|
رد: فولكس فاجن سوران , تويوتا ياريس , كيا سيراتو الجديدة 2009
انا واللة مش اقصد ان اليارس وحشة انا جربت اليارس وهي عربية زي الفل بس السيراتو فئة اعلي منها بمراحل مش ينفع تقارنها باليارس وبعدين احنا جربنا السيراتو 2008 ومفيهاش غلطة وبردة احسن من اليارس وهي احسن من اليارس في حاجات كتير اول حاجة شكل مختلف ومميز وتكنولوجيا صناعة اعلي من اليارس محرك 1600سي سي 123 والعزم 155 مش اليارس موتورها 1300 ولما بتشغل التكييف بيقل والسيراتو مزودة بفتيس ستيب ترونيك تكنولوجيا2009 اليارس مفيهاش ستيب ترونيك وتكييف السيراتو اوتو ماتيك لكن اليارس عادة السيراتو ثابتة بكتير عن اليارس لان قاعدة العجل اعرض بكتير السيراتو مزودة بوحدة كمبيوتر ذكية معلومات للسائق حجم مقصورة اوسع من اليارس وبعدين شكل السيراتو جامد جدا لازم تبقي السيراتو احسن دي مفيهاش كلام ومن الاخر هي احسن من اليارس في كل حاجة زي منا قولتلك في الاول السيراتو فئة اعلي من اليارس
|
رد: فولكس فاجن سوران , تويوتا ياريس , كيا سيراتو الجديدة 2009
اقتباس:
|
رد: فولكس فاجن سوران , تويوتا ياريس , كيا سيراتو الجديدة 2009
عموما بالنسبه لموضوع ملحق السيارات و بدون ذكر اسماء ... فهو للأسف في صراع خفي بين الجريدتين الرسميتين في موضوع الدعايه..
زي العربيه الصيني المبنيه على التيريوس القديمه (اكسبلوجين ) ... الاخبار عملت حمله دعايه كبيره للوكيل و اخبار و افتتاح و مديح ... و الاهرام قالت انه سيء و الصيانه وحشه و الناس بتشتكي منها .... ونفس الموضوع في اللاندروك .. ودعايتها كانت مع الاهرام .. للوكيل هويدي .. في نفس الوقت اللي الاخبار هاجمتها فيه ... وغيره و غيره ... في النهايه .. النتيجه ايه ... للأسف مفيش اي مصداقيه ... و عمري ما صدقت اي اختبار تجربه او موضوع في اي جريده مصريه ... وذلك لتعارض المصالح بين الدعايه و التقييم المحايد .. ممكن حضرتك تشوف الموضوعات دي ... الصحافه المدفوعه و الراس المصدوعه الصحافه المدفوعه ..... و الرأس المصدوعه <<<< الجزء الثاني الصحافه المدفوعه … و المراره المفقوعه مرسيدس نفسها مسلمتش من الهجوم ... للأسف صحافه السيارات عندنا في المقام الاول دعايه و اعلان ... و ممكن يبقى فيها خبرين في النص .. لكن تقييمات محايده .. مفيييييش ... نفسي مره واحده اشوف مقال فيه تقييم يطلع عربيه فيها حاجات سلبيه و حاجات ايجابيه ... لكن ده كله يا اما زي الفل و افضل سياره في فئتها .. والاعصار القادم من الواء واء .. و مفاجأء معرض عنتر للمستهلك المصري ... يا اما عربيه بايظه ووكيل اجنص و قطع غيار مضروبه ... يا ابيض .. يا اسود !!!!! ptmnlo123per1106 صعب اوي اني اقتنع ان في صحفي يقدر يعمل موضوع محايد في نفس الصفحه اللي فيها اعلان واخد نص الصفحه ptmnlo123per172 ارجو انك متكنش اتضايقت من كلامي .. و انا مقصدش شخص معين .. لكن دي سياسه ملحق السيارات في اي جريده مصريه ... وياريت حد يقدر يغير الصوره دي من دماغي .... للأسف لسه محصلش |
رد: فولكس فاجن سوران , تويوتا ياريس , كيا سيراتو الجديدة 2009
انا عمري مضايق من كلامك ياباشا انت كلامك صح بردو بس الكلام دة مينكرش ان السيرلتو احسن من اليارس لان السيراتو 2008 كانت مفيهاش غلطة يبقي 2009 اليارس احسن منها مينفعش خالص كفاية كماليتها الرهيبة
|
رد: فولكس فاجن سوران , تويوتا ياريس , كيا سيراتو الجديدة 2009
والله يا جماعة موش هعرف اشكركم ازاى
انا قعدت كام يوم ومافيش تعليقات لدرجة وانا بدور فى جوجل لقيت الحوار بتاعنا عليه انا لغيت بدرجة نهائية موضوع السوران وشوفت السيراتو بس اللى مقلقنى منها انها واطيه على الارض يعنى لما احمل خيرات البلد وانا جاى مع الاسرة كمان هزحف على الارض ولسة مازلت فى الاختيار ياريس ام سيراتو؟ |
| الساعة الآن 04:54 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017