مصر موتورز مجتمع السيارات - تجربتى الشخصيه فى تنظيف المحرك من الداخل

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - تجربتى الشخصيه فى تنظيف المحرك من الداخل (https://www.masrmotors.com/vb/showthread.php?t=69503)

رد: تجربتى الشخصيه فى تنظيف المحرك من الداخل

طيب البنزين ده مبيأثرش على كاوتش الصبابات؟؟؟

رد: تجربتى الشخصيه فى تنظيف المحرك من الداخل

خلينا نقول ان حضرتك عملتة معملش مشاكل واضحة لحد دلوقتى
بس ده مش معناه انه مش هيعمل مشاكل لو اتكرر تانى على نفس المكنة
وطبعا مش معناه انه ينفع على اى مكنة تانية
لان تاثير البنزين على الاويل سيلات والجوانات وطرمبة الزيت مش معروف واكيد ممكن يكون سلبى
بس هى تجربة جريئة ومتميزة وتستحق المشاركة واشكرك عليها :CONGRA~238:

رد: تجربتى الشخصيه فى تنظيف المحرك من الداخل

اقتباس:

المشاركة الأصلية كتبت بواسطة AboNoRa (المشاركة 531941)

اخى العزيز اشكرك اولا على شكرك لى وارجو ان تتقبلكلامى بغرض المنفعه العامه لكل اعضاء النتدى
خضرتك قلت
1-( خلينا نقول ان حضرتك عملتة معملش مشاكل واضحة لحد دلوقتى
بس ده مش معناه انه مش هيعمل مشاكل لو اتكرر تانى على نفس المكنة )على اي اساس حكمت ان هيعمل مشكله لو اتكرر على نفس المكنه
2- (وطبعا مش معناه انه ينفع على اى مكنة تانية ) طبعا كلام حضرتك سليم لو دوره الزيت فيها اجزاء من الممكن ان تتلف لو دخل فيها البنزين ولكن بالنسبه للدائره العادي والتى لاتحتوى الا على طرمبه الزيت والتى تعمل على ترسين لدفع الزيت لا تسبب لها اى مشاكل لو ضخه البنزين مكان الزيت لثواتى

3- ( لان تاثير البنزين على الاويل سيلات والجوانات وطرمبة الزيت مش معروف واكيد ممكن يكون سلبى )
حضرتك اكدت ان البنزين له تاثير سلبى مع انك قلت ان تاثيرها مش معروف
وللعلم ات الجوانات موجوده فى دائره البتزين من التانك وطرمبه البنزين والكربراتير ( الكربراتير كله جوانات واولسيهات ) وبالنسبه لاولسيهات الصبابات تحجز الزيت عن غرفه الاختراق ( تحتوى غرفه الاحتراق على بخار البنزين ويلامس اولسيهات الصبابات )

العربيه الحمد لله تمام ولايوجد اى مشاكل او اى اثار سلبيه انما تحسن اداء المحرك وحراره المحرك مع العلم انى موسوس حساس لاى تاثير فى اداء المحرك
ارجو ان تتقبل كلامى ومتزعلشى منى هدفا المنفعه العامه
وتقبل تحياتى

رد: تجربتى الشخصيه فى تنظيف المحرك من الداخل

اقتباس:

المشاركة الأصلية كتبت بواسطة essamenen (المشاركة 532526)

ياباشا هزعل منك ليه انت بتتناقش بكل موضوعية واحترام بالعكس انا بشكرك على ردك واكيد هستفيد من النقاش مع حضرتك وعلى فكره انا مش خبير فى الميكانيكا وبالتالى عمرى ما تحيزت لراى بشكل قاطع فى اى حوار فى عمر اشتراكى فى المنتديات بتاعة السيارات كلها فخد راحتك يا باشا خالص :CHUBBY~36:
وهرد على حضرتك فى المشاركة الجاية

رد: تجربتى الشخصيه فى تنظيف المحرك من الداخل

1-( خلينا نقول ان حضرتك عملتة معملش مشاكل واضحة لحد دلوقتى
بس ده مش معناه انه مش هيعمل مشاكل لو اتكرر تانى على نفس المكنة )على اي اساس حكمت ان هيعمل مشكله لو اتكرر على نفس المكنه

