رد: ارجو النصيحة فى تزييق دواسة الدبرياج للفيرنا
 

بصو يا جماعة انا فكيت الكوتشة اللى على الفورش اللى داخل فيها الصليبة المهندس فى التوكيل قالى بلاش زيت عشان ميخشش على الاسطوانة مش عارف الكلام دا صح ولا غلط المهم حطيت wd40
ورشيت براحة كدة خفت عشان كلام الراجل انة يدخل على الاسطوانة المهم قفلت الصوت راح بنسبة 80 فى المية انا بقى عايز ارش تانى يمكن يروح خالص ويختفى ولا استنى لحد يومين كدة يمكن يلين ولا بلاش الرش هنا اساسا ارجوا النصيحة لو حد حط زيت فى الفورش لانى كدا انا اتاكدت انة من الفورش مش الدواسة

رد: ارجو النصيحة فى تزييق دواسة الدبرياج للفيرنا
 

انا عندى نفس المشكلة دى فى الفرنا 2011 ولما سالت ميكنيكى صحبى قالى ممكن تكون من البدال نفسة عايز الصامولة تتربط كويس وممكن تكون من سلك الدبرياج عايز يتزيت وممكن تكون من الفرش بيحك فى السلك بتاع الدبرياج بس مفدنيش علشان ساعة مسالتة العربية ما كنتش معايا وعلى فكرة الصوت دة بيجى وبيروح ساعات اسمعة وسعات لا فكبرت دماغى

رد: ارجو النصيحة فى تزييق دواسة الدبرياج للفيرنا
 

بص يا باشا هل الفورش ده هو اللى انا كان قصدى عليه يعنى هو الدراع اللى داخل على الجير بوكس لو هو يبقى فعلا قريب من الاسطوانة بس انا فى اللانوس هريته رش على مدار ال 226 الف كم ( يمكن 5 مرات ) و لغاية دلوقتى مضطرتيش اغير الاسطوانة
اما لو الفورش ده بعيد عن الجيربوكس يبقى الزيت عمره ما حيطول الاسطوانة
يا سلام لو ترفعلنا صورة اكون شاكر

رد: ارجو النصيحة فى تزييق دواسة الدبرياج للفيرنا
 

هرفع صورة بكرة ان شاء الله وانا رشيت تانى انهاردة عشان اشوف بنفسى وهرفع صورة ليك يا استاذ احمد
منورنى بردودك:fun_36_3_11[1]:

رد: ارجو النصيحة فى تزييق دواسة الدبرياج للفيرنا
 

الله يكرمك يا محمد باشا
و الله مواضيعك كلها فايدة و فى الاخر الواحد بيتعلم منها و بتبقى مرجع جميل لغيرنا