رد: عربيتي اتسرقت !! أرجو المساعدة
 

رد: عربيتي اتسرقت !! أرجو المساعدة
 

السلام عليكم
أبشركم يا إخواننا إني لقيت العربية والحمد لله
اتصل بيا واحد يوم الجمعة وقالي انه شاف العربية أمام سجن المرج في منطقة اسمها "القلج" وانها كانت مفتوحة وفيها الكرت بتاعي فشاف رقمي فاتصل بيا
وبعدين رحت قابلته ورحت معاه المنطقة المهجورة دي فلقيت العربية في حالة يرثى لها !!!
متقلبة تمامًا ما سابوا فيها شيء سهل الفك إلا خدوه ومنها:
الرادياتير - البطارية - موتور المساحات - إربة المياه ! - الكاسيت والسماعات - الاستبن و3 فرد كاوتش منهم اتنين حطلي مكانهم فردتين ممسوحين - الكوريك وطفاية الحريق - جزء من التابلوه والكونتاك - كل الاكسسوارات - المرايات - المساحات - اقفال الشنطة والكبوت - الشبكة - السنتر ... إلخ
بس الراجح ان اللي سرقوا العربية مش هما اللي فكوا الحاجات دي، هما سرقوها قضوا بيها مصلحة ورموها فجم أهل المنطقة دي وفكوا اللي فيها وقشطوها والله أعلم
المهم اتصلت بونش وجه رفع العربية ووداها مصر الجديدة عند الميكانيكي وخدله 250 جنيه أول القصيدة، وطبعا على الأقل الحاجات الناقصة دي هتخشلها في 3 آلاف جنيه أقل واجب والله المستعان
ورحت عملت محاضر تانية ! في القسم والمديرية إني لقيت العربية والأفلام دي
والحمد لله على كل حال

رد: عربيتي اتسرقت !! أرجو المساعدة
 

ربنا يعوض عليك

و يجعله في ميزان حسناتك

و الحمد لله

قضا اخف من قضا ،،

رد: عربيتي اتسرقت !! أرجو المساعدة
 

فعلا قضا اخف من قضا قول الحمد لله ديه لو كانت اتسابت يومين كمان كانوا هيكملوا عليها كلها وال 128 كل حاجة فيها ليها مليون سكة بس الحمد لله انك لحقت منها حاجة ربنا يعوض عليك يامحمد وان شاء الله ربنا يخلف عليك بالخير

رد: عربيتي اتسرقت !! أرجو المساعدة
 

ربنا يعوض عليك
و ربنا ينتقم ممن استحلوا أموال الناس