على اساس ان الكلام النظرى بيقول ان جزء من الرواسب فى المكن القديم بيملى فراغات من اثر التاكل والمنظفات عموما يخشى من استخدمها بكثافة للسبب ده

بمعنى تانى مش لازم المكنة تكون بتلمع علشان تكون كويسة ( انا بتكلم عن المكن القديم ) وشوية كربنة او شوية رواسب مفيش منها مشكلة المشكلة فى الكتير منها بس ده غير باقى التاثيرات المحتملة على دورة التزييت

اقتباس:

2- (وطبعا مش معناه انه ينفع على اى مكنة تانية ) طبعا كلام حضرتك سليم لو دوره الزيت فيها اجزاء من الممكن ان تتلف لو دخل فيها البنزين ولكن بالنسبه للدائره العادي

مهو اكيد مش كل واحد فينا عارف طبيعة تصميم ومكونات دورة الزيت فى عربيتة !! والاسلم استخدام المنظفات المصممة لذلك

اقتباس:

3- ( لان تاثير البنزين على الاويل سيلات والجوانات وطرمبة الزيت مش معروف واكيد ممكن يكون سلبى )
حضرتك اكدت ان البنزين له تاثير سلبى مع انك قلت ان تاثيرها مش معروف
وللعلم ات الجوانات موجوده فى دائره البتزين من التانك وطرمبه البنزين والكربراتير ( الكربراتير كله جوانات واولسيهات ) وبالنسبه لاولسيهات الصبابات تحجز الزيت عن غرفه الاختراق ( تحتوى غرفه الاحتراق على بخار البنزين ويلامس اولسيهات الصبابات )

مهو معنى انه مش معروف انه اقرب للسلبى وخاصة مع التكرار زى ما قولت لحضرتك والا كان ليه علماء الكيمياء بيخترعو منظفات مخصوصة للمحركات سواء لغرفة الاحتراق ومنظومة الحقن او لدورة التزييت ؟؟؟
ومعنى مش معروف انه مش معروف لى بالتفصيل بس اكيد معلوم ومعروف للمتخصصين

وبعدين مش معنى ان فيه اويل سيلات وجوانات فى دورات وانظمة تانية فى العربيه اننا نستخدم البنزين فى تنظيف كل الاجزاء الا هنستخدمة فى تنظيف الريداتير دورة المية ودورة التكييف !!

كمان حضرتك خد بالك من نقطة مهمة اننا مش بس بنتكلم عن تاثيرات النزين كمادة خام لاء ده احنا بنتكلم بعد كده على تاثير الزيت اللى حضرتك حطيتة وطبعا امتزج بالبنزين بدرجة برضو مش معلوم بدقة مدى تاثيرها على خواصة

يعنى بنتكلم عن خامات مش مصممة للتعامل مع البنزين بالعكس ممكن تكون مصممة خصيصا للتعامل مع الزيوت زى ما حضرتك قوت فيه تروس ممكن تكون فى طلمبة الزيت بتعتمد فى حركتها على تزييت طبيعى من الدورة وفجاءه تشتغل باحتكاك مع البنزين

وبنتكلم عن تاثير مادة خليط مابين زيت وبنزين بعد كده وبنتكلم حتى عن فكرة المنظفات ومدى جدوها او تاثيرها السلبى اللى محل جدال من المتخصصين فى العالم كله

وبعدين انا حتى المحركات القديمة اخاف اعمم الفكرة لحد يا يجرب فى موتور مفوت لدرجة ان ضغط وحرارة غرفة الاحتراق توصل لاى من مجارى التزييت اللى بقى فيها بنزيت فبدل ما الموتور يحرق زيت يحرق بنزين ويمكن ينفجر الموتور كله !!

انا قولت لحضرتك انها تجربة قيمة فعلا لانها اقرب للمغامرة المدروسة
لكن فيه فرق بين المغامرة وبين الصح
والصح صح
عايز تنظف دورة التزييت استخدم المنظفات المجربة والمعتمدة سواء المضافة للزيوت كمكون واحد او المضافة ليه بشكل مستقل