مصر موتورز مجتمع السيارات - فحص وتشخيص أمراض البطن

تسلم ايدك يا دكتورنا
اديب وشاعر وطبيب

ليا استفسار
ما رأيك في استئصال الطحال
اضراره - مميزاته

الحالة
مريض كبد السن 61
فشل كبدي ، استسقاء بالبطن ، حصوة صغيرة في الكلي الشمال
حصوتين صغيرين في المرارة، تضخم في الطحال
اخر مرة عمل دوالي مريء شهر اكتوبر الماضي والمفروض متابعه بعد سنة ان شاء الله
من 8 سنين حصل فتق سري نتيجة الاستسقاء
وحصل اختناق في الامعاء في 2008 وفك لوحده
وبعدين من 4 شهور تكرر الاختناق
وحدثت غرغرينا في الامعاء
وتم اجراء جراحة لعمل الفتق السري
( اخد وقتها حوالي 65 كيس بلازما وصفائح دموية )
الجراح كان عاوز يشيل الطحال
لانه شايفة قدامه متضخم جدا
وانه هو سبب رئيسي في تكسير الكرات الحمراء والاستسقاء
لكن وقت العملية والحاجة لسرعة الخروج نظرا لطبيعة المرض والبنج لم يسعفه
وقرر انه يدخل عمليه تاني بعد فترة
لكن طبيب الباطنة رفض انه يدخل اي عمليات تاني
نعمل ايييييييييه
ولو فعلا الطحال هو السبب في الاستسقاء
هل ممكن نعمل فصل ليه بالمنظار والا لأ
اقصد هل ممكن يدخل الجراح بالمنظار
يعمل ربط للاوردة الداخلة للطحال
يقفلها وبالتالي يمنع عنه مصادر التغذية الخاصة به
فيضمر ويموت داخل الجسم

والا الكلام ده نظري ومينفعش يطبق عمليا