رد: صيانة 20000 كم مازدا 3 بالتوكيل أم خارج التوكيل
 

يا عم كيمو
أي خرابة برة أرحم من غبور
لو عايز حد كويس قولي بس

رد: صيانة 20000 كم مازدا 3 بالتوكيل أم خارج التوكيل
 

رد: صيانة 20000 كم مازدا 3 بالتوكيل أم خارج التوكيل
 

أولا : جزاك الله خيرا على اهتمامك
ثانيا : أنا برضه كان معايا تويوتا ايكو لحد 217000 كم و بايعها بحالة ممتازة و صيانتها في ورشة ابن خالتي ( موزع معتمد قطع غيار تويوتا أصلية ) و قطع الغيار طبعا من عنده
المشكلة في حاجتين :
1- مش عايز أندم اني سبت التوكيل و احس اني خسرت حاجة مهمة زي الضمان بالسهولة دي
2- عايز حد في اسكندرية موثوق فيه اشراء قطع الغيار الأصلية

رد: صيانة 20000 كم مازدا 3 بالتوكيل أم خارج التوكيل
 

أ/ علي منير,
بالنسبة لقطع الغيار فى الإسكندرية, أنا معايا (لحد دلوقت) مازدا ٣٢٣, مش بجيب قطع غيار غير من عند واحد إسمة (ياسين) لقطع غيار الياباني والكوري. المحل أمين جدا وعنده أحسن قطع غيار فى الإسكندرية. طبعا انا مش بلاقى قطع غيار مازدا أصلى للـ ٣٢٣ بس في حاجات كتير ياباني الصنع. لكن لعربيتك أظن حتلاقى عنده قطع غيار مازدا يابانى اصلى. إسأل عنده وشوف, همه فى منتهى الأمانة.

مكان المحل, بين محطتي ترام فلمنج والوزارة على الترام وأنت رايح على الوزارة.

وكمان فى محل تاني إسمة (الرز) فى ش جمال عبد اناصر قبل فيكتوريا بحاجة بسيطة على إيدك اليمين وإنت رايح على فيكتوريا, بس بحسهم غاليين شوية عن (ياسين). أرشحلك ياسين الأول وبعد كده الرز لو ملقتش طلبك. وأي خدمة :fun_36_3_16[1]:

كان لى سؤال لحضرتك, المازدا إلىى معاك بيسك أوتو صح؟ كنت عايز أعرف إيه مواصفاتها, ABS ؟ إيرباجز؟ سينسورز من أى نوع؟ فتحة سقف؟ إلخ

رد: صيانة 20000 كم مازدا 3 بالتوكيل أم خارج التوكيل
 

جزاك الله خير
حابقى أروح أبص عند ياسين دة
بالنسبة للرز هو عنده قطع غيار مازدا الشكل الجديد ؟؟؟
بالنسبة لمواصفات المازدا ممكن ترجع لمواضيعي الخاصة بالسيارة و إن شاء الله حتلاقي كل اللي بتسأل عنه و لو فيه اي استفسار أنا تحت أمرك