

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - مصروف العربية كااااام..... بيت تانى بجد؟؟؟ (https://www.masrmotors.com/vb/showthread.php?t=81434)

رد: مصروف العربية كااااام..... بيت تانى بجد؟؟؟

اقتباس:

المشاركة الأصلية كتبت بواسطة Vanditta (المشاركة 631713)

اعتقد ان ليها حسبة تانية غير الزيت والبنزين
لو افترضنا العربية هتقعد سنتين شغالة فى ظروف قياسية من غير حوادث لا قدر الله
هتحتاج تغير فى السنتين دوول
1- اربع فرد مساعدين وتغيير مايلزم تغييرة فى العفشة (وغالبا كلها هتتبهدل وهتحتاج تغيير) والفضل يرجع لطرق مصر الجميييييييلة
2- جوز كبالن كل سنة يعنى اربعة كوبلن لو العربية كبالن
3- اربع فرد كاوتش
4- بطارية +مصاريف صيانتها لو سائلة خلال السنتين
5- دينامو وردياتير لو العربية مستعملة (ماعتقدش هيفضلو بحالتهم سنتين وهما اساسا مستعملين ) وصيانة تكييف لو العربية مكيفة
6-صيانة الكربيراتير او الانجكشن + الشاكمان +طقم فلاتر وسيور (هنقول كل سنة مرة ياعم)
7- شوية اكسسوارات حسب الظروف (فانوس- مراية - ازاز-كاسيت-فرش ...الخ)
لو حسبناالكلام دة كلة + المصنعيات هيعمل فى حدود من 7000جنية وانت طالع حسب نوع العربية وقطع غيارها
على سنتين يعنى 3500 فى السنة
على 12 شهر هتعمل بتاع 290 جنية فى الشهر دة الحد الادنى لقطع الغيار دى على ما اعتقد

هنقول 290 + 150ج بنزين 80 دة لومشاويرك قليلة جدا + 120 جنية زيت وفلتر على شهرين يعنى فى الشهر 60 ج
+ 100 جنية بالميت لو بتركن فى جراج
يبقى الحسبة كلها 600 جنية فى الشهر لو بتركن فى جراج او 500 لو من غير

طبعا الكلام دة لو حضرتك استعمالك خفيف للعريبة و شارى عربية حالتها نضيفة جدا والموتور ماقلش بأصلة معاك ولا احتاج شنبر ولا عمرة و لا خبطت رفرف ولا كابوت ولا شنطة ولا احتجت تديها وش نضافة
ولا اتخميت فى قطعة غيار واضطريت ترميها وتجيب غيرها ولا وقعت فى ميكانيكى ماعندوش ضمير واستغلك

(دة رأيى الشخصى ) وتقبل مرورى :CONGRA~238:

شوف انا معايا عربيه مبصرفش عليها الكلام ده كله بس بالحضرتك قولتلو انت هتخلينى ابعها واجيب موتو ريس احسن

رد: مصروف العربية كااااام..... بيت تانى بجد؟؟؟

اقتباس:

المشاركة الأصلية كتبت بواسطة Vanditta (المشاركة 631713)

يا باشا الكلام ده مبالغ فيه كتير
انا كان عندى عربية 128
وخلال 11 سنة غيرت جوز كبالن مرة واحدة جداد
وغيرت مساعد امامى واحد فقط استيراد
وقبلها عربية ريتمو غيرت جوز كبالن مرة واحدة فى فترة 7 سنين استخدام
وعمرى فى حياتى ماغيرت دينامو ولا رادياتير ولا مرة مع تعدد وتنوع العربيات اللى ركبتها
جايز انت بتتكلم على الوضع المثالى لكن مش ده اللى بيحصل فى الواقع

تحياتى للجميع

رد: مصروف العربية كااااام..... بيت تانى بجد؟؟؟

اقتباس:

المشاركة الأصلية كتبت بواسطة Vanditta (المشاركة 631713)

اعتقد ان ليها حسبة تانية غير الزيت والبنزين
لو افترضنا العربية هتقعد سنتين شغالة فى ظروف قياسية من غير حوادث لا قدر الله
هتحتاج تغير فى السنتين دوول
1- اربع فرد مساعدين وتغيير مايلزم تغييرة فى العفشة (وغالبا كلها هتتبهدل وهتحتاج تغيير) والفضل يرجع لطرق مصر الجميييييييلة بس لو جبتهم جداد أصلى ممكن يقعدوا اكتر من سنتين
2- جوز كبالن كل سنة يعنى اربعة كوبلن لو العربية كبالن لو العربية عفشتها سليمة معاك 5 سنين ونتا طالع
3- اربع فرد كاوتش بتاريخ الإنتاج وعدد الكيلومتر
4- بطارية +مصاريف صيانتها لو سائلة خلال السنتين البطارية السايلة كشف عليها كل 3 شهور ومبتكلفش إلا 5 جنيه بالكتير
5- دينامو وردياتير لو العربية مستعملة (ماعتقدش هيفضلو بحالتهم سنتين وهما اساسا مستعملين ) وصيانة تكييف لو العربية مكيفة ممكن يقعدوا أكتر من كده لو حالتهم كويسة
6-صيانة الكربيراتير او الانجكشن + الشاكمان +طقم فلاتر وسيور (هنقول كل سنة مرة ياعم) انا بعمل تنظيف للكربراتير كل 1000 كيلو بنفسى
7- شوية اكسسوارات حسب الظروف (فانوس- مراية - ازاز-كاسيت-فرش ...الخ)
الإكسسوارات دى بتتجاب مرة واحدة
لو حسبناالكلام دة كلة + المصنعيات هيعمل فى حدود من 7000جنية وانت طالع حسب نوع العربية وقطع غيارها
على سنتين يعنى 3500 فى السنة العربيات الزيرو إضرب * 3
على 12 شهر هتعمل بتاع 290 جنية فى الشهر دة الحد الادنى لقطع الغيار دى على ما اعتقد= وهو المطلوب إثباته
فعلا أى عربية بتدخل مصروفاتها فى حدود 300 - 400 جنيه فى الشهر
من بنزين لزيت لخلافه عشان كده قالوا انها بيت تانى
مهيا فعلا كده إمتداد لبيتك
شيلاك انت و أسرتك من زحمة المواصلات
بتسافر بيها و تقضى مشاوريك
حتى لو مخنوق والدنيا ضيقة بيك تشغل القرآن وتطلع طريق مفتوح تفك نفسك من الخنقة
زمان أيام الشباب كنا بنروح حتت جديدة ونتعلم حجات جديدة
يلا بقى حسن الختام معلش طولت عليكم
تقبلوا مرورى

:010104~171::010104~171:

رد: مصروف العربية كااااام..... بيت تانى بجد؟؟؟

Vanditta
:fun_36_3_9[1]::fun_36_3_9[1]:

رد: مصروف العربية كااااام..... بيت تانى بجد؟؟؟

اقتباس:

المشاركة الأصلية كتبت بواسطة محمد شهاب (المشاركة 632938)

ياباشا كلامى انامبالغ فية وان حضرتك تغير جوز كبالن مرة واحدة ومساعد امامى واحد استيراد خلال 11 سنة وفى عربية 128كمان دة اللى مش مبالغ فية !!!!:36_1_1[1]:

انا مش بشكك فى كلام حضرتك والله ابدا
بس انامستغرب عشان دى فترة كبيرة جدا جدا جدا على كبالن ومساعدين

على العموم ربنا يباركلك فيها كمان وكمان ويكفيك شرها يارب:01FDAB~189